Vi fann 7178 artiklar i dette arkivet.
Heile bygda er kanskje å dra det langt, men det var iallfall nærare tretti munnar som vart metta med lapskaus i Sanitetshuset i dag. Det var beredskapsgruppa i Todalen Sanitetsforening som hadde invitert på middag og som vart traktert, først med lapskaus og så med sviskegraut med fløyte og kaffe og kaker til slutt.
Etter ein vinterleg innspurt med snøbyger, nattfrøst og snøslaps på vegane, ser det ut som våren endeleg er på veg. I slutten av veka blir det finvêr, og i neste veke blir det etter meldingane 2-sifra varmegrader, skal vi tru yr.no i sitt langtidsvarsel.
Det er tradisjon å rydde vekk og ordne etter vinteren på kyrkjegarden før konfirmasjonshelga. Onsdag 26. april kl 18 møtes vi på kyrkjegarden og tek med oss river, spader, trillebårer og anna egna utstyr, melder soknerådet i ein e-post til Todalen.no
Det var litt nervøs stemning i ungdomshuset før starten på finaletevlinga i ettermiddag. Tilsaman var det 10 kampar som skulle avgjerast, og tilsaman 6 bord var rigga til med sjakkbrett, brikkar og klokker – her skulle det kjempast. Før starten såg vi tendens til litt prykologisk krigføring, men det høyrer vel med i førebuingane på slike arrangement, men vi kan ikkje stikke under ein stol anna enn at det var god stemning.
Konfirmantane frå Stangvik, Todalen og Åsskard har sentrale roller i søndagens kveldsgudsteneste i Stangvik-kyrkja. Gjennomgåande tema er Jesu liv og gjerning – framstilt med drama, rørsle, lesing, solosong og allsong. – Dette er ei gudsteneste for alle – slett ikkje berre for konfirmantar, understrekar prest Torbjørn Brøske, som har utarbeidd ni scener frå Jesu liv som utgjer midtdelen i den elles vanlege liturgien
Strikkekaffe er ein typisk vinteraktivitet, som passar best på vinterføre og når snøstormen uler rundt nåva. Men no er det slutt for i år, sjølv om det faktisk var snø i lufta i ettermiddag da strikkarane var samla i Sanitetshuset på Kvennset. Med 3-4 varmegrader i lufta er det best å drive inneaktivitetar, men på tampen av april er det vel eigentleg tid for uteaktivitetar.
Surnadal pensjonistlags stavganggruppe er i gang med ny sesong, inviterer til årets første trimtur til Haltbakken på Nordvik. Det skjer torsdag 27. april er vi i gang igjen. Møt opp til vanlig tid ved avkjørsla til Haltbakken, straks før vi kommer til Nordvik. Vi håper på godt vêr og glade fjes, skriv Surnadal pensjonistlag i ei pressemelding […]
I Kammen hyttefelt er dei to første hyttene på plass – totalt er det plass til 8 hytter i den øvre avdelinga. No kjem ei utvidig av feltet, med eit område med 4 ekslusive tomter ved sjøen, der det og er planer om båthamn og naust. I det øvre feltet er alt infrastruktur som veg og vatn på plass, og til sommarferien blir nok dei første hyttene innflyttingsklare.
Bygdeungdomslaget er kjent for sine tevlingar i forskjellige praktiske øvingar, mellom anna bruk av motorsag. No blir det kurs i bruk av motorsag, og det er høve til å henge seg på for å lære sikker bruk av motorsag. Kurset er lagt opp med tanke på deltaking tevlingar, og skje på Mauset i Surnadal på adressa Surnadalsvegen […]
Komande laurdag kl 17 er det duka til stor finale i årets sjakkturnering. Denne turneringa har pågått i Kaffekroken på Halsbua på etterjulsvinteren, og no er det for lengst klart kven som skal møtast til finale sluttspel i Ungdomshuset – I gullfinalen møtes Amund Talgø og Kristoffer Nordvik, medan bronsefinalen står mellom Brage Hauglann Talgø mot Bernt Venås. Her blir det nok spenning frå første stund, og sjakkgjengen oppfordrar publikum til å kome på finalen.
Ein liten hjortsafari rundt bygda i 22-tida måndag avslørte at det er stor aktivitet rundt vegkanten. Vi tok en runde rundt bygda og ein avstikkar til Brusetmarka, og gjorde 5-6 observasjoner av hjort på vegkanten under denne runden.
Festdag for Live Svinvik som vart båren til dåpen under friluftsgudstenesta på Haugligardane 2. påskedag. Litt nysnø som kom natta før var forsvunne som dugg for sol, og folket kosa seg i finvêret.