Arkiv for februar, 2012

Måndag 6. februar var det festdag ved oppvekstsenteret: – Vi feira både nasjonaldagen til samane og at sola er koma att etter 3 månader bak fjella. Skyene hindra sola å kome fram, men tysdag kunne vi juble over sol på skuleplassen! Elevane i småskulen var vertskap denne gongen. Menyen var tradisjonell, men populær: – Havregrynsgraut og appelsin.

Fra Britt Mossing på skulen har vi fått tilsendt ei rekkje fine bilder frå forrige vekes utflukt til Bordholmen og skøyteisen der. Dei tok turen nedover både forrige måndag og i går, og etter bilda og døme så var det ei vellukka utflukt.

I går kveld var det arrangert informasjonsmøte i anledning rådmannen sitt forslag om at alle elevane ved Stangvik Skule skal flyttast inn til Todalen skuleåret 2012/13 under opppussinga av Stangvik skule. Dei ulike innstansane som blir involverte i dette har mulegheit til å komme med innspel før saka skal opp i Hovudutval for oppvekst den 14.3.12.

Eldremiddagen er forlengst kome igang etter juleferien, og samlast kvar onsdag i Sanitetshuset. Der serveres  det kjøtt- og fiskerettar annakvar veke, og Martinus Torvik fortel at førstkomande onsdag (8.2.) er det «Kjøtt & påsse» på menyen. Han ønskjer alle velkomne til middag til vanleg tid kl 13.00.

I dag skriv vi 6. februar, og det er samefolkets dag. Vi slo opp i Wikipedia for å finne meir informasjon om dette, og der står det: «Denne dagen er ein dag felles for alle samar i Noreg, Sverige, Finland og Russland. Dagen vart feira for første gong i 1993, samstundes med at FN offisielt opna det internasjonale året for urfolk. Dagen vert feira på ulike vis i ulike lokalsamfunn. Datoen markerer det første samlande møtet for ulike samiske organisasjonar og aktivistar i Trondheim 6. februar 1917, med deltakar frå Noreg og Sverige.

Torsdag den 2. februar var det underhaldningskveld i Skulstuå. Skulstuå eller Todalen gamle skule har også vore heimen til Leif Halse og ute i passeleg vinterstemning stod Vangsgutane på sokkelen sin og tok oss i mot. Kulturkvelden blei opna av Ragna Kvendset som var ei av eldsjelene bak Skulstuå som stiftinga skal ta over frå kommunen. Nils Tore Leivdal starta med å fortelje om todalingar som deltok i Silsetrenna frå si eiga bok «PÅ SILSETRENN», som kom ut like før jul.

Fredag 10. februar arrangerer Surnadal Sparebank årets landbrukskonferanse. Det skjer i Surnadal kulturhus, og i samarbeid med Todalen Bondelag og Surnadal Bondelag. Det er det foredrag av både lokale størrelsar, samt foredraghaldarar utafrå. Ola T. Heggem tek for seg landbruksmeldinga, medan Roald Boge vil orientere om vindkraft.

Surnadal kulturhus var fylt til siste plass og vel så det, da Åge Aleksandersen og Gunnar Pedersen entra scena laurdag kveld. Dei to fekk straks kontakt med publikum, og vi fikk bli med på 2 timer med ei fantastisk konsertoppleving. Radarparet Åge og Gunnar har spela saman sia 1980 og dette hadde dei kalla ein «akkustisk turne». Den var sett sammen av melodiar og tekster som dei lika spesielt god, og som har betydd mykje for dei. Det var Åge på sitt beste, krydret med gitarspill av høg klasse frå Gunnar.

Trafikken på Todalen.no veks mot nye høgder. I januar sette vi tre nye rekordar, da nettstaden hadde 23.672 besøk på sida. Det er første gongen at antal besøk er over 20.000 på ein månad, så den rekorden vart grundig slegen. I desember var vi tett oppunder, da vi berre mangla 67, men i januar vart det altså. De to største sakene var sjølvsagt NorgesCupen på Kårvatn, som tilsaman samla 2.221 besøk.

Etter gårsdagens politiaksjon her i Todalen oppfordrar politibetjent Anders Mangne Ormset til at folk er litt meir varsame på kva dei publiserer på nettet, då med særskild tanke på sosiale medier. Bakgrunnen til dette er at det på Facebook var å lesa at politi var i Todalen og «aksjonerte», før pågripelsen var eit faktum. Dette held på å spolere heile pågripinga, då fleire vart gjort oppmerksame på at noko utanom det vanlege foregikk. Og slik info sprer seg ofte òg raskt til dei som ikkje bør ha den, med tanke på vellukka aksjonar.

I kveld har fleire vorte stoppa av politiet i Todalen etter at dei hadde vorte tipsa om bruk av narkotika i området rundt Ansnessaga. Frå Opreasjonssentralen i Kristiansund har todalen.no fått info om at aksjonen var vellukka i den grad at tre ungdomar i 19-20 årsalderen vart pågripne for bruk av narkotika. Operasjonsleiar Aakenes i Kristiansund fortel at dei tre ungdomane erkjente bruk under avhøyr ved lensmannskontoret i Surnadal. Den eine kjendt for politiet frå før.