Vi fann 9038 artiklar i dette arkivet.
Måndag 11. mars kl. 11.00 inviterer Todalen sanitetsforening til trimøkt i Sanitetshuset. Fysioterapeut Ingrid Kvendset Ulset er instruktør. Det blir trim både for vaksne og godt vaksne, både for dei som stiller på Kløvertur og Rusletur og alle andre interesserte som ønskjer gode trimtips!
Onsdag samla Surnadal Sparebank næringslivsfolk og andre interesserte til Næringslivsdag i Surnadal kulturhus. Det er 16. gong banken inviterer til slik samling, som skal være ei inspirasjonskjelde for både næringsliv og politisk miljø. Arrangementet har oppgjennom åra samla kåsører og foredragshaldarar frå øverste hylle og med mange aktuelle tema om økonomi, leiarskap og andre tema.
Det er artig å høre på folk som kan sitt fag og er gode til å formidle og dele kunnskapen med andre. Kirsty Mckinnon er ein av dei som passar til denne karakteristikken. Grundig, sakleg og god å høre på. Tysdag kveld var ho på Hageland Surnadal med sitt foredrag om hagebruk og formidla gode råd og mykje kunnskap til eit 50-tals hagebruksinteresserte.
Kløverturen denne veka gjekk frå Snøya og utover til Gammelvegen og ned til Svinvika. Her var det fint å gå, heldigvis ingen glatte vegbitar lenger.
No er det aldeles rette tida for å førebu sommarens hagebruk. På Hageland er alle typar frø, både til blomster, grønnsaker og urter på plass i hyllene. Tysdag 5. mars frå kl 18 får Hageland besøk av Kirsty Mckinnon frå Norsøk på Tingvoll i butikken. Ho vil saman med Hubertine Roebroek som er gartner på Hageland vise korleis du skal få godt resultat med såing, prikling og planlegging av kjøkkenhagen.
Toril Redalen og Eduard Ortega har sendt oss eit lite prospekt med eit utleigeobjekt i perioden 1. – 30. april 2019, som ligg sentralt i Todalen. Dei har totalrenovert den gamle husmannsplassen like ved kirka, og ønsker no å leige den ut i kortare periodar.
Stangvik Historielag heldt sitt årsmøte på Stangvik skule den 19. februar, med bra oppmøte. På saklista stod vanlege årsmøtesaker, bl.a. val, rekneskap og budsjett. Valkomiteen hadde gjort ein god jobb, overtala både formann og to styremedlemmer til å fortsette. Styret vart da som følgjande: leiar Einar Grønnes, nestleiar Marit Haugen, sekretær Hallvard Kvande, kasserar Rolv Lysø og styremedlem Rolf Smisetfoss.
Sanitetsforeninga inviterer til Kløvertur måndag 4. mars. Denne gongen blir det ur ute i Gammelvegen, og turen blir avslutta med kaffepause på Myklebu. Oppmøte på Hals kl. 11.00, samkjøring derifrå utover i retning Kammen.
Sjølv med spennande VM-dagar i Seefeld og mange norske medaljar var det stort oppmøte på Fredrikkekaffeen laurdag ettermiddag. Rett nok skal det seiast at somme kom etter at Therese og Ingvild hadde gått i mål på 3-mila. Bra at folk kan vera engasjerte i mange og ulike saker!
Laurdag 9. mars frå kl 14.00 byr «Venner av skulstua» på kulturprogram i Skulstua. Da blir det musikk med medlemar frå musikkgruppa «The Invalidos», og i tillegg vil Nils Tore Leivdal frå Batnfjorden og Konrad Nerland frå Eide bidra med kulturelle innslag. Det blir gratis inngong, og servering av kaffe og kaker. Utlodding i pausen. Alle er […]
Tidlegare i vinter vart det funne eit dødt rådyr i området ved geilhaugen på Nordvik. Dødsårsaka var ukjent, men dei som fann rådyret tykte det var unaturlege klover på dyret – både lange klover og biklover. Nils Gjeldnes tok vare på alle 4 føttene for å undersøke om kva som kunne være årsak til dette.
Torsdag kveld var det årsmøte i Surnadal Jeger og Fiskerforening. Årsmøtet markerte slutten på ei aktivt år for laget, men det som gjorde møtet historisk, var nok at foreninga fekk sin første kvinnelege leiar.