Arkiv for august, 2023

I morgon, søndag 6. august klokka 12:00 – 15:00 inviterer Venner av Skulstuå til kaffeslabberas i Skulstuå. Det blir sal av kaffi og gode kaker. 

Frå 16. august blir det fleire ferjestrekningar som blir gratis for trafikkantane – mellom anna ferja til Smøla som går frå Sandvika til Edøya.  Tidlegare er ferja mellom Hendset og Arasvika gratis, medan du framleis må betale for ferja mellom Seivika og Tømmervåg.  Men kjem du altså frå «indre» så er ferjeturane gratis til Smøla – og har du ikkje vore på Smøla så er det så absolutt verdt å ta turen.

Tirsdag 8. august inviterer Fjellgruppa i Surnadal Pensjonistlag til ny fjelltur, og denne gongen går turen til Mogstadsetra. – Der kan vi gå inn og sitte tørt med matpakkane våre, seier Kristian Ranes i Fjellgruppa.  

Onsdag 30. august inviterer Nordmøre Forsvarsforening og Nordmøre Brigadeveteranforening sine medlemmer til den tradisjonelle forsvarshistoriske sommarturen, I år går turen til Kvalvik Fort på Frei i Kristiansund. 

Tida går fort, i Svinviks arboret er det i helga siste ordinære opningshelg i Svinviks arboret denne sesongen. Så har du tenkt deg til Svinvika, så er du velkommen til å ta turen innom i helga. Arboretet lovar ei triveleg hagestund, med kaffe kake, wienerbrød og is – og meire til. Opningstida er klokka 11:00 – 16:00 både laurdag og søndag.

Sist laurdag reiste mange lokale fotballspelarar til Norway-Cup i Oslo. Kampane tok til søndag formiddag, og dei siste finalane blir spela i morgon. Totalt var det 20 spelarar frå Søya/Todalen som sette kursen til Oslo og Norway-Cup. Dei fleste av spelarane frå Søya/Todalen spelar no for Surnadal, men 4 spelarar spelar for Surnadal/Søya G 13 og 3 spelar for Kvass/Ulvungen-Søya/Todalen G 14. 3 av dei 20 spelarane frå Søya/Todalen er frå Todalen. Alle dei lokale laga er no ferdigspela og spelarane stort sett komne heim. 

Kvar sommar dukkar problemet med mangelfull informasjon om hytte- og fritidsrenovasjon opp. Dette gjeld både kvar ein kan få levert avfall, men også om kvar ein kan få tømt campingtoaletta på campingvogner og bubilar.

Stavganggruppa i Surnadal Pensjonistlag starta haustsesongen med stavgangtur til Krokvatnet i går. Og rapportane seier at det vart ein fin tur i med sol og god temperatur. 

Vi har ryktesvis høyrt at det skal startes arbeid med renovering av kjøkken i Forsamlingshuset på Nordvik.  I dag stoppa vi for å sjå kva som foregikk, og da trefte vi Palmer Vikan som var i ferd med å rive ut gamal kjøkkeninnreiing.  Men han fortalte at arbeidet berre var i startfasa, og at han måtte demontere eit sak for at elektrikaren skulle få kome til for å koble frå noko utstyr.

Laurdag 12. august er det klart for årets kunsthending i Surnadal kommune, som dei har kalla Surnadal Open. Da er det nemleg sett opp buss, med avgang frå Surnadal kulturhus klokka 12:00, der ein vil besøke Bondehuset i Stangvik, Odd Ingar Skrøvseth i Todalen, Kallastua, Finstuå og Surnadal Billag. 

Denne veka arrangerer Surnadal Teakwondoklubb sommarleir i Surnadal med rundt 400 deltakarar. Sjølv om mykje dreier seg om teakwondo desse dagane, så har arrangøren også lagt til rette for mange andre aktivitetar deltakarane kan delta på. Vi kan nemne strikkekaffe hos Design by Marte Helgetun, Østbødalen gym og favntak, tur på Reiret i Todalen og omvisning med servering på Todalshytta.  

Onsdag var Per Ørsal på moltetur i området ved Snekkardalshalsen, og der rett i lyngen utafor stien fann han denne hundselen som nokon hadde mista.  Den låg litt nedafor stien som går frå Snekkardalshalsen og innover Snøfjellet i retning Midtryggen/Bjøråskaret. Per tok den med ned, og søker no etter eigaren, og har lagt den inn på Matkroken i Todalen etter som han bur i Molde.