Forfattararkiv for

Tirsdag ettermiddag arrangerer Todalen Sanitetsforening sin årlege Løfta tur. Det blir oppstart i Sanitetshuset kl 18, og turen går som før runden om trimposten Løfta og ned om Sissigrenda på yttersida. I fjor la dei inn natursti på turen, og etter suksessen med den, drar dei til att med det i år òg. Etterpå blir […]

Søndagens jubileumsgudsteneste vart ei verdig markering av 150-årsjubileet for Todalen kyrkje. Det var ei utruleg fin gudsteneste, med nærare 140 tilhøyrarar. Det var i høve jubileet besøk av prominente gjestar, som biskop Ingeborg Midttømme, prost Gerd Aarset, samt Erling Barman som tidlegare var sokneprest i Stangvik (1979 -1987), i tillegg til sokneprest Bernt Venås. Det heil starta med inngang i prosesjon, der Bernt Bøe for høvet har skrive ein ny inngangssalme ”Eg er glad”.

Førstkommande søndag blir det 150-års feiring av Todalen Kyrkje. Det heile startar med gudsteneste klokka 11.00 der både biskop og prost vil delta. Etter gudstenesta er det ope hus i Todalen Ungdomshus, der det vil bli servert middag med dessert, kaffe og kaker rett etter gudstenesta.

Laurdag 17. september blir det igjen oppstart av strikkekaffe. Det er Todalen Sanitetsforening som har regien på denne, men dei melder om at ein hverken treng vera medlem i foreninga eller ha med seg handarbeid for å delta. Derfor har dei like så godt døypt den om til å kallast «Fredrikkekaffen» etter grunnleggaren til NKS; Frderikke Marie Qvam. Litt av bakgrunnen for namneendringa er at det ikkje skal væra noko krav om handarbeide eller liknande kunstferdige sysslar, men det skal vera gleda over å treffast og trivast i lag som skal vera drivkrafta.

Då har avtroppande PT-utvalg talt opp sine 140 innkomne stemmer, og kan dermed presentera det nye styret for dei 4 kommande åra:

Valg var det på alle kantar på og rundt Todalen skule i dag. I alle dei tre valglokala rundt om meldte dei om særledes godt oppmøte. Og i det fine haustveret som var hadde like så godt det avtroppande PT-utvalget sett seg ute på plena med sine stemmesedlar. Så her var det nok ikkje mange som ikkje stemte fordi dei ikkje var synlege i allefall.

Onsdag kveld er siste gongen både med sykkeltrim og lagseriestemne. Det blir i den anledning høve til å ta idrettsmerke og sykle rundt bygda i eit og same ærend. Leiar i ski- og friidrettsgruppa, Jorid Haugen Ansnes håper difor så mange som mogleg kjem til sosialt samkvem på Bordholmen frå 18 og utover. I følge […]

I morgon er det som kjendt kommune- og fylkestingvalg. Dette foregår på Todalen skule mellom 12 og 21. Her har vel dei fleste husstandar fått tilsendt både lister og anna informasjon som krevst.

Attåt er det kyrkjevalg; og her er det både sokneråd i Todalen og bispedømmeråd i Møre og romsdal som skal veljast

Todalen.no har hatt stor suksess med koppane som vi fekk laga omlag på denne tida i fjor. Men for å ikkje bli dei som går att i same gamle tralten, har vi fornya oss littegrann. Vi har difor vald å kjøyre på svarte koppar framover. Same storleik og fasong som før, men berre enda finare ifølge dei som til no har sett dei «live».

I går kveld var Surnadal Arbeiderparti på rundreise rundt om i kommunen og delte ut roser til husstandane. Her i Todalen var det blant anna Jorunn Ness og Lilly Gunn Nyheim som for rundt. Då dei kom på Brusethaugen sette dei av litt ekstra tid, til ære for ein av partiets ekte veteranar. Anders Brusethaug har heile 66 års medlemskap i Arbeiderpartiet og er dermed den med lengst medlemskap av alle i Surnadal. Anders har no vorte 86 år, og stemmer fortsatt ved alle valg.

Godt mot, Todalen oppfordrar i ein epost til todalen.no til å bli med på konferanse på Sunndalsøra. Påmelding innan i morgon den 10.

Sunndal kommune har tre spennande bygdemobiliseringsprosjekt. Eit av desse har resultert i Sunndalsporten oppå Grøa

Førstkommande torsdag, den 8. september startar dametrimen oppatt. Den første gongen etter ferien tek dei økta utandørs, med ein tur opp til Todalshaugsetra torsdag . Avgang frå Todalshaugen kl 18.30.
Frå og med 15. sept er det trening i gymsalen på Todalen Skule torsdagar frå 20.00-21.15 melder instruktør Turid Hals Sæther.