Forfattararkiv for

I dag var ikkje veret det aller beste frå morgonen og utover. Dermed nytta Ingrid Kvendset på Trøå anledning til litt åfått-arbeid i fjøset til bror Bjørn. Ho gjekk laus på siste års talle med høgtrykkspylar og godt mot. Eit litt grisete arbeid, men artigt når det skal såpass lite til før ein ser resultatet av nokre timers arbeid. Ein retteleg avløysarjobb meinte ho, og antyda det var difor ho var åleine i fjøset denne dagen.

Dei siste dagane har det vore, etter dagens standard i landbruket, drive med gamaldags foredling av gras på Gjeldnes. Både i Oppistua og Nestua har dei hesja. Ein kjempegau jobb, når det er finver, seier Torill Gjeldnes når todalen.no er oppom for å ta nokre bilder. Men dertill ubehageleg med alle smådyra når det er slik passe fuktigt i lufta og når graset var vått når det vart slege, legg ektemannen Per Åke til. Dei valde å hesje i år for å sleppe å kjøyre i det bratte terrenget med forvogn. Når det er såpass vått som det har vore no i den siste tida, er det så utriveleg når utstyret sklir nedover i terrenget. Men om dei gjer det neste år er dei ikkje så sikre på enda, lell om det er ein rimeleg måte å foredle på.

Start 4H hadde natt til laurdag overnattingstur på Vorpneset. Eit titals ungar/ungdomar rigga seg til med lavvoar og bålbrenning i strandkanten for ein sosial happening. Utkvilt var dei nok kanskje ikkje då dei kom ramlande heimatt på føremiddagen laurdag, men artigt hadde det vore.

I fleire år har målet vore å komme seg på Rambjøra ein tur. Endeleg har dette lykkast, då eg fekk vere med ungfolket på Halset ein snartur i går. Med Anders Halset sine formaningar om å «sjå te å ha dåkkår i væg no, færre de bli tikkje tå torveret oppå der», gjorde reisefølget slik passe gira til å nå toppen. Ingen av oss hadde vore på Rambjøra tidlegare, men dei to innfødte i turfølgjet, Håvard og Randi var nå i det minste kjent oppover mot Vassnebbområdet. Eg og Margaret tok alt dei sa om svingar, lengder og tid for god fisk sidan vi ikkje kunne skryte på oss så gode lokalkunnskaper. No veit vi bedre…

Renoveringa ved Todalen Oppvekstsenter er i gang. Vaktmester Ola Bruset fortel at ein del har vore gjort så langt både inne og ute på området. Det er klargjort for støydemping mellom 1. og 2. etasje, heile sløydsalen som skal omgjerast til klasserom er rydda og det er teke hol på ytterveggen slik at det er klart til brakkene kjem.

Alle 4H-arar inviteres med på utflukt til Vorpneset utanfor Ansneset i morgon kveld. Her blir det satt opp lavvoar, med mulegheit til overnatting for dei som har lyst til det. Start 4H held mat til kvelds og frokost. Her blir det mulegheiter for både bading, grilling og fisking. Oppmøte på Vorpneset frå 18 og utover.

Redaksjonen oppfordrer alle medlem av todalen.no til å sende inn arrangement til vår aktivitetskalender om de har noko de skal arrangere i løpet av sommaren. Send oss enten ein epost, ein sms eller nemn det til ein av oss ved ei høveleg anledning.

…men tykkjer det blir i drøyaste laget med eit i middelhavet? Då er det godt vi har oppfinnsame halsalendingar, som arrangerer sitt eige fergecruise på Halsafjorden. Her blir det ein heilaften med musikk, 8 rettar tapas, god drikke og ikkje minst fin utsikt å by på. Det heile skjer den 25. august, og billettsalget har allerede starta på to plassar i Halsa kommune.

Dette ønskes frå alle hos Kombi Regnskap og Økonomi AS, som er eit av våre medlem her på todalen.no. Som de ser av bilda under sitt dei ikkje i ro heile tida. Vi i redaksjonen takkar for helsinga, og ikkje minst for at de vil vere medlemmer her hos oss!!! Skulle nokon ha behov for hjelp frå dei, finn […]

Som de fleste kanskje har fått med seg blir det også i år arrangert Vandrefestival, denne gong med hovedbase i Rindal. I den anledning har også todalen.no motteke ein liten tilstandsrapport frå eit av arrangementa. Det er frå Svanhild Husby og Silje Ranes som har satt opp barneforestillinga «Vandrehjerte», med premiere ved Igeltjønna fredag 3. august kl 18. Dei har fått med seg ungar frå Surnadal, Rindal og Halsa i oppsettninga, og 1. øving er allerede unnagjort.

Line Marie Kvendset har sendt oss ein epost frå sidelinja under Todalsdagen. Ho skriv: «Martin, Silje, Karoline, Maren, Edel Therese, Van Adrian, Johan, Ingebrigt og Håkon, med god assistanse frå Henrik og Aron, gjorde ein strålande innsats for laget sitt under Todalsdagen. Alle gjekk heldigvis skadefri frå kampane, men fekk anmerkning frå dommar Nils Ove Bruset ved pause at fleire mangla leggskinn

I går kveld møttest topp og bunn i herrenes 5-divisjon avdeling 1 til kamp på Bordholmen. Heimelaget Søya/Todalen fekk da besøk av tabell-leiar Frei, der Frei tok med seg alle tre poenga heimatt. Søya/Todalen ligg dermed fortsatt neders på tabellen med berre 3 poeng, medan topplaget Frei har 23 poeng.