Vi fann 7160 artiklar i dette arkivet.
Det er nok ikkje berre strikking som foregår på Strikkekaffen som Todalen Sanitetsforening arrangerer. Nongnut Brusethaug gjorde i dag siste innspurt på ein fleire meter lang løpar som ho skal ha på spisebordet med plass til 12 personar på julaftan. Jammen eit praktfullt stykke handarbeid som ho har jobba med i haust. I tillegg har ho laga ein til, som Todalen Sanitetsforening har fått, og den skal loddes ut no snart – her blir det nok kø for å kjøpe lodd?
I haust har det vore Forsamlingshuset på Nordvik vore stengt på grunn av oppussing av kjøkkenet. Nordvik grendalag, som er huseigar, har lenge jobba med planar for ei oppgradering – sågar har det vore nemnt at det kunne ha vore like lurt å bygge nytt. I sommar kom arbeidet i gang, og da var det i første omgang kjøkkenet som skulle få ein omgang, og etter plana skulle det meste av arbeidet gjerast på dugnad, unnateke rørleggar og elektrikararbeidet.
På Hageland Surnadal har dei førebudd seg på jula i lang tid – torsdag 2. november opnar «julebutikken», og da markerast starten med langopen butikk både på Hageland og hos naboen Byggmakker til kl. 20. Heile butikken bognar av julevarer, og du skal jammen være standhaftig og kjempe imot dersom du ikkje kjem i god julestemning når du kjem inn her. Det er no knappe to månader til julaftan, og det er nok mange som tykkjer at dei har god tid på julehandelen enno.
Heilt sia 2012 har Trollheimsutstillinga vore på flyttefot – i samband med renoveringa av Stangvik skule vart utstillinga demontert og flytta til dei gamle tannlegekontora ved ungdomsskulen på Øye. Etter renoveringa på Stangvik skule vart det aldri plass til å montere utstillinga igjen, og når ombygginga av Surnadal Barne- og ungdomsskule starta for 2-3 år sia, så vart utstillinga flytta nok ein gon – denne gongen til den nedlagte skulen i Bøfjorden.
Dersom du hadde eit auge på kveldshimmelen laurdag kveld, så vart du kanskje vitne til ei delvis måneformørking i nokre minutt. Den var på sitt største kl 22.14, og skuggen av jorda dekte da ein liten skalk. Når dette skjer så ligg sola, jorda og månen på linje, slik at jorda altså kastar skugge på månen.
Med aukande straumprisar er det sjølvsagt aktuelt med vedfyring igjen. Dei siste par månadene har regnet sørga for å halde straumprisane nede – sågar eit par dagar på minusnivå. Men så kom finvêret og litt kulde, og da vart det straks aktuelt å fyre opp i omnen igjen. Bjørn Kvendset rusta seg på skogsarbeid og vedhogging i Lykkjebygda i dag – det er nok ved for neste sesong, og leveringsklar først til sommaren.
Natt til søndag 29. oktober er det atter tid for å stille klokka. Da er det slutt på sommartida for i år, og du må stille klokka tilbake ein time. Det vil seie at du får ein time ekstra natt til søndag – ein slags bonustime som du kan nytte til å sove ein ektra time dersom du vil. Vil du være heilt korrekt så skal klokka stilles ein time bakover frå kl 03 til kl 02.
Laurdag er det jebbursdagfeiring på gang i Kaffekroken. Da er det 111 år sia Lars Hals starta butikken på Todalsøra under namnet L. Hals. Dette blir feira med gratis kaffe og bakels med graut.
Allereie i ettermiddag er det balldag på Todalshytta – den er tillyst før og startar serveringa kl 15 og held på til kl 18. Men det skjer også andre ting som vi kan gle oss over – mellom anna Thaiaften som blir arrangert laurdag 11. november. Siste helga på november – fredag 24. november er det enno ledig nokre plassar som passar for enkeltpersonar eller små grupper.
Komande tysdag – 24. oktober – er det klart for ny balldag på Todalshytta igjen. Da serveres det både potetball og sildball i tidsrommet 15:00 til 18:00. Bestill gjerne på SMS 929 97 550.
Søndag vart det arrangert distriktsprøve for gjetarhundar på treningsområdet ved Nordholten. Det var Midtnorge gjetarhundlag som stod som arrangør, og det var både godkjenningsprøve for gjetarhundar og konkurranse dem i mellom – altså kunkurranse i både klasse 1 og klasse 2.
Søndag føremiddag stakk vi innom kulturhuset for å sjå og høyre om Svarraberget Teaterlag og deira aktivitetar. I Storstua var det fullt liv og her pågjekk det danseøvingar på scena, og jammen svinga det godt rundt denne gjengen som vart leia av Stine Valde. Det er no knappe 3 veker til premieren, så det blir nok ei travel tid framover for gjengen i Svarraberget. I år skal det være 2 førestillingar, 10. og 11. november, og det er nok berre å sette av tid og gå til innkjøp av billettar, for dette såg bra ut.