Vi fann 9103 artiklar i dette arkivet.
Etter en sommer og vår med stadige oppdrag i Europa gjester Terje Todalen igjen, og har allerede varslet ønske om en topptur i løpet av helga. Så her ligger muligheten for en lokalkjent vandrer til å veivise. Terje har deltatt på Raus 2015 og 2016, og har bedt spesielt om å få opptre i sommer. Lørdag kveld skjer det på Todalshytta.
Vassføringen i Toåa har gått rett til værs i ettermiddag – frå beskjedne 5 m3/sek tysdag i 9-tida til rundt 40 m3/sek i 20-tida. Det har regna jamnt og trutt utover dagen, med ein topp rundt 17-tida og det ser ut som elvane som kjem lengst inn frå Trollheimen som har fått mest.
Kulturkontoret melder: «Da er ny Stikk UT!-vinnar trekt, og den heldige vinnaren av gåvekort for juli månad vart Karin Sunde, Grimsmomarka. Ho har vore på fleire Stikk UT!-turar, men det var ein tur til Langvatnet som sikra henne premien. Vi gratulerer med ein velfortent sommarbonus!
Det er sendt ut OBS-varsel om mykje regn frå måndag kveld til seint tysdag kveld. Sterk vind er det også meldt, men det er mest på Sunnmøre og i Romsdal. Fram til tysdag kveld kan det i Todalen kome mellom 30 og 50 mm på 36 timar etter meldingane på yr.no.
Søndag samla Stangvik historielag 60 deltakarar på setervandring til Søyådalen. Turen starta på Holtasetersiå og gikk innover dalen med første stopp på Gammelsetra for orientering. Vidare innover til Midtsetra og enda til slutt på Holtasetra og Klokkargardssetra, fortel Erling Myrbostad.
Søndag ettermiddag feira Husby Vel i Bekkerhagan nyopning av leikeplassen sin. Den gamle leikeplassen var nedslitt og hadde behov for ei ansiktløfting. Etter 125 dugnadstimar er både leikestove, nytt gjerde, ballvegg og ny platting på plass, og søndag vanka det både kaffe, blautkake og mykje anna godt til 60 gjestar som møtte fram på opninga.
Søndag fikk Lars Arild Houmb ein laks på kroken i Raudaåhølen. Det er det mange som har gjort i sommar, og det er ikkje noko spesielt med det. Men denne laksen var på 4,4 kg og var rett og slett mager. Den lange og magre laksen skulle hatt ei vekt på nærare 7 kg, dersom han hadde vore i normal kodisjon. Det var ein nygått laks – full av lus og den hadde ofattande skade både rundt gjellene og på ryggen.
I helga er det siste innspurt for årets sesong i Svinviks arboret. Arboretet og kafeteriaen er ope til og med søndag 07. august og både laurdag og søndag er opningstida frå 11.00 – 16.00. Stikk innom – alle er velkomne er oppfordringa!
I sommar har det pågått legging av fiberkabel til Brusetmarka. Det er lagt jordkabel frå Todalshytta og innover i dag er dei komne til Hengebrua før dei tek helg. Det er Rolf petter halle og Joar Inge Gjeldnes som jobbar for Svorka aksess og det legges no rør innover, der det etterkvart skal skytast fiberkabel innover etterpå.
Andreslåtten er i full gang – no også med rosa siloballar – i tillegg til gørne og kvite. Dei rosa siloballane har fått stor oppmerksomheit i sommar. Det er Felleskjøpet Agri som i samarbeid med emballasjeprodusentane Trioplast og Tama har valt å starte den rosa kreftkampanjen, fortel Anders A. Karlsen i Todalen Mjølk. Produsentane, forhandlarane og bonden yter 10 kr kvar pr rull med folie – tilsaman kr 300.000 til bryskreftsaka og ikkje minst har saka fått stor oppmerksomheit i media.
Husmorskulen på Halsa er det nok mange som dreg kjensel på. Gjennom ei årrekkje er det nok mange frå Todalen og andre plassar på «indre» som har gått der, og har mange minner frå den tida. Einar Oterholm er i gang med bok om historia til husmorskulen, og søndag 7. august inviteres det til Søndagskafé i Løvik grendahus i Skålvikfjorden, der Oterholm vil presentere «historia til «Nordmøre Husmorskule».
I Bekkerhagan har Husby Vel drive storstila dugnadsarbeid med rehabilitering av leikeplassen i grenda. Alt i tre er skifta ut og dei har fått på plass ei flott utestove, sandkasse og platting. No inviterer dei både sponsorar, naboar og andre interesserte til å kome og sjå, og har open dag søndag 7. august frå kl 15.00.