Arkiv for mars, 2017

Årets store loppemarked og basar i regi av Røde Kors arrangeres 20. mai, i Røde Kors-huset på Bøvra. En hardtarbeidende komite er i full sving med loddsalg og innsamling av lopper og gevinster.

Tidlegare var Kaffekroken full av historiske bilder i meir eller mindre «spredt orden». No har handelsmann Nordvik fått system på utsmykkinga av Kaffekroken, og etter at lokala vart pussa opp i vinter, så er veggplassen reservert lokale kunstnarar. – Først ute var Reidar Østvik med utstilling av sin fotokunst. I går kveld flytta han ut med alt sitt pikk pakk og inn flytta Sissel Halset Storslett – og begynte å montere måleri på veggane.

I dag orienterte Talgø om si satsing i Todalen og Surnadal dei tre-fire neste åra.  Eit fulltallig pressekorps var invitert til pressekonferanse der Talgø og Innovasjon Norge fortalte om investering på til saman 120 mill. dei komande åra.  Dersom alt går etter planane skal det gje rundt 50 nye arbeidsplassar til saman i Todalen og Surnadal. Dette er den største satsinga vi nokon gong har gjort i Talgøs 118-årige historie, sa Terje Talgø.

Svorka har no behandla alle sponsorsøknadane som kom inn innan søknadsfristen 15. mars. Fokuset til Svorka er å aktivt ta eit samfunnsansvar og gi noko tilbake til lokalsamfunnet, og dei har ein klar strategi der dei ønsker å gir litt til mange i staden for mykje til få. De fleste tildelingene i mars/oktober er på kr 1.000,- til kr 3.000,-, unntaksvis kr 5.000,- til kr 10.000,- for spesielt viktige prosjekter / aktiviteter fortel Janne Ragnes i Svorka.

I forrige veke hadde 30 elevar på 9. trinn ved Surnadal ungdomsskule opplæring i avløysarfaget parallellt med at dei øvrige elevane deltok på Innovasjonscamp. Avløysarkurset var denne gongen så populært at fleire ikkje fekk plass.

6 ivrige deltakarar møtte opp på det uformelle datakurset som var arrangert i Sanitetshuset i går kveld. Her var det ope for alle problemløsingar som den enkelte måtte ha. Og derfor hadde deltakarane med seg eigne bruksenheiter, slik at lærdommen vart mest muleg nyttig.

Ei ny utgåve av Utpågang er no på tur ut til alle postkassar i Surnadal og Sunndal. I denne utgåva kan du lese om familien Svinvik, Asbjørn Eggebø Næss og sunndalsfjella, ein jubilerande lokalbank og mykje meir. Produksjon er det Amfi Kreativ AS som står for.

Kirkens Nødhjelp sin Fasteaksjon skjer i år 4. april, då går konfirmantane frå dør til dør og samlar inn pengar som skal gå til det globale arbeidet med å skaffe folk reint vatn og gode sanitærforhold.

Montørar frå TC Connect har i dag oppgradert til full radiodekning med DAB+ gjennom Svinviktunellen. Så om du har ein oppdatert DAB-radio i bilen din, er det no sending gjennom heile tunnelen.

Førstklommande søndag er det igjen gudsteneste i Todalen kyrkje. Da er det utdeling av 6-års bok og soknerådet oppfordrar derfor fadrar og besteforeldre til å ta fylgje med barn og foreldra til
kyrkja.

I kveld var Surnadal/Søya/Todalen sitt damelag samla på Surnadal ungdomsskule for å gjennomgå skolering som MOT-ambasadørar i nysatsinga MOT i fritid. Surnadal kommune har i fleire år vore ein MOT-kommune, men kun på ungdomsskulearenaen. No har dei utvida MOT-avtalen med ei 3-årig avtale saman med MOT-koordinatorane Eva Sæterbø og Laila Sollid. Kommunen utfordra Surnadal IL med konseptet, og damelaget i fotball vart eit naturleg valg i det vidare arbeidet.

Påmeldinga til tidlegare nemnte jegerprøvekurs i regi Surnadal jeger og fiskeforening nærmar seg. Oppstart 3. april kl 18.00 ved Surnadal vidaregåande skule. Det blir til saman 9 samlingar, inkludert på helg. Sjå heile programmet her.