Vi fann 86 artiklar i dette arkivet.
Toåa tursti er no på det næraste fullfinansiert, fortel Elinor Bolme i prosjektkomiteen. Totalt er prosjektet rekna til å koste 1,2 mill. og seinast i dag kom den gledelege meldinga om at Olav Thons stiftelse har bevilga kr 200.000 til prosjektet.
Søndag 30.juni kl. 11.00 er det gudsteneste med sokneprest Kristin Strand i Todalen kyrkje. Takkoffer til Kyrkjebladet.
Birgit Skarstein var gjennom organisasjonen MOT hyra inn for å være startar under årets Ræta Opp. Det hadde ho dessverre ikkje høve til, men ho har sendt oss ein videosnutt der ho oppfordrar alle til å bli med og ho helsar samtidig til slektningar på Kvanne.
Laurdag vil styret i todalen.no ha stand på Bordholmen under Todalsdagen. Her blir det anledning både til å teikne nye personlege medlemskap for å støtte opp om nettsida, og å sjekke om du allereie er medlem men kanskje har gløymt å betale.
Ræta Opp er eit mosjonsløp på 3 km som har både start og målgang på Bordholmen. Ræta Opp er eigenleg eit spesielt løp som har eit sosialt tilsnitt, for startkontingenten går i si heilheit til eit samfunnsnyttig formål som kjem barn og ungdom til gode og som varierer frå år til år. I 2019 er det MOT Surnadal som er den heldig mottakar, fortel Ingvild Kårvatn som er løpsleiar.
Dei siste par dagane har det vore hektisk av grov steinmasse fra steindepotet i falla og ut av bygda. 2-3 tippbilar har nærast gått i skytteltrafikk nedover bygda og utover stranda.
På grunn av nødvendig arbeide på strømnettet, varsler Svorka om strømutkobling i området Surnadalseidet – Todalen – Melhus – Kvanne – Stangvik – Torvik, komande torsdag 27/6 kl. 23.00 til fredag 28/6 kl. 06.00. (blir det ekstraomgangar så blir det ca 23.30)
Det var mange protestar frå fotballfans som gjorde at Svorka endra utkoblingstida.
Laurdag 29. juni inviterer Stangvik historielag til setertur, målet er Rødsetsetra på Ålvundeidet. Turen startar frå Rødsetgarden kl. 10.30. Da passar det å ta ferje frå Kvanne kl. 10.00. Parkering ved fjøset på garden.
Strekninga Åsbøen-Svinvik på FV614, er som kjent bevilga ny asfalt denne sommaren. I den forbindelse planlegg Mesta no å skifte ut ein del stikkrenner før ferien. -Vi planlegg å ta nokre av desse på natt. Derfor blir vegen delvis stengt natt til torsdag 27.juni og natt til fredag 28.juni, fortel prosjektleiar Kjetil Rønning i Mesta. Utrykningskjøretøy og […]
Lensmann Olav Halse beklagar at passkiosken ved lensmannskontoret er ute av drift på grunn av tekniske problem. Det er høgsesong for å fornye pass for tida, så dette passa dårleg, men han håpar at det går fort å kome i drift igjen. – Vi ventar på ein del til passkiosken, men vi er usikre på kor lang tid det tek å få delen hit, men håpar sjølvsagt at dette går fort. I mellomtida kan Sunndal lensmannskontor og Aure lensmannskontor yte bistand.
No er det nedteljing til Todalsdagen, og Anders Gjeldnes som held i alle trådar før årets happening kan fortelje om rimeleg god kontroll i dei fleste komitear. Banekomiteen har blant anna så god kontroll at dugnaden som var tiltenkt på onsdag ikkje er nødvendig.
Måndag 24. juni inviterte Sanitetsforeninga til Rusletur, siste Kløverturen i vårsesongen 2019. Dette vart ein fin sommardag, så da gjekk turen til Småbåthamna der det er fint å samlast ved sjøen.