Vi fann 9113 artiklar i dette arkivet.
Todalen misjonsforening for Det Norske Misjonsselskap inviterer til jubileumsfest på Eidet bedehus laurdag ettermiddag 14. mars kl 16.00. Foreninga vart skipa i 1845 berre tre år etter at landsorganisasjonen NMS vart til, som ei av dei første i landet i ei avsidesliggjande bygd på Nord-Møre. Foreninga var det første og det einaste organiserte laget i bygda i meir enn tjue år.
Surnadal taekwon-do klubb var godt representert da over hundre deltakarar frå 10 klubbar var samla til Nordvestmeisterskap i taekwon-do i Larsgårdhallen i Ålesund. Med ti deltakarar frå klubben – 4 frå Ålvundeid og 6 frå Surnadal markerte medlemane seg godt på resultatlista. Frå Todalen deltok Sindre K. Bruset, som tok bronse i mønster og sølv i sparring.
Da Kvinnehelsedagen til Sanitetskvinnene vart avlyst, og det ikkje vart noko å vise på storskjerm i Ungdomshuset, vart det i staden strikkekaffe. Her var det godt oppmøte, og det vart som vanleg ein triveleg laurdagsettermiddag i Sanitetshuset.
Todalen idrettslag har investert i ei ny tredemølle som vart montert på hett & Svett i dag. Utstyret på i idrettslagets treningsstudio er flittig bruka, og ei av dei gamle tredemøllene må no byttes ut. Det har vore prove ei oppgradering med service, utan at det har lukkast. No er altså den nye tredemølla på plass, og i dag har eit ekspertteam som har vore leia av Knut Bergli sørga for montering av den nye tredemølla.
Todalen sanitetsforening inviterer til strikkekaffe i Sanitetshuset laurdag 7. mars i tidsrommet kl. 13:00 – 16:00. Alle er velkomne! Det blir servering av rundstykke med godt pålegg, kaffe og te. Utlodding blir det også! VEL MØTT!
Norske kvinners sanitetsforening melder at Kvinnehelsedagen i Oslo er avlyst. Dermed blir også det planlagde arrangementet til Todalen sanitetsforening i Ungdomshuset 7. mars kl 11.00 AVLYST.
Laurdag 7. mars arrangerer Norske Kvinners Sanitetsforening «Kvinnehelsedagen 2020» med kjende og dyktige forelesarar og innimellom underhaldning! Dette skjer i Oslo, men blir vist på storskjerm i Todalen ungdomshus. Overføringa startar kl 11:00. Her er alle velkomne til fagleg påfyll og inspirasjon!
Innafor kulturområdet er det mange forskjellige ting det går an å søke om tilskot til. Surnadal kommune har laga ein oversikt over dei ymse søknadsfristane som gjeld, slik at det er oversiktleg og greit å orientere seg i for lag og organisasjonar.
Rute 46 Kvanne – Rykkjem: Avgang frå Kvanne kl 23:25 og frå Rykkjem kl 23:35, samt avgang frå Kvanne kl 05:15 og frå Rykkjem kl 05:30 fredag morgon, vert innstilt grunna tekniske problem, melder Fjord1 torsdag kveld.
Surnadal Sparebanks næringslivsdag er vel i hamn, og må vel seiast å være ein suksess. Godt over 200 deltakarar var samla i Storstua da banksjef Allan Troelsen kunne ønskje velkomen til årets konferanse som er nr 19 i rekkja. Banksjefen kan i år legge fram tidenes beste resultat for banken, og gestikulerte litt med kva som skal til for å lykkes før han introduserte årets konferansier som var Marianne Meløy.
Svinvik Gard – Kristina og Tore Svinvik – fikk årets utviklingspris som vart utdelt på Næringslivdagen som Surnadal Sparebank arrangerte torsdag. Godt over 200 deltakarar var samla til årets næringslivsdag i kulturhuset da ekteparet som saman har satsa på restaurantdrift heime på Svinvik Gard vart overraska med utviklingsprisen som består av diplom og gavesjekk på kr 30.000.
Når ein passerer Brusetbrua, ser ein at krattskogen langs Toåa på nordsida er borte, og det står skilt om vegarbeid. Skogen blir rydda langs vegen for å gjere klart til vegarbeid. Vegen frå Brusetbrua heilt inn til Romåbrua skal utvidast og utbetrast. Slik vegen er no, er han for smal og svak til å tåle nye og moderne landbruksmaskiner og tømmertransport.