Forfattararkiv for

Natt til søndag 25. oktober er det definitivt slutt på sumartida. Når klokka når 03 skal den flyttast attover til kl 02, og dermed merkar vi nok at det blir ein time tidlegare mørkt om kveldane og samtidig litt lysare om morgonen.

Kommende søndag går 52/17 Søndagsturen til Betna og Bettennesset. Det er ein lett og fin tur som alle kan bli med på. Du kjører til Betna og parkerer på langrennsstadion, og tar føttene fatt derfra. Ordfører Ola Rognskog blir med og loser oss gjennom løypa til Bettennesset. På programmet står elles bålkos og kåring av Bettennesset som […]

Byggmakker Surnadal inviterer til «Damenes aften» i butikken mandag 26. oktober kl 19.00. Det blir en kveld fylt av inspirasjon, nyheter og spennenede «gjør-det-selv» tips! På programmet står nye trender fra Jotun, Nordlux, Luxaflex solskjerming og ikkje minst gode smaker fra Colonialhaven. Gratis inngang – bla.videre

Ein kan no sjå den positive effekten av hi-uttak og felling av skadedyr under lisensjakt av jerv dei siste åra. Endeleg er det optimisme å spore i sauehaldet, slik at det går an å satse på sau igjen, seier saueeigarane. Det er nemleg fleire som satsar på sau no igjen – det er bygd fleire sauefjøs dei siste åra, og fleire kjem etter kvart, og det er artig. – Berre for 3-4 år sia var satsing på sau heilt uaktuelt, men no er det fleire som startar på att igjen, seier Oddvar Mikkelsen. Det er dramatisk nedgang i tap av sau på beite i Trollheimen – frå 19,5% i 2011 til 6,8% i 2014. Den positive trenden ser ut til å halde fram i år, men tala er ikkje klare før rundt 1. november.

Ja den gjer nok det, men enkelte plassar tek det lang tid. Slik som foreksempel på Ørsalmyrane og over Veltet, der kan ein enno sjå spora etter beltebilane som frakta opp materialar og utstyr til byggjinga av kraftlina som går mellom Auraverket på Sunndalsøra til Ranes. Denne kraftlinja vart bygd i perioden 1951 til 1953, og transport av sement og stålmaterialar gikk med taubane frå Todalen og opp på brona, og vidare innover fellet med beltebilar.

I dag har det vore hjort- og elgjakt i Svinvika, og resultat av jakta vart det. På Gammelsetra kom det ei elgku på Trond Svinvik, som var rask oppe med geværet og felte den. Det var ei fjorsku som vart fangsten, og det er første elgen som er felt i Svinvika sia 2009.

Sollid Skog As er i full gang med rydding av det nye bustadfeltet ved Øygarden på Nordvik. I løpet av eit par-tre dagar er store deler av granfeltet ryddet og etterpå blir det hogst av furu lenger nede i feltet, fortel Roar Sollid som kjørte hogstmaskina da vi var nedom og tok nokre bilder måndag ettermiddag. Dei skal ta ut totalt rundt 1500 m3 og det er ikkje lang hefta med slikt utstyr. Den nye hogstmaskina kostar rundt 4 mill og har ein kapasitet på mellom 25-30 m3 i timen – alt etter korleis skogen og landskapet er.

Innsamlingsaksjonen er i full gang – i Todalen har dei fleste heimane alt fått besøk av bøssebærarar. Todalen.no trefte 3 av dei da dei var ute på strekninga frå Ansneses til Kårvatn, og dei fortalte om stor givarglede blant todalingane. Rundt om i Noreg er det rundt 100.000 bøssebærarar som er ute for å samle inn pengar i årets innsamlingsaksjon som går til Regnskogfondet.

Halset vasslag er i full gang med oppgradering av vassverket. For nokre år sia vart det bygd ny brønn på anlegget, og no er det anlegg for filtrering og UV-stråling som står for tur. Det blir bygd nytt hus til dette like ved Oppistua på Halset, som skal huse alt det tekniske utstyret som skal til. Det er ei investering for Halset vasslag på 5-600.000 som skal til for å få vassverket godkjent av Mattilsynet, og det meste av arbeidet skjer som dugnadsinsats.

Denne veka arrangeres den store bygg- og interiørmessa «Bygg Reis Deg 2015» i Lillestrøm, og den er open til og med laurdag. Dette er den største byggvaremessa her til lands, og sjølvasgt er Talgø og MøreRoyal representert der med ein stor stand. Den store nyheitsbomba er det nye elementbaserte hagestue- og bodkonseptet som blir lansert her. På messa stilles det ut eit heilt tun med produkt frå dette konseptet – og responsen har vore stor, fortel salssjef Bjørn Hauglann.

På skulen skal dei ha avslutningsfest på temaet Nepal, og har den siste tida lært mykje om korleis dei kan hjelpe andre born. Tysdag 20. oktober kl 16 – 18 inviterer elevane i todalen oppvekstsenter alle som har lyst til å kome på FORUTfestival. Det kostar kr 50 for vaksne, og inkluderer linsesuppe og ris, kaffebrød og kaffe. Serveringa startar kl 16, og elles bys det på loddsal og lett underhaldning.

Besøkstenesta i Surnadal Røde Kors skal arrangere kurs i for å bli besøksvenn. Første kurskveld er tysdag 20. oktober, og det er enno plass på kurset, melder Surnadal Røde Kors i ein e-post til Todalen.no