Vi fann 7083 artiklar i dette arkivet.
Komande søndag, frå kl 15.00 og utover, arrangerer Todalen historielag tradisjonell ettermiddagskafé i Todalen ungdomshus. Denne gongen byr historielaget på kåseri med Gunnvald Bøe, som vil kåsere om ord og uttrykk som er knytta til vêr og vind – og kanskje andre historier. I tillegg vil «Skannerpatrulja» vise nokre gamle bilder frå historielagets arkiv.
Det var friskt i hamneområdet da Surnadal Hamneterminal og Kristiansund og Nordmøre havn inviterte til opningsfest. Det skjedde nettopp på hamna, og det var rigga til eit stort telt, der det var både servering og underhaldning og ikkje minst helsingar inviterte gjestar både frå nær og fjern. Sjølv om det var rundt 10-talet med kuldegrader så var det ingen som klaga på kulda…
Det har vore travle tider for brøytarane dei siste døgna. Er usikker på kor mykje snø som er kome, men det har iallfall vore full rulle for dem som skal halde vegane opne for oss trafikkantane. – Måndag føremiddag var dem komne ajour, og da var det godt med 10-kaffe på Matkroken og litt utveksling av erfaring.
Ola Røe på Nordvik er ein habil hobbyfiskar, og har nok fått mykje rart i garna sine i løpet av ei årrekkje. Men denne veka sette han nok rekorden, da han gjorde det første garnsettet nyåret – på rundt 50 meter dybde utafor heimen sine på Nordvikstranda. Og stor vart nok spekulasjonen når han fekk denne framandkaren i garnkassa da han tok oppatt garna torsdag.
Med snøfallet siste døgn og nokre få kuldegrader, så vart det uteaktivitetar igjen. På Bordholmen er skeiseisen alt på plass, og banen er klar til bruk – enten du vil prøve det på kunstløp, ishockey eller kanskje først og fremst å lære å gå på skøyter. På Tjønnmyra er det også fine forhold. Heile traseen er køyrt opp, og det er fin-fine løyper der du kan prøve skiene på blåswix-føret.
Natt til fredag vart det nok eit jervfall – same stad og same jeger. Dermed er den ordinære kvoten for Møre og Romsdal og Trollheimsområdet fyllt – men fredag ettermiddag har vi frå pålitelige kjelder fått opplyst at fylkesmannen har tildelt eit ekstradyr.
Det siste døgnet har ekstremvarsel om stor flo fått stor fokus i media. Sjølv om området med ekstremvarselet var sør for stad, så var det Obs-varsel for Møre og Romsdal og Trøndelag. Vannstanden har ikkje vore så høg som frykta, verken sør før Stadt eller her på Nordmøre. Her i Todalen var den meir som ei vanleg springflo – slik som vi opplever kvar månad ved fullmåne.
Søndag vart det felt ei jervtispe i Todalen. Det skjedde under åtejakt, og det var ei jervtispe på 9,3 kg fortel Lars Olav Lund frå Statens naturoppsyn til tk.no som skriv at jerven vart felt med eit velretta skot på rundt 45 meter.
På Brusetsia av Brusetbrua er det ein skade på brukaret, der noko av fyllinga har rasa ut, og rekkverket henger i lause lufta. Det ser ikkje ut som det er nokon umiddelbar fare for meir skade, og skadestaden er godt merka av Mesta.
Det såg lenge mørkt ut for å få til sjakkturnering denne vinteren. Turneringa har vore høgst uhøgtideleg, men likevel artig for deltakarane som har samla seg i Kaffekroken på Halsbua på søndagskveldar. Søndag kveld starta årets turering og den skal gå 3 søndagskveldar i januar, 2 i februar og 2 i mars – og 2 påskedag blir det storstila finale i Todalen ungdomshus, som er open for publikum.
Frå nyttår er det Østlie Transport på Vinstra som har kontrakt på den lokale varedistribusjonen frå Talgøs lager på Vinstra. Det er selskapet Talgø Logistikk som driftar lageret på Vinstra, og Østlie Transport har no kontrakt på dei to kjørerutene til Møre og Trøndelag. – Her kjøres Møreruta først i veka og Trøndelagsruta sist i veka. Begge rutene endar i Todalen, der bilen lastar ferdigmåla panel som skal til Vinstra – og vidare ut i den store verda
TILs løypekomiteen er i gang på oppkjøring av skiløyper. Dei første løypene er klare til bruk, og fredag kveld var løypa frå Kvennset og oppover til ungdomshuset og vidare opp Øyalia klar. Denne veka er det Ivar Bolme som har vakt, og han har fredag køyrt på spor opp Øyalia og opp til Haukåa, og innover til Bjøråa eit stykke utafor Tristeinan.