Forfattararkiv for

I morgon fyller Surnadal Velværesenter 5 år, og det feirar dei med open dag for alle som har lyst til å kome i form, sjølv om du ikkje er medlem. Da blir det høve til å prøve utstyret dei har, og til å ta del i gruppetimar. I tillegg blir det servert kaffe og kaker. Du kan lese meir om dette på heimesida til Surnadal Velværesenter.

Vi har fått melding frå Martinus Torvik i Eldremiddagen pr e-post i dag: «Førstkomande onsdag byr Eldremiddagen i Sanitetshuset på bakalao, koka på skinn- og beinfri torsk frå Tustna og med potet frå Kjell og Johan. Har du lyst til å dela bordsete med oss, ta kontakt med ei av kokkene Brit, Bodil, Grete eller Karen […]

Ved Todalen oppvekstsenter er det funne eit armbåndsur like ved ballbingen. Dersom du kjenner ho att og er eigar, så er det berre å ta kontakt med betjeninga i Todalen barnehage så ordnar det seg med «gjenforening».

Programposten «Gøy på landet» på TV Norge kjem frå Bindal denne veka. Fire kveldar er det ein timers program, der ein buss med damer kjem på visitt til utvalgte ungkarar i Nordlandskommunen Bindal. Ungkarane skal gjera kva dei kan for å få nokre av damene til å gå av bussen, før den går vidare til Vevelstad. Det vart mellom anna gjort opptak på Bindalsbruket til denne serien. Om det kjem noko derifrå og kva som kjem er uvisst, men det er verdt å følgje med dei tre episodane som er att. Første episode gikk måndag kveld, og dei neste episodane går tysdag-, onsdag- og torsdag kveld kl 19.30 på TV Norge.

Forrige helg oppfordra vi til å sende jaktbilde til oss. Sondre tok utfordinga og har sendt oss e-post og bilder frå jakta i helga. Han skriv: » Øya/Bruset/Halset jaktlag møtte som vanleg mannsterkt opp, med både gammalt og ungt personell. Og med god temperatur og fint vær, var det eit godt utgangpunkt for (ei svettfull) jakt i liene på sørsia av bygda. Dagens første fangst vart ei kolle, med slaktvekt på 45 kilo. Rune Moe var skyttaren, og denne blei teke på Skarvøymyra oppi Øyalia. Fleire dyr blei observert utover dagen, utan at det fall noko. Etter at slaktinga tok vi eit ekstra jag nede ved elva i Øya, då det hadde vore observert fleire dyr der dei siste dagane.

Fredag og laurdag har det vore storstila taklegging på Jostusetra på Husbystølen i Romådalen. Lars Kvendset og Gunnar Nordvik starta arbeidet med å riva det gamle taket på Jostusetra fredag. Så vart det skifta sperrer og lagt nye trobord, før det igjen vart lagt på papptak og gjort klart til å legge nytt torvtak til våren.

Vår utsente tok ein stopp ved Utigarden på Ørsal for å sjå kva Johan dreiv med. Han hadde rigga seg til ved garasjenåva, og svinga kjøttøksa til hogg. Han var i full gang med å dele opp sauhau, som skulle bli god mat. Han fortel at det var vanleg å bruke sauhaua til mat i gamle dagar, og den tradisjonen har han fortsett med. Da Johan feira 50-årsdag, var det sauhau på menyen og det vart servert som hovudrett til heile festlyden. Den gongen koka han storgryta full av sauhau.

Ein liten «dugnad» på Bordholmen tirra nysgjerringheita vår til å sjå kva som foregikk på asfaltbanen innafor klubbhuset. Der var Ivar Helge Kvendset og Knut Berli i fullt arbei med eit hol i asfalten. Kva skulle dette bli? Jau da, dei laga feste til statisvet som skal halde tennisnettet på plass. Det skal fungere slik […]

Torsdag dreiv Lars Kvendset og Gunnar Nordvik storstila plenlegging attafor Gammelfabrikken. Mellom den nybygde utstillingshallen og elva vart det til ei ny plen på 2-300 m2 i løpet av nokre formiddagstimar. På førehand hadde dei saman med Per Gjeldnes med gravemaskin gjort eit grundig planeringsarbeid. Så alt var klart når bilen frå Grøa Gartneri kom med fleire pallar med fin og grøn plen på rull. Ja, den kom faktisk i små rullar på 2,5 meters lengde og 0,5 meters bredde. Så var det bare å rulle den ut, og vips så var det ferdig plen! Vi fekk med oss innspurten av plenlegginga, og etterpå skulle den vatnast og valsast, slik at den var jevn og fin. Og til våren er det klart for plenslått.

Stavganggruppa i Surnadal pensjonistlag hadde torsdag 29. september ein flott tur i solskin og 20 varmegrader. Vi starta frå Evjen i Øvre Surnadal, gjekk opp dei bratte bakkane forbi Fugelsøya og vidare oppover Dalseggvegen som fører til Austre Nordmarka. Etter turen samlast alle 43 deltakarane til matpause på Evjen.

Gøran Bolme sliter skolebenken på HINT på Steinkjer, og vi har fått e-post og sprøsmål om vi kan hjelpe ham å samle info til hovedoppgaven hans. Hans skriv: » Jeg har en utfordring til alle i Surnadal/Rindalsføret. Jeg sitter i Steinkjer og jobber med hovedoppgaven min i Naturforvaltning. Jeg prøver å kartlegge utbredelsen av den sjeldne arten Bjørkemus (Sicista betulina) i Surnadal og Rindal kommune. Bjørkemusa har veldig karakteristiske kjennetegn. Med en hale som er lengre enn selve kroppen og en svart stripe fra nesen til basis av halen er den umisskjennelig.

Torsdag hadde 5. 6. og 7. klassen koka havregraut til alle på skulen og i barnehagen. Svoltne ungar og vaksne samla seg i gymsalen til fellesmåltidet. Grauten var god og gryta vart etter kvart tom. Det vart og servert ferske grønsaker, så dette var eit sunt og godt måltid som gav krefter til uteleiken etterpå. Medan dei største rydda gymsalen fekk dei andre nyte godt av finveret i ballbingen, i sandkassa og ved leiketårnet.