Forfattararkiv for

No er det mange fine vårteikn å finne. Finn fram kameraet frå «vinterdvalen» og kom deg ut og finn vårstemninga. Frå Anders A. Karlsen har vi fått tilsendt nerbilete av ei humle i full aktivitet. Det finns og mange andre vårteikn som du kan fange inn og sende til oss på Todalen.no

Alle er velkomne til Todalen oppvekstsenter tysdag 13.april kl.11.00-13.00 – Enkelt program ved elevar og barnehageungar – Servering – Allsong og litt prat Treng du skyss, ring skulen tlf. 71663888, seinast 12.april.

Dersom kaffekjelen eller potetene kokar fortare i dag enn du har vore vant til, så har det sin grunn i at det no er Råssåkraft i ledningsnettet. Den siste veka har det foregått testkjøring og justeringar, men frå i dag leveres det straum inn på distribusjonsnettet til Svorka.

Frå Gran Canaria har vi fått helsing frå Aud og Ola Øyen som har ferioert i Puerto Rico. Dei skriv at ølet var kaldt, maten god og været fint. Altså ikkje noko å klaga på.

Fredag kl 15 vart det endeleg avgjort kven som vart kåra til årets verdiskapar. Det vart todaling og ildsjel Gudmund Kårvatn.

Torsdag var det slutt for Todalen saualslag. Etter 63 år var det ikkje lenger behov for ein slik organisasjon som har ivareteke interessane til saueigarane. Laget vart stifta i 1947, og da var det nok mange som hadde behov for både skaffe seg kompetanse og hjelp til avlsarbeidet.

Dette namneskiltet står oppi Romådalsvegen. Eit uvanleg namn,som har sin bakgrunn frå ei tid da hesten var det vanlege transportmidlet. Men kva betyr det? Kom med forslag, skreiv vi som tekst til dagens bilde 2. påskedag. Vi har fått 3 svar, frå Tor Holten, Wenche Kvendset og Anders Gjeldnes.

Gudmund Husby driv tømmerhogst oppå Holå, ovafor Bekkerhagan boligfelt. Her skal han hogge 30-40 kubikk med gran som han sjølv planta i 10-årsalderen. Dei har altså stått omkring 50 år og er no mogne for å hoggast. Gudmund hadde dette lille granfeltet som 4H-oppgåve og fekk premiering for godt arbeid med oppgåva den gongen.

Det blir sagt at Holmenkollstafetten er vårens vakraste eventyr, men vi tillater oss å halde ein knapp på at det er saulamminga som skal ha den æra. Sikkert er det i allfall at saulamminga no e kome igang og at det er litt av eit eventyr. I fjøset hos Bjørn Kvedset på Trøå lamma den første sauen måndag og nummer to kom på tysdag. Tilsaman 5 lam som såg ut til å ha det som plommen i egget.

Årets friluftsgudsteneste på Haugligardane trekte eit 70-talls tilhørarar i det fine påskeværet. Det var nerast vindstille og sol frå blå himmel, og folk storkosa seg i det fine og varme vårværet. Det var sokneprest Bernt Venås som holdt årets preken. venås skrytte uhemma av den fine todalsnaturen da han ønska velkomen til gudsteneste, og sa at det her var finare enn i Peterskatedralen.

Påskeaftan hadde Toril Redalen opning av kunstutstilling i Galleri Barbara i Sunndal kulturhus. Ho stiller ut saman med kunstnarvennen Ian Maeres frå Florida. Utstillinga blir ståande til slutten av april, fortel Toril. Galleriet er ope når kulturhuset er ope.

Det 82. seterrennet på Nordviksetra vart fullklaff med nærare hundre deltakarar på skirenna. Omkring 2oo personar møtte opp for enten å ta del i skirennet eller for å være publikummarar. Ein buss sørga for transport opp lia på høgde med setra og dermed vart det ein kort og lettvint skitur over til setergrenda med. På setervollen var det både langrenn, kulekjøring og hopprenn med god deltaking.