Forfattararkiv for

Søndag ettermiddag vart vi vitne til landing av laks i Brusethølen. Det var Svein Kaldvannsvik frå Malmefjorden som tok på land ein laks på 6-7 kg, etter å ha arma fisken litt. Han kunne fortelje at han hadde teke ein på ca 7 kg i toåa også for nokre dagar sidan. Kaldvannsvik har tilhald på campingplassen på Røv, og har teke 3 laksar på 7-8 kg i Surna i sommar.

Laurdag 3. juli er det klart for fotballfest på Bordholmen igjen. Da samlast 36 lag med knøttar, miniputtar og lillegutar/lillejenter til fotballcup i Todalen. Det er lag fra Romsdal, Trøndelag og sjølvsagt Normøre som møtes for å ha det artig med fotball gjennom ein heil dag. Langtidsvarslet er i skrivande stund lovande, og yr.no lovar sommartemperatur som ligg midt på tjuetalet, seier cupgeneral Bjørn Hauglann til Todalen.no.

Før første gong satsar Talgø-bedriftene på felles marknadsføring for dei tre produksjonsbedriftene. Det gjelder T-Komponent i Rindal, MøreTre i Surnadal og Talgø Møbelfabrikk i Todalen. Den felles satsinga i ny 68-siders byggvarekatalog styrkar satsinga mot byggvaremarknaden i Norge, og er eit langt skritt framover, sier konsernsjef Terje Talgø som også er stolt av at ein no kan får Talgø® som felles varemerke for alle bedriftene. Ved MøreTre vil ein samtidig få ei nysatsing på royalimpregert virke gjennom produktmerket MøreRoyal®.

Torsdag kveld var det høgtidleg opning av kunstutstillinga til kunstnaren Elisabeth Aas i Surnadal kulturhus. Ho er i år festivalutstillar i høve Laksefestivalen, og viste eit stort utvalg i maleri som er måla på handlaga indisk bomullspapir. Ho nyttar akrylmåling, men det er også bruka kull, kritt, lim og fin sand (frå elva i Todalen) i måleria. Ho stilte ut mange fine og fargerike måleri i fleire storleikar.

Under Todalsdagen 3. juli er det tradisjon med loppemarked. Det er både trivelig og sosialt, og det kjem inn ein slant med pengar til drift av Trimgruppa og fotballgruppa i idrettslaget. Borghild Betten Talgø er ivrig på at folk skal rydde i kott, skuffer, uthus og kjeller for å finne fram lopper som kan gjera loppemarkedet […]

Todalen I.L. skal sørve Norsk Laksefestival med vakttenester i helga. Her kan du finne vaktlistene som PDF, både for fredag og laurdag og du laste dem ned.

Stangvik historielag var på tur til Halsakamman i søndag 20. juni, og ledar Einar Grønnes fortel at det var 13-14 personar som deltok på turen. Gudmund Svensli hadde med kamera, og har sendt oss nokre bilde som vi legg ut i galleriet nedafor.

Elevane på Todalen oppvekstsenter avslutta skuleåret med å kåre «Mesternes mester». Her var det mange varierte øvingar der elevane fekk testa både
hurtigheit, styrke, kondisjon og presisjon. Etter å ha halde ballongen på strak arm i opp til 10 minutt, var det mange stive musklar. Vidare gjekk
det slag i slag med hoppetau, ballkontroll med bortennisball, armstyrke, sitting ved vegg utan stol med 90 grader bøy i knea, og flytting av
erteposar på tid.

Det nærmer seg Laksefestival og Elisabeth Aas skal som kjent være festivalkunstner i år. Ho har produsert masse…. ca 50 malerier med stort og
smått til utstillinga. Bildene omhandler temaene omsorg og kjærlighet, og er malt på håndlaget Indisk bomullspapir.
Ho inviterer alle gode venner og kjente i Todalen til åpningen torsdag 24. juni kl. 18.00 i Surnadal Kulturhus.

Jens Olav Moe dro direkte på hytta til bestemor og bestefar i Sverige da det vart skuleferie. Der er han igang med fisking, og alt første dag tok han ei gjedde på 9 kg, som var 110 cm lang. Truleg er det den største gjedda som er teken i hele Värmland så langt i år. Vi for vår del håpar at Jens Olav hugsar at gjedda har kvasse tenner og at det er ein rovfisk, men ønskjer lykke til vidare med fisket og ferielivet i Sverige!

Det har kanskje vore stilt i media om Todalsdagen 2010. Men i kullissane har det foregått for fulle mugger, med planlegging av fotballturnering, SuperLotteri og eiga avis til Todalsdagen, sier stemnegeneral Bjørn Hauglann til Todalen.no. Det er iallfall heilt klart at det blir ei skikkeleg fotballfest for dei minste. Heile 40 lag er påmeldt, og det blir fleire fotballsparkere denne dagen enn heile befolkninga i Todalen til vanleg. Mellom 400 og 500 fotballsparkere kjem til å sette kvarandre i stemne på Bordholmen på Todalsdagen.

Han ante nok ikkje at han skulle bli borte så lenge da han i 1966 reiste frå Norge til Toronto for å ta seg jobb. Etter å ha gått ut frå Göteborgs tekniska institut i 1965 og jobba eit år hos NEBB var Svein Halle klar for nye utfordringar. I Toronto vart det først nokre småjobbar, men så fikk han jobb som maskintestar hos Massey Ferguson.