Forfattararkiv for

På grunn av vêrtilhøva var rute 46 Kvanne – Rykkjem  innstillt i fredag kveld.  Laurdag kl 8,38 melder Fjord1 om normal drift igjen.      

No er det høgsesong for julemesser, og komande søndag (27.11) er det 1. søndag i advent og turen er komen for Surnadal Husflidslag. Dei arrangerer i år julemesse si i 2. etasje i Gammelsamvirkelaget på Skei. Tilsaman er det 37 utstillarar som setter kvarandere i stemne, og lagar julestemning i tidsrommet 12 til 18, fortel Torunn Nordvik i Surnadal Husflidslag til Todalen.no

I starten av november hadde vi ei sak om asfaltlegging på Surnadal hamneterminal. Det var rundt 17 mål som vart lagt asfalt på – faktisk det største enkeltoppdraget som Veidekke Industri har hatt i år. Kristian Mossing var prosjektleiar for Veidekke, og da vi var innom for å forevige asfaltlegginga, var han i full aktivitet med filming med drone i hamneområdet. Klikkar du på linken nedafor så får du no sjå resultatet…..

No blir det advent før vi veit ordet av det, og dermed sesong for å opne luker på adventskalderen. Fredag kveld kjem Isak, som er 9 år, på døra for å selge adventskalendere for Alpingruppa i Surnadal I.L, og han har hyra inn mor Ingvild som sjåfør og hjelpar. Han har fått Todalen som distrikt og 50 kalendere til disposisjon.

Eit bokslepp er i seg sjølv kultur, men på Todalen historielags bokslapp var det nok Ola Bræin som stjal kulturshowet. Ola Bræin har i årsskriftet for 2016 skrive om krigsåret, da familien bodde i Todalen, og han gjekk på skule her. – «E føle me som ein ekte todaling», sa Ola Bræin.

Thore er årets hovudgevinst i lotteriet til Todalen sanitetsforening. No er det innspurt på loddsalet, samtidig som laget promoterer årets julekalender, fortel Kari Kvendset, som er nestleiar i Todalen sanitetsforening. I dag treffer du Kari på Matkroken Todalen….

Går du Svinviksrunden så kan du ikkje unngå å høre (og sjå) hammarslaga i hyttefeltet på Kammen. Svinviksrunden går nemleg rett forbi hyttefeltet, og akkurat no er det to hytter «på gang». Den eine er kome under tak og den andre på god veg. Enno er det 5-6 hyttetomter i det regulerte hyttefeltet på Kammen.

Sanitetskvinnene – det vil seie dei 7 sanitetsforeningane i Rindal, Halsa og Surnadal har teke initiativet til gratis vaksinering av avgangselevane ved Surnadal vidaregåande Skole. Dei har fått med seg næringslivet som sponsorar og blar opp 45.000 til gratis vaksinering mot smittsam hjernehinnebetennelse. I år er det 111 elevar som kan bli vaksinert, dersom dei tek i mot tilbodet.

Etter værmeldinga har det vore varsel om høg vasstand i dag, med 50 cm over normal vasstand her på Indre Nordmøre. Men det vart slett ingen rekord, sjølv om det etter kvart vart mykje vatn

Like sikkert som at det er berre eit par veker til advent, så inviterer Todalen historielag til bokslepp for sitt nye årsskrift komande laurdag kl 14.00. Det nye årsskriftet er nummer 16 i rekkja, og som vanleg er det mykje godt og historisk stoff som blir presentert i det nye årsskriftet, fortel leiar John Moe til Todalen.no.

Brukar vi ostehøvelen på forsvarsbudsjettet år etter år, til det ikkje er noko igjen – eller går vi mot avvikling av det nasjonale forsvaret av Noreg? Dette var sentrale spørsmål som Lars Myraune stilla da han heldt foredrag for eit lydhørt publikum i Svorkasalen måndag kveld. Det var Indre Nordmøre Forsvarsforening som var arrangør og som hadde skaffa seg presidenten i Norges Forsvarforening, Lars Myraune, som foredragshaldar.

Svein Sæter vil fortelje historia om ein av Noregs ukjende heltar og samfunnsbyggjarar på kulturhuset onsdag kl.11. Han har nyleg kome med ei bok om Einar Sverdrup (1895–1942); direktør for Store Norske Spitsbergen Kulkompani. Gruvene ved Longyearbyen – og byen sjølv – blei livsverket hans. Ingenting kunne stanse Einar Sverdrup. Familien var full av framståande politikarar, prestar, polfararar, poetar og pressemenn.