Forfattararkiv for

Laurdag kveld er det Kultmakarkveld i Ungdomshuset. Da Todalen.no var innom Ungedomshuset fredag kveld var kjøkkengjengen i full gang med førebuinga. Dei skal nemleg servere Thaimat denne kvelden. Det var stor entusiasme å spore i produksjonen av vårruller, og matduftene eg kjente ga dei beste signal for å anbefale kveldens siamtallerken. Og dette blir nok ekte saker, for med på kokkelaget var Malii Brusethaug, som nok har spisskompetanse på Thaimat.

Onsdag var det skulekonsert, og da fekk vi besøk av to felespelande damer på skulen. Dei spela så busta fauk og sjarmerte publikum. Elevane var både med å klappa, song og dansa, så dei sjarmerte musikarane! Det vart ei kjempefin musikkstund i hallen. Musikarane heiter Julie Alapnes Normann og Marie Fårr Klåpbakken, dei spelar både tradisjonsmusikk og eigenkomponert musikk. Og dei viste at dei er opne for nye impulsar ved å spele ein låt av Michael Jackson

Så har vi fått eit nytt medlem igjan! Denne gongen er det Skogkompaniet As som er komne med som medlem i Todalen.no. Akkurat no har dei forresten oppdrag i Todalen, da dei ryddar skog i området oppi Falla der det foreligg planer for Todalsparken. Der blir ei skogsryddarmaskin og ein lastbærar i aksjon denne veka og litt ut i neste veke, fortel dagleg ledar i Skogkompaniet Kristen Bruset.

Ei prosjektgruppe som arbeider med planer for å bevare Gammelskulen og utvikle den til eit lokalhistorisk og fleirkulturelt senter, ynskjer å invitere alle som er interesserte til å ta del i prosjektet som tek sikte på å:
· Ta vare på og vise den rike bygdekulturen vi har
· Ta vare på og vise det fleirkulturelle mangfaldet vi har i kommunen

No er det kome på plass nye trimbøker på alle postane til Trimgruppa i T.I.L. Dei gamle bøkene er tekne inn for oppteljing av resultatet, og det vil nok etter kvart bli premiering av dei som har flest besøk, eller som blir trekte ut som vinnarar. Dei nye trimbøkene blir no liggjande i trimkassane heilt fram til hausten 2011. Du har altså høve til å registrere trimturar eit heilt år, når det passar deg sjølv.

Surnadal idrettshall var fylt til siste plass laurdag, da Surnadal Sparebanks «Store Korslag» gikk av stabelen. 7 kor med over 200 deltakarar var med og gjorde arrangemnentet til ein suksess som imponerte dei mange publikummarane. Kora kjempa om fleire gjeve prisar. Men den gjevaste av alle var nok publikumsprisen, og her var det Åsskardkoret som trekte det lengste strået.

Kultmakarkvelden i Ungdomshuset er ei vidareføring av fjorårets lygarkveld, og arrangøren som er fotballgruppa i TIL byr byr på eksotiske rettar frå Thailand og innslag frå utanbygds «artikalla». Bernt Vatten frå Halsa, samt Arne og Lars Landsem frå Rindal kjem for å ta del i programmet på kultmakarkvelden. bernt Vatten er kjent for sine gode og lune historier, og Arne og Lars Landsem er nok mest kjent for sin aktive deltaking i revymiljøet i Rindal gjennom ei årrekkje.

Undersøkelsen «Ung i Møre og Romsdal» viser at over halvparten av de spurte elevene ønsker seg en fremtid i hjemfylket. Magasinet «Spor» (Møre og Romsdal fylkeskommune) har spurt tre mastergradstudenter fra Møre og Romsdal om hvilke muligheter de ser for seg her hjemme. En av disse er Therese Talgø fra Todalen, som studerer ved BI i Oslo.

I en artikkel i Kulturadressa om Høstutstillingen og Kunsthåndverk 2010 blir Toril Redalen omtalt sammen med trønderske kunstnere med overskriften «Hillbillyene briljerer». Kulturadressa hadde besøkt begge utstillingene og de skriver at det er med glede å melde at «våre egne» kunstnere utmerker seg med noen av de beste bidragene i utstillingene.

Jon Bruset har drive med registrering av maksimum- og minimumstemperatur dei siste 20 åra. Gjennom denne perioden har det til dels vore store sprik i begge retningar. I år har det vore 3 frostnetter på Småhjellan i september, og det er rekord. Det er berre registrert eit par minusgrader, men kunderekorden i perioden stammar frå 1995. Da vart det reistrer -3,9 den 30. september.

Eit trettitals gjestar deltok på konfirmasjonsfesta som Todalen sokneråd arrangerte i Ungdomshuset laurdag kveld. Spesielt ivitert var dei fem konfirmantane fra 1960 som i år kan feire 50-årsjubileum. Dei hadde kome frå fjern og nær for å ta del i festa og for å treffast og hente fram gamle minne frå konfirmasjonstida. På menyen stod det både fårikål og forskjelling slags underhaldning.

Det blir eit katarofalt resultat av årets kornhaust på Talgø Gård i år, fortel Finn Talgø som laurdag kjørte skurtrøskaren for siste gong. No er det slutt på dyrking av korn, og frå neste sesong blir det grasproduksjon i staden. Etter 23 år med korndyrking er det slutt, og denne sesongen blir den dårlegaste av alle.