Forfattararkiv for

Det var rett og slett ein salsstart over all forventning, seier Gudmund Kårvatn til Todalen.no. – Folk kom frå både nær og fjærn for å sikra seg utstyrsgodbitar eller rett og slett ta seg ein kaffekopp og smaka på heimebaksten til Søstrene Dala. Laila, Kristian og Gudmund hadde det travelt med å betjene alle som kom innom i løpet av dagen.

Hausten er den finaste tida i fjellet, og i år har også vêrgudane vist seg frå si beste side. Det har gjort at det har vore ein nytelse å gå i fjellet, både for kropp og sjel. Lite nedbør har gjort at det er fin å ferdast og det er ikkje noko problem å kome over elvane. Åshild og Trygve Halle har vore på sin årlege tur til Fagerlidalen for å sjå om Tælehytta og for å prøve fisket i Fagerlidalsvatna.

Laurdag går startskotet for det store salget ved Kårvatn fjellutstyr. Stengte vegar har gjort at det er mykje sommarvarer att, så det er vel verdt å ta turen opp til «butikken på låven», som denne helga også er open på søndag. Massevis av varer er lagt fram for salg i butikken, og det er nok mang ein godbit å finne i det store vareutvalet som skal ut på billigsalg med 20-80 % avslag. Og vegen den er open heile helga, både FV671 inn til Todalen og vegen opp til Kårvatn som fram til fredag ettermiddag er steng på grunn av vegarbeid.

Torsdag den 3. oktober la Stavganggruppa i Surnadal pensjonistlag turen til Buret på P-øra, ein svært fin og intim serveringsstad med heilt spesiell atmosfære, og han ligg tett ved brua som går over til Bølandet i Bøfjorden. Olaf Ansnes, bestefar til Liv Berit, dreiv i si tid landhandleri i den fine, kvitmåla hovudbygninga. Det var ei godt eigna plassering for ein butikk, sidan vegen da gjekk rett gjennom gardstunet. Denne vegen vart omlagt da brua til Bølandet vart ferdig i 1964. Buret hadde opprinneleg stått som stabbur på på Kvennbøen, og har etter det vart flytta til Bøfjorden vorte påbygd kjøkken og toalett.

Haustmessa har lange tradisjonar hos Byggmakker i Surnadal. I år blir det større enn nokon gong, da heile senteret markerer overgang til haust med massevis av gode tilbud i butikkene til Byggmakker, Flisekompaniet og Hageland. Hageland køyrer hele sortimentet med grønnplanter med 30% rabett og dei har også mange god tilbud og premiere for massevis med nye varer. I tillegg har dei fått inn mange billige spisestuemøblar, sofaer og andre småmøbler som er spredt rundt i butikken. På programmet står også Olabilløp og gratis «pølsefest».

For å sikre mot flom blir Dalavegen fyllt opp på dei mest flomutsette strekningane. Det er i området ved Vassosen, og eit stykke forbi Storenghølen. Her skal vegen byggjast opp med opptil 1 meter på den mest flomutsatte strekninga. Onsdag startar fyllinga av grov steinmasse, og da blir det umuleg å halde vegen open, fortel Gunnar Bøe frå Surnadal kommune. Dalavegen blir stengt for trafikk ved Vassosen onsdag 2. til fredag 4. oktober mellom kl 08 og 15. Etter fredag kl 15 er veien open for trafikk igjen, og den vil være open heile helga.

Søndag vart det full pott under elgjakta for Erling Halle. Elgfamilien med ku, kalv og okse kom på rekkje og rad på Erling som satt på post i lia mellom Storenghølen og Hanshaugsetra i nærleiken av Myråkja. Med akkurat såpass mellomrom at han rakk å lade om og ta nytt sikte, og alle sammen gikk overeende av velretta skott. Da vart det stopp i jakta og mobilisering for å vomme ut og starte transporten ned til vegen. Heldigvis var det ikkje langt ned til vegen, men likevel blir det fort litt arbeid.

Kaffekroken er ein sosial og mykje bruka møtestad. Både folk som er på handel på Matkroken L. Hals og andre som vil treffe folk møtes ofte her. Laurdag var ikkje noko unntak, og medan sanitetskvinnene rigga seg til stand ute, var det sjølvsagt «full aktivitet» i Kaffekroken. Men denne dagen vart det skikkeleg mimring og oppfrisking av minner frå gamle dager. Ulf Aas kom nemleg innom ein tur, og for oss som har levd ei stund var det da naturleg å skru tida ein god del år tilbake, og etter kvart kom det fram mange artige historien og episodar frå både 50-, 60- og 70-talet og kanskje enda lenger fram.

Når du mister nærare 1/4 av besetninga på beite er det dramatisk! Det er Ola G. Kvendset som seier dette til Todalen.no. Ola tok over drifta av heimgarden Viastua fra 1. juli i år, og opplever at 17 av dei 83 spelsauene som vart sendte på sommarbeite i Kvennsetdalen/Lauvåfjellområdet blir borte. Han hadde lenge håp om å finne att fleire, men må nok innsjå at håpet svinner. I så fall er det over 20 % av besetninga som er borte. Dei fleste tapa er nok knytta til rovdyr, for vi finn ikkje kadaver. Det er nok eit sikkert tegn på at jerven har herja i saueflokken, seier han. I Viastua var det liknande tak i fjor, og Ola seier at slik går det ikkje an å fortsette.

Todalen sanitetsforening har alt mange medlemar, men dei vil gjerne bli fleire. Laurdag nytta dei difor finversdagen og innspurten på «Sanitetsveka» til å lage stand utafor Matkroken L. Hals. Med nystekte bollar og kakao som «lokkemiddel»,  fekk dei full fokus på arbeidet dei driv. Mange som var på handlerunde nytta høvet til å stikke bortom […]

Den tradisjonelle Sjukeheimsbasaren er like rundt hjøret. Rundt omkring i grendene er det førehandssalg av lodd, og ffor ein 10’er er du med på heile trtekningslista. Lisbet Ranes var fredag på plass på Matkroken L. Hals, og ho fortalte at salget gikk strykande. Det er sjukeheimsforeninga som er arrangør, og dei skal arrangere basar på sjukeheimen laurdag 12. oktober. Der blir det trekning av alle gevinstane.

Tett attmed vegen i Hallagrenda «skyt det til vers» eit nybygg. Det var Eivind Grønmyr som var i full aktivitet med nytt postkassestativ for bebuarane i Hallagrenda, og den blir bygd etter mønster av dei gammeldagse mjølkerampane som i si tid stod ved vegkanten. Det gamle postkassestativet på Halla gikk overende i ei landvindskule for nokre år sia, og i mellomtida har eit enkelt stativ gjort sin nytte.