Forfattararkiv for

Laurdag er det klart for strikkekaffe i Sanitetshuset  igjen for dei som kanskje har savna det. Der blir det som vanleg rom for sosialt samvær med litt enkel servering til seier initiativtakar og laurdagens vertinne Åse Ville Redalen. Her er det fleire prosjekt å delta på, om ein ikkje har noko garn på strikke- eller […]

Inge Skogheim ved Surnadal kommune melder no om at alle abonenntar med tilknytning til Bjøråa vassforsyning har fått vatnet tilbake. Han fortel at kommunen har ein viss kontroll over problemet, men at abonnentane lyt vise måtehold med vassforbruket om dette skal vedvare. Teknisk avdeling på kommunen har så langt strupa til utløpsventilen slik at vassmengda som kjem ut, ikkje er på maks. Dei vil etterkvart prøve å gjere fleire tiltak for å få betra dette, fortel Skogheim. Etter den lengre kuldeperioden vi har vore inne i er dette no eit problem fleire plassar i kommunen.

Det er ikkje berre lokalpressa i vårt omland som hadde interesse for NM i randonne på Strengen for 14 dagar sidan. Redaksjonen fekk ein hevendelse frå nettstedet kondis.no om å få bruke nokre av bilda som vi hadde publisert, på vegne av våre «samarbeidspartnere» ute i løypene. Resultatet av det kan du sjå HER på kondis.no eit allsidigt nettstad som publiserer det meste innen trening og aktiv idrett. Sjølvsagt med link heimatt til oss igjen!

Kveldens befalsvakt Tor Arne Moen i Surnadal kommune melder til todalen.no no i kveld at alle dei som har kommunalt vatn i Todalen, desverre er utan tilgang på vatn på noverande tidspunkt. Kommunalteknisk avdeling er ankommet Todalen og arbeider kontinuerlig med saka. Problemet er at det er for lite tilsig av vatn til brønnen ved Bjøråa. Dei arbeider derfor no med å forsøke å lede vatn frå andre vasskjelder inn i brønnen.

Nok et sonerenn er avlyst på grunn av snømangel melder Jo Kvande Hansen til todalen.no. Det er rennet som skulle gå førstkommande søndag på Vang.

I vinter var det oppsatt 5 sonerenn i vår sone. Under er informasjon om når og kvar. Påmelding via sms eller epost inntil 30 minuttfør start.

I morgon tirsdag 22. januar inviterer Kvendset jaktlag til skyting med jaktsimulatoren som var benytta under hjortfesta i helga. Da blir det rå for revansje for dei som skaut laurdag, og fritt fram for alle andre som kunne tenkt seg å prøve. Ungdomshuset kl 18:00.

Som antyda i går, vart det mykje folk som tok turen ut på sjøisen i dag. På det aller meste var det rekna vel 80 stykker mellom 13 og 14 i dag. Her var folk i alle aldrar, med både spark, skøyter og nokon til fots. Både todalingar, surndalingar og kvennalendingar benytta anledninga til ein oppplevelse i dagens fine vinterver med sol og rundt -5 grader. Somme var også ute etter å få seg ein fisk eller to. Og stort sett alle som fiska rundt om såg ut til at dei fikk noko på kroken.

I dag har redaksjonen vore på utflukt, og kan stadfeste at forholda på sjøisen er topp! Det var ikkje så alt for stor trafikk etter forholda, men fleire dristar seg kanskje utpå i morgon, for det er absolutt å anbefale. Georg Mossing var også ute i dag for å gjere frå seg hola til å sette garn i. Og her snakkar vi storarbeid. Han hadde skore opp rundt 25 hol med motorsag som han skulle bruke til å føre garnet under. Slikt tek tid, men skal ein få ferskfisk til middags lyt ein berre rekne med det, humra Georg. Og om nokon vil vere med å sjå på når han skal dra inn garna i morgon, er han å finne innafor Holmen rundt 11 tida i morgon.

Georg Mossing var i dag ein tur ute på sjøisen på isfiske. Han hogg seg gjennom isen utanfor Ansneset, og som ein kan sjå på biletet er isen 19 cm tjukk.
Som oftast er isen enda tjukkare innanfor Holmen så han meinte det skulle være greit å driste seg utpå ein tur eller to i helga.

Det er no kanskje rundt 6-7 år sidan sist Todalsfjorden hadde ein så fin og tjukk sjøis, om underteikna ikkje minnst heilt feil. Og då var det knappsett med folk på isen i helgene, både fiskarar, sparkarar og skøytarar. For å komma seg utpå kan det nok anbefalast å starte i båthavna, men unngå utløpet ved settefiskanlegget, der det er eit parti ope vatn.

Årets hjortfestkomite er snart klare for å be inn til Hjortfesta 2012. Laurdag brakar det laus med utdeling av «Den gyldne patron», servering av viltmat (?) og nytt av året; kåring av årets jaktlag med jaktsimulator. Her skal dei fire jaktlaga i bygda møtast til dyst i presisjonsskyting med bruk av skytesimulator. I den anledning opnar arrangørane dørene til Todalen Ungdomshus onsdag 16. januar kl 18 og utover for prøveskyting. – Dei andre jaktlaga skal i allefall ikkje få skulde på at dei ikkje har fått prøve før dei tapar, seier Lars Sæther i Kvendset jaktlag til todalen.no. Så da er det berre å møte for dei aktuelle jegarane på Halle/Husby, Bruset/Øya/Halset, Talgøy/Kårvatn og Kvendset jaktlag for å ta en runde med prøveskyting.

Skøyteisne på Bordholmen er flittig bruka på helg. Den er i topp stand etter den lengre kuldeperioden vi er inne i, og idrettslaget har no kjøpt inn litt meir køller og puckar. Ikkje så alt for mange var der i går søndag, men ein real ishockeykamp vart det fordi. På kveldstid er det muligheiter for […]

NFF har sammen med Nordmøre og Romsdal fotballkrets kåret IL Søya til årets FAIR PLAY-klubb for 2012, skriv Erik Hals på kretsens eigne nettsider i dag. Begrunnelsen er basert på klubbens deltakelse i kvalitetsklubbprosjektet i 2012. Dette har gjort klubben meir bevisst på det med fairplay og alt som det fører med seg.