Forside Arkiv

I helga opnar Svinviks Arboret porten for ein ny sommarseong. Den siste månaden har dei tilsette jobba for å få i stand alt til opninga, og onsdag kveld var det dugnad saman med hagelaget for å få unna den siste finpussen.

Denne veka skal Oslofirmaet OneCo fullføre oppgraderinga av basestasjonen i Todalen. Basen ligg på Halset, og i disse dager blir altså alt utstyret skifta ut med nytt, slik at det blir ein topp moderne basestasjon som skal forsyne Telias kunder med telefon og datasignal som oppfyller dagens krav.

Det såg lenge ut til at fjorårets andeløp i regi av av Laksefestivalen vart det siste. Lotteritilsynet nekta nemleg å godkjenne Norsk Laksefestival som lotteriarrangør, da dei ikkje driv heilårsverksemd. På ein pressekonferanse i går vart det imidlertid klart at det populære andeløpet vil fortsette, men at Surnadal Jeger- og Fiskeforening tek over – og vidarefører arrangementet, fortel Ragnar Halle i SJFF.

I fjor var det eit grågåspar som hekka på stabburstaket i Nilsstua på Husby. For nokre dagar sia var dei på plass igjen og etablerte reir og rugeplass. Det er nok truleg det same paret som var der i fjor, og dei hadde da ei vellukka hekking og klekte 5 flotte gåsunger til verda.

Ein heil gjeng var i full aktivitet med rundtvaskdugnad i Sanitetshuset. Når våren kjem er det godt å få ut siste rest av støv og lort frå vinteren, og få ei god grønsåpelukt i staden, og vi har tradisjon for å ta eit skippertak før konfirmasjonen, seier maren Ansnes som er leiar i Todalen Sanitetsforening.

Todalen sanitetsforening er pådrivar for å arrangere trimturar kvar veke. I beste folkehelseånd motiverer dei folk til å røre på skrotten litt og prøver å variere målet for turane litt, slik at det skal bli variasjon og for at folk skal gjera seg kjente på heimlege trakter. Måndag gikk turen hadde turen start frå Bruset og gikk langs elva oppover til Fosstrøinn, Hafallmelen og til Nernesset, med Jon bruset som guide og kjentmann.

Frå denne veka og ut skuleåret blir opningdag for biblioteket endra til torsdagar frå kl 18-20.  Torsdag 25. mai er biblioteket stengt på Kristi himmelfartsdag, melder bibliotekaren. 

Søndag 7. mai inviterte Oddvar Mikkelsen med familie til saueslepp i Gammelstua. Det var ikkje berre sauene som fekk sleppe ut av fjøset etter ein lang vinter, men også geitene. Mykje folk – både små og store – hadde møtt opp, og det var både livleg og trivlege i tunet i Gammelstuå.

Måndag 8.mai er det på nytt Kløvertur. Oppmøte ved Matkroken kl. 11.00 som vanleg.

Denne gongen blir det tur langs Toåa frå Bruset og innover til Fosstøin. Vidare er det plana å gå inn til Hafallmelen og så ned til ein fin gapahuk nedst på Brusetnesset

År etter år stiller dei opp for at vi skal få korpsmusikk til 17. mai-toget i Todalen. Vi snakkar om veteranar frå Stangvik skulekorp, som vart lagt ned for nokre år sia. No stiller dei opp og revitaliserer korpset som er forsterka med folk frå andre korps som også har lyst til å friske oppatt korpsmusikken litt.

Fredag kveld melder Stikk UT!-kontakt Norunn Holten at Svinvikrunden er open for vanleg ferdsel igjen. Det var synfaring i berget ovanfor stien fredag ettermiddag.

Stikk UT!-kontakt i kommunen melder at deler av Svinvikrunden framleis er stengt. Men dei som ønskjer å gå turen likevel, skal følgje vegen langs sjøen. Da blir dette ein tur fin tur att og fram i staden for rundtur. Fjellet ved rasstaden vil bli undersøkt i løpet av helga. Vi kjem tilbake med informasjon når det blir […]