Forfattararkiv for

Onsdag var 6 av dei 7 kalvane som var borte i Romådalen funne. Det var Gudmund K. Kvendset som var på sauleiting i Steintælfjellet som observete kalvane i Litjbotn, som er ein sidedal til Romådalen. Torsdag vart dei henta ned til bygda av Åshild og Trygve. Den siste kalven var ikkje i lag med dei andre, og dei trur at den har forulykka på eit eller anna vis.

Jon Bruset vore på ny utflukt. Denne gongen til Vindøldalen og Eiterdalen, og vi har fått e-post med mange bilde frå turen. Han skriv: «Tysdag vart det tur til Vindøldalen og Eiterdalen, med Eiterdalsetra som mål. Dette er setra til garden Utistu Røv. Eiterdalsetra vart rekna for å vere den største og beste setra i Vindøldalen, og truleg ei av dei beste i heile Trollheimen når det gjeld godt beite.

Todalen sokneråd har laga folder med programmet for 2. halvår 2010. Den vert putta i postkassen din ein av dei første dagane, slik at du kan følge med på det som skjer utover hauten og førjulsvinteren.  I den finn du programmet som er sett opp fram til og med gudstenesta på nyttårskvelden. Du kan laste […]

Hjartet slo nok nokre ekstra slag da Ola fikk 10-spiringen på posten på Kulihammaren. Kvennset jaktlag jaga opp lia til Kulihammaren da 10-spiringen kom på posten til Ola, som satt på hovedkposten på Kulihammaren. Da vart det travel med å finne storhjorten i siktet og få til skikkeleg avtrekk. Og hjorten fall. Den har ikkje vore på vekta, men vart taksert til godt over hundre kg.

2010 blir eit normalår for sauedrifta, trur Kåre Øyen. Han sendte i overkant av 130 dyr på fjellet i vår, og etter eit par veker med saueleiting saknar han no berre 5-6 lam. Det reknar han som eit normalår og er godt nøgd når han ser kor store tap det er på andre sia av fjellet, i Innerdalen om områda omkring.

Det vart både elg og hjort på jaktlaget på sørsida av bygda i dag. Etter resultatlaus jaging i Øyalia, vart det sett ut postar på Storhaugen og jaga dit gjennom Brusetbotnan. Da vart det både elg- og hjortfall på Storhaugen. Ein ungokse på ca 180 kg gikk i bakken etter ein fulltreffar frå Anders Halset. Ola Bruset sørga for at ein spissbukk fall i same området.

På leikeplassen, som ligg i tilknyting til Kvennsetøran boligfelt, var det laurdag full aktivitet med opprusting og bygging av ny sandkasse. Både store og små var med på arbeidet, og i løpet av dagen blir det nok klart for å fylle på ny sand og starte leiken.

I forrige veke vart møbelmessa «Furniture China 2010» arrangert i Shanghai i Kina. Frå Talgø var salgssjef Rune Moe og PU-sjef Anita Talgø der, for å sjå på nye trendar og for å følge opp Talgø sine leverandørar og faste forretningskontaktar. Det vart 3 dagar på møbelmessa og 3 dagar med besøk hos eit 10-tals leverandørar i området rundt Shanghai. På heimesida til messearrangøren står det at dei venta ca 70.000 besøkande til messa frå tilsaman 160 land. Så det var eit yrande liv og mykje møblar.

Tysdag 21.september er det foreldremøte for Todalen barnehage og Todalen skule. Møtet er i gymsalen på skulen kl. 18.30, mange interessante saker! I tillegg er det også eigne møte for barnehagen og dei ulike klassane – sjå tidsplan på innkallinga som er sendt ut med elevane til heimen.

Torsdag 23. september kl 20 startar «Dametrimmen» ny sesong i gymsalen på Todalen Oppvekssenter. Dei ønsker gamle og nye trimmarar velkomne til trim, fortel Turid Hals Sæther til Todalen.no.

Frå 1. januar overtek Talgø drifta av lageret på Vinstra. Dei vil da auke leigearealet frå 10.000 m2 til å leige heile lageret på ca 20.000 m2, og eit eige Talgø-selskap vil frå same dato drifte lageret. Handelshuset Martinsen flyttar si lagerverksemd til eige lager på Jevnaker. Det nye Talgø-selskapet vil få 15-20 ansattte og får eiga leiing.

Beiteforholda i fjellet har stått sitt høgste, og dei fleste sauer og krøter er komne heim frå fjellbeitet. Det har i år vore gode beiteforhold, men no er nok hausten i ferd med å gjere sitt inntog i fjellet og beitekvaliteten er redusert. I tillegg spøker også rovdyrproblema, og vi høyrer at jerven gjer stor innhogg i sauflokkane. I år ser det ut til at desse problema er moderate i Todalsfjella, men sauleitinga er enno ikkje slutt så resultatet er enno litt usikkert.