Vi fann 7235 artiklar i dette arkivet.
Surnadal Pensjonistlag har tradisjonell julemiddag på Nordmøre Folkehøgskule onsdag 4. 12. kl 1300. Det blir underhaldning, ordføraren kjem og orienterer, utdeling av eldrearbeidsprisen, allsong og musikk. – Ikkje minst blir det god julemat! Pris pr. pers kr. 200,- for medlemmer, kr. 250,- for ikkjemedlemar. Påmelding til Grethe tlf. 908 54 752 el. Wenche tlf. 911 75 […]
I helga var det full fart på skøyteisen på Bordholmen. I løpet av uka har det blitt vannet godt slik at isen var grei å leike på i helga. – Søndag var det folksomt på Bordholmen, og både voksne og unge prøvde seg på isen. Og på kjøkkenet ble det laget både kakao, pølser og vafler. «Her lukter det gafler» var det en liten kar som kommenterte.
Uvanleg konsert i «nytt» lokale laurdag 23. november: «Trio no Treble» er, utradisjonelt nok, ein trio med bratsj, cello og kontrabass, basert i Trondheim! Ein trio utan diskant, berre mørke røyster og djup klang. Kan det bli betre? Trioen består av Lars Marius Hølås (bratsj), Eivind Rossbach Heier (cello) og Jostein Bolås Brødreskift (kontrabass).
Svein Sæter lanserer bok på Surnadal kulturhus 20. november: – Dette er den sterkaste historia eg nokon gong har fått skrive, fordi ho viser korleis menneskeverdet kan overvinne bestialiteten. Det seier Svein Sæter om den nye boka si, «Krig. Mor. Bror» (Samlaget). Svein er ein fredens mann, som stadig vender tilbake til den andre verdskrigen i bøkene sine. – I historiene frå krigens mareritt finn eg ei nesten naturstridig tru på humanisme. Eg sluttar aldri å undre meg over kva krefter som finst i mennesket når det verkeleg røyner på, seier Svein.
Nordvik Grendalag inviterte sine sambygdinger på fiskballmiddag sist søndag, og det vart fullklaff med eit 70-tal til bords i Forsamlingshuset på Nordvik denne dagen. Serveringa starta kl 15, og alt etter eit kvarters tid var det få plassar ledig rundt borda, der det til og med var dekt på langbord på scena.
Todalen idrettslag og Todalen Grendalag inviterer alle sine sambygdinger til julebord i Todalen ungdomshus. Det skjer den 23. november kl 20.00, dermed er det klart at dei gjentek suksessen frå i fjor med lokal julebordsfeiring i Ungdomshuset. Julebordet er ope for alle, og vi trur dette blir eit triveleg kalas, med mykje god julemat og god julestemning rundt borda i ungdomshuset, seier leiar i Todalen I.L. som presenter plakaten for Todalen.no.
I føremiddag var det kontroll av promille og førarkort ved Talgøfabrikken på Kvennset. Anders Magne Ormset og Olav Halse frå lensmannskontoret i Surnadal kontrollerte trafikken inn- og ut av bygda. Dei rakk å kontrollere rundt 25 billistar på den stunda dei stod der og vi kan straks røpe at resultatet var positivt. Ingen fekk anmerking verken for promille eller mangel på førarkort – alle todalingar var klåre, fortalte Ormset etter at kontrollen var over.
Den siste veka har det pågått arbeid med ny vasskjelde for Skrøåa vasslag i Ørsalbukta. Dei har tidlegare henta vatn frå bekken som renn forbi Utigarden Ørsal, der flaumvatn/overflatevatn har vore ei utfordring kvalitetsmessig. No er nytt inntak på gang, og da blir vatnet henta frå Krokann, der det har vore grunnboring for nokre år sia og er ei kjelde med prima kvalitet.
Nordvik grendalag inviterer søndag 10. november til balldag i forsamlingshuset. Her blir det servering av ball med tilbehør frå kl. 15:00 og utover denne dagen.
I Sæterlia «snør» det jamnt og trutt om dagen. No gjeld det å nytte kuldegradane for å produsere ein såle med kunstsnø i alpinbakken, slik at ein har noko å slite på utover vinteren. meteorologane lover iallfall ein kald vêrtype til tysdag eller onsdag så her blir det nok snøproduksjon gjennom heile helga. Men ut i neste veke er det fare for mildvêr igjen med søraustleg vindretning ifølge yr.no
På Hageland opna dei «julebutikken» i dag. Alle julevarer er på plass i butikken og opningsdagen blir markert i alle Hageland på denne dagen. – Aldri har vi vel hatt så flott juleutstilling og så mykje julevarer på plass i butikken som vi har i år, seier May Britt Dyrli. Dette markerer vi på opningsdagen, og fram til og med laurdag, med 30 % rabatt på alle julevarer.
Dette er den største satsinga vi har gjort på Kårvatn Fjellutstyr, seier Gudmund Kårvatn, og legg til at det sjølvsagt er unnateke bygginga av låven der butikken held hus. Den nye nettbutikken blir egentlig felles for forbrukarkundar og forhandlarkundar, men ikkje heilt lik for dei to kundegruppene. Det nye systemet vil forenkle arbeidet for dei som jobbar i butikken og vil frigjere meir tid for aktivt salg og betre service for kundane, seier Kårvatn.