Forside Arkiv

Er det du som har mista klokka di laurdag kveld.  Seint på kvelden vart det funne ei Garmin sportsklokke i nærleiken av Husby, fortel finnaren. Den låg midt på vegen og var heilt uskadd å sjå til. 

Laurdag kveld gjekk vi turstien frå Halset brua og oppover til Båthølen for å ta pulsen på «utelivet» ein fin laurdagskveld i Todalen.  Og puls var det. Ved gapahuken var eit titals personar samla for å kose seg med kaffi og litt til. Ved den nye bålplassen brende 4 gutar bål og spela kubb, leikte gøymsel og fiska litt. Kubb var ein ny aktivitet for skribenten, noko resultatet då han fekk prøve ein runde, beviste til fulle.

Årets lakseseong er godt og vel passert midtsesongen, men er langt i frå at ein kan seie at den er på hell.  Laksefisket som starta 15. juni går fram til 15. august, så det er enno 3 veker att.  Så langt i sesongen (25. juli) er det meldt inn tilsaman 108 laksar, med samla vekt på 419 kg.  Den største laksen som er teken så langt i år er på 11 kg, og gjennomsnittsvekta så langt i sesongen er på 3,9 kg. Viste du forresten at det går an å fiske gratis i Toåa?

Fredag var John Moe, Ragnar Halle, Jonas Svinvik og Sven Olav Svinvik i fullt arbeid med å sette opp namneskilt på mange av plassane ein passerer når ein går «Gammelvegen» frå Svinvika til Hjellnes. «Gammelevegen» vart opna rundt 1896 og var første vegen frå omverda og inn til Todalen. Tidlegare var sjøvegen einaste alternativ for transport av varer og folk. Skiltinga er eit prosjekt Todalen Historielag har hatt på planstadiet ei stund, og som i dag vart fullført.

Surnadal pensjonistlag minner lagets tur til Savalen den 14. til 16 august. Fristen for å melde seg på er 31. juli –  er det noe du lurer på, ring og spør oss!

Vi er kjent med at Sykehusklovnene på St. Olav Hospital vart tilgodesett med inntekta frå startkontingenten for Ræta Opp under Todalsdagen. Nå ønsker dei å takke Todalen I.L. for det økonomiske bidraget, og har sent takkekort til økonomiansvarlig Jenny Stensby.

Ny melding frå Fjord 1: Normal drift på sambandet Kvanne – Rykkjemfrå kl. 18:00. Reserveferga MF Nordmøre vil da drifte ruta. 

Då flyttar vi oss omtrent 35 år fram i tid i høve til førre presentasjon. Denne gongen er det òg ein handarbeidspose, som dottera til Margit, Ingri Bruset laga midt på 60-talet då ho gjekk i 3.klasse.

Lørdag var det ny turnering på Surnadal Golfpark på Mo. Denne gangen var det en uhøytidelig lagturnering som samlet hele 41 deltakere fra Sunndal, Stjørdal, Klæbu i tillegg til deltakere fra egen klubb. På vinnerlaget «Uten filter» deltok også todalingen Bjørn Redalen som nå bor i Trondheim og egentlig medlem i Stjørdal GK – de øvrige på vinnerlaget var  Tor Oterhals, Geir Berntsen og Martinus Grønnes.

Vi trudde mesta at det var «Brødrene Dahl» og «Elvegris» som var på ferde i Toåa i dag, men det var berre lokale heltar som tok seg ein fin padletur nedover Toåa. Vi «fanga dei opp» på ein liten videosnutt da dei passerte Båthølen – der Toåa tursti har sitt hovudkvarter med fiskerampe og gapahuk.

I dag har Todalen.no vore på Inner Gammelsetra i Grøvudalen som høyrer til i Sunndalsfjella. Her er det det ungdommar i 15-30 årsalderen som driv fullforedlingsseter. Med sal av seterprodukt og rømmegraut. I år 2000 vann Sunndal Seterdriftslag «Finseprisen» for arbeidet sitt med å ta vare på seterhusa og tradisjonane. I dag er det stiftelsen Gammelsetra som har det formelle ansvaret for seterdrifta ved Inner gammelsetra.

Ein utstabil vêrtype dei siste par vekene ser no ut til å endrast til både betre temperatur og kanskje utan nedbør. På yr.no er det varsel om nedbør i form av regn fram til onsdag, men så blir det endring og betre vêr – dag for dag.