Forfattararkiv for

Jens Olav Moe dro direkte på hytta til bestemor og bestefar i Sverige da det vart skuleferie. Der er han igang med fisking, og alt første dag tok han ei gjedde på 9 kg, som var 110 cm lang. Truleg er det den største gjedda som er teken i hele Värmland så langt i år. Vi for vår del håpar at Jens Olav hugsar at gjedda har kvasse tenner og at det er ein rovfisk, men ønskjer lykke til vidare med fisket og ferielivet i Sverige!

Det har kanskje vore stilt i media om Todalsdagen 2010. Men i kullissane har det foregått for fulle mugger, med planlegging av fotballturnering, SuperLotteri og eiga avis til Todalsdagen, sier stemnegeneral Bjørn Hauglann til Todalen.no. Det er iallfall heilt klart at det blir ei skikkeleg fotballfest for dei minste. Heile 40 lag er påmeldt, og det blir fleire fotballsparkere denne dagen enn heile befolkninga i Todalen til vanleg. Mellom 400 og 500 fotballsparkere kjem til å sette kvarandre i stemne på Bordholmen på Todalsdagen.

Han ante nok ikkje at han skulle bli borte så lenge da han i 1966 reiste frå Norge til Toronto for å ta seg jobb. Etter å ha gått ut frå Göteborgs tekniska institut i 1965 og jobba eit år hos NEBB var Svein Halle klar for nye utfordringar. I Toronto vart det først nokre småjobbar, men så fikk han jobb som maskintestar hos Massey Ferguson.

Dei store nedbørsmengdane det siste døgret har ført til fleire små ras på Falla-vegen, ved Kufallfossen. Arne Gjeldnes frå Gjeldnes Maskin var på plass for å rydde vegen, slik at trafikken kan gå. Arne meinte at det må jobbast litt med gravemskin for å få veghellingane til å bli stabile.

aurdag formiddag var det tendens til flaum i Toåa, men det var ikkje verre enn at laksefiskaran heldt stand i elva. Til tross for vassføring i meste laget var det godt fiske, og det er landa fleire laksar dei siste dagane. Bjørn Arnesen frå Kongsvinger er for veteran å rekne i Toåa. Han har vore her sidan måndag, og har teke 3 fine laksar.

Neste helg er det Laksefestival som presenterer eit rikhaldig program for ein kvar smak. Ein av programpostane under festivalen er Surnakveld med fagseminar som startar torsdag 24. juni kl. 1600. Det foregår i Svorkasalen på kulturhuset, og dei kan by på mange spanandende tema for politikarar, forvaltere, brukarar og interesserte elveentusiastar.

Det er no 20 år sidan uteområdet rundt barnehagen vart etablert, og onsdag kveld var det storstila dugnadsopplegg for å ordne opp og oppgradere anlegget litt. Det vart saga ned busker og greiner rundt plassen og plankane rundt sandkassane vart skifta ut med impregnert. Det vart raka og kosta, slik at det vart både ryddig og fint rundt anlegget. Enkelte av lekeapparata trong reparasjon og bade store og små dugnadarbeiarar var travelt engasjert.

Med finvêret kom siloslåtten igang. Det kalde og fuktige vêret vi har hatt den siste tida har gjeve god grasvokster, og no er tida inne for å starte slåtten. På Kvennset hos Olaug Kvendset var to traktorar i sving med ballpressing og ballpakking i tysdag kveld. Tidlegare på dagen hadde slåmaskina vore i sving.

Søya og Todalen skytterlag startar oppskyting til storviltjakta måndag 28. juni. Vidare utover sommaren blir det 8 måndagskveldar med skyting på lagets skytebane i Ranheimsvingen på Kvanne. Alle kveldane startar skytinga kl 18.00, og varer til kl 20.00.

Tysdag 15. juni opna Todalshytta for ny sesong. Det er Åse Grydeland Øyen som er vertinne, og ho fortel at det no er ope kvar dag mellom kl 10 – 22 fram til 31. august. Ho har allerede tjuvstarta litt, og har hatt ope for laksefiskarar etter avtale. Åse går rett på sak og arrangerer bailldag allerede første dagen. Det er populær kost, og ho ventar stort innrykk av bygdefolk og andre som vil ha eit realt baillmåltid.

Det er sein vår i arboretet i år, men no er det endeleg «full flor» seier Dordi Kjersti Mogstad i Svinsviks arboret. Har du lyst til å sjå blomstringa i arboretet når den er på topp, så bør du ikkje vente for lenge. Sommarvarmen dei siste dagane har sett fart på blomstringa og det er både rododendron og mange andre sortar som viser seg i sin finaste stas.

Før regnværet «tok oss» var Jon Bruset på kveldstur til Storfjellet torsdag kveld. Han har sendt oss ein liten nokre bilde av både utsikten og litt av den rike floraen i området. For mange blomar er det nok tidleg enno, men dei kjem etter kvart som snøen forsvinn og det blir bart på rabbane oppover mot høgfjellet.