Arkiv for april, 2020

Gudstenesta på nettet må vel kunne oppsummerast som ein suksess.  I skrivande stund på tysdags morgon er det 650 som har lasta ned linken og starta visning av nettgudsteneste frå Todalen kyrkje som vart vist på påskeaften.  Det er 3-4 gong så mange som det er plass til i kyrkja. 

Pga koronaviruset er nesten all aktivitet utsett eller avlyst, og det blir mindre å skrive om for todalen.no.

I det høve vart skannarpatrulja spurt om vi kunne leggje ut bilete på nettsida ei stund framover. Vi har sett saman bilete av setrene/hyttene og folk i ulike motiv frå kvart leigmål. Frå nokre leigmål har vi mange bilete, frå andre finst det lite i arkivet. Håpet vårt er at dette arkivet kan bli så omfattande som muleg, det er mykje historie frå ei tid der setra og seterdrifta var særs viktig for forfedrane våre.

I overgangen frå vinter til vår er det tid for den årlege medlemskontingenten i Todalen idrettslag. Dette er ei viktig inntektskjelde for Todalen I.L., og er med og sikrar aktivitetane som laget driv og som er inkludert i medlemskontingenten og dermed gratis for medlemane. Ein kan berre nemna bruken av treningsstudioet «Hett & Svett», Skihytta, Tjønnmyran, anlegget på Bordholmen og mange andre ting.

Styret i Todalen båtforening har bestemt at årsmøtet i år skal utsettes inntil Koronaviruset ikke lenger utgjør en trussel, skriv leder Lars iStensby i en pressemelding.
Etter vedtektene skal årsmøtet avholdes innen slutten av april, hvert år. I år så er det foreløbig ikke forsvarlig å samles til årsmøte, og styret har enda ikke kommet frem til en alternativ, trygg måte, å avholde årsmøte på

I ei tid der alle gudstenester er avlyst på grunn av smittefaren for koronaviruset er det viktig å være kreativ og løsningsorientert, og finne nye måtar og gjere ting på.  Det har sokneprest Kristin Strand gjort, og lagfredagskvelden var det full aktivitet i kyrkja med førebuing til nett-gudsteneste som altså blir sent via internett påskeaften 11. april kl 23:00.

Fersk førerapport frå Skihytta og Tristeinan:  Kjempefint føre med 10 cm nysnø og 2 kuldegrader!  Det er i dag køyrt på spor frå Innerdalsmerket, via Talgøsetra og Tristeinan, vidare til Snekkardalshalsen og til Skihytta på Ørsalfjellet.  Vidare er det køyrt på spor frå Øyalia og til Skihytta.  Den tradisjonelle Kjerringdilten er imidlertid avlyst på grunn […]

Vi brukar 7,5 mill. egg kvar dag, og er storforbrukarar av egg i påskedagane.  – Det merkar vi godt, seier Maren Ansnes hos Pestua gard, for Prior har nærast henta egg etterkvart som hønene har vorpe den siste tida.  Maren var i full jobb med pakking av egg da vi stakk innom, og ho var utstyrt med ansiktsmaske og godt påkledd der ho overvaka pakkeautomaten som skulle pakke 7500 egg som er dagens produksjon.

Surnadal kommune har nokre faste tilskotsordningar for lag, og andre, som driv innafor kulturområdet. Desse har vore kunngjort før, men sia det er andre ting som, naturleg nok, har stole merksemda i det siste, kjem det ei påminning her:
Frist er 15. april for:
• støtte frå Kleivafondet
• framlegg på kandidatar til Kleivaprisen

Midt inne i orgelet, mellom orgelpiper i alle størrelsar, stakk hodet på Espen Selbæk fram. Vi hadde nemleg høyrt rykte om at orgelreparasjon var i full gang i Todalen kyrkje. Orgelet har vore ute av drift på halvårsvis, og på siste gudstenesta vi var innom så var det organistvikar og pensjonist Bernt Bøe som satt og klimpra på eit piano. Det vart liksom ikkje det same som fyldig og klarstemt orgelmusikk, som vi har vore vant til.

08.04.2020: Statusrapport – gradvis reopning av barnehagar og skule. Det er ikkje påvist nye smittetilfelle i Surnadal kommune. Regjeringa vidarefører alle tiltak fram til 20 april. Frå 20. april har regjeringa opna for ei gradvis normalisering i delar av samfunnet. Det er ei positiv nyheit at regjeringa no meiner det er grunnlag for å gi oss litt av kvardagen tilbake.

På Talgø Møretre har det vore full fart og oppkjøring til ny sesong, sjølv om vi er midt i ei «koronatid», fortel marketingsjef Heid Snekvik til Todalen.no.  – Vi tek sjølvsagt alle forsiktigheitsreglar for tilsette og kundar på største alvor og prøvar å ta godt vare på kvarandere.  Talgø Marketing har laga ein flott film, som vi gjerne vil distribuere for å vise korleis det blir jobba og korleis verdiane og folket blir tekne vare på. 

Trine Engdal Storholt sitt bilete fint lys over Nordmarka vant månadens bilete for mars. Redaksjonen gratulerar og vil overbringa premie så snart som mogleg. Under finn du alle som var med i kåringa med fotograf. Ta gjerne noko fine bileter framover og send inn til oss