Arkiv for januar, 2015

Biblioteket (Todalen filial) startar i kveld opp att etter juleferien. Det blir fortsatt ope kvar torsdag framover frå kl. 18.00 – 20.00. Sesongen følgjer skuleruta, så det er ikkje ope på skulefridagar.

Laurdag mellom 14 og 17 blir det arrangert Strikkekaffe i Sanitetshuset igjen. Dette er første treff etter jul, og damene håper at trufaste og nye kjem til eit sosialt treffpunkt denne laurdagen.

Frå Britt Mossing ved Todalen Oppvekstsenter har vi fått nokre bilder frå markeringa dei hadde for oppstarten på Friluftslivets år ved oppvekstsenteret i går.

John Moe ansvarlig i Ungdomshuset melder om at det står att eit skolettpar etter 3. dagsfesta i romjla. Er dei dine, er det berre å ta kontakt med han. Ellers er den tidlegare omtala kåpa til Torill Halset framleis ikkje komme heimatt til eigarmannen enda.

PT-utvalet inviterer til fakkeltog laurdag 17. januar. Det blir ei stille markering, for å legge attom oss eit år med fleire tragediar og mykje sorg. – No går vi vidare, og støttar kvarandre inn i ei ny tid.

Måndag var det feiring av 96-årsdag på Stangvik aldersheim. – Margrete Hals er født på midtvintersdagen 12. januar i 1919, og kunne dermed feire 96-årsdag saman med venner og tidlegare kollegaer i dag. Dei fleste av oss kjenner nok Margrete frå Halsbua, der ho hadde mange år attafor disken.

I kveld kl 18.45 kjem det eit innslag om Eirik Halle på NRK1 (Møre og Romsdal). Eirik Haukenes har vore i Todalen og gjort opptak rett etter nyttår, fortel mora Synnøve Helland. Ho antydar også at det kjem på «Norge i dag» og kanskje på Dagsrevyen.  Slå på TV’n og pass på at den står […]

Førstkommande laurdag arrangerer IL Søya Sonerenn på Vang. Sonerennet går i klassisk stil, og både ung og gammel oppfordres til å stille. Påmelding gjerast ved å sende ein sms til Torill Bye – 932 55 282.

Surnadal Senterparti vil holde nominasjonsmøte på Kommunehuset mandag 19 januar kl. 20.00 . Dei ønsker alle medlemmer og listekandidater velkommen, melder styret.

I kveld er det full rulle for alle i alle aldrar i gymsalen ved Todalen Skule igjen. Det er fortsatt sesong for inne-aktivitetar, og Knut Bergli opplyser at dei fortsett med det populære tilbudet på måndagar.

Laurdagens konsert med TrondheimSolistene og Herborg Kråkevik fylte kulturhuset med begeistra publikum. Nyttårskonsert med TrondheimSolistene har vore eit fast innslag i mange år, og det vart slett ikkje forringa av at Herborg Kråkevik var med – tvert i mot. Surnadalsjenta Kirsten Næss (17) fikk æra av å spele saman med orkesteret i opningsnummeret, og og kom seg godt ut av det.

Meteorologane har vore litt usikre på korleis ekstremværet ”Nina” treffer vestlandskysten, og derfor førebudd oss på eit «besøk» i Møre og Romsdal. No er dette avlyst, da det ser ut for at det varsla ekstremværet treffer vestlandskysten lenger sør, – frå Sogn og sørover.