Vi fann 1024 artiklar i dette arkivet.
Måndag kveld, 24. februar hadde historielaget sitt årsmøte i klubbhuset til i.l Søya ved Søyabanen. Vi var litt spente på oppmøtet – snøen hadde lava ned til langt utpå dagen – men gav seg heldigvis til kvelds.
Dagens Kløvertur starta i godt ver, litt opplyst og mestå glimt av blå himmel. Men i Todalen er nok veret like skiftande som det var i Granåsen i helga, altså «trønderver»! Det gjekk ikkje lange tida før snøen lava ned, men heldigvis hadde turfølget vit til å snu i tide!
Sanitetsforeninga i Todalen inviterer til Kløvertur måndag 24. februar. Oppmøte ved Hals/Matkroken og turstart derifrå kl. 11:00.
Måndag 17. februar skein sola, gradstokken viste 12 varmegrader og det var lite vind, mest som ein fin vårdag. Vegen var berr og tørr, og det vart ein retteleg fin og triveleg Kløvertur utover Stranda.
Sanitetsforeninga inviterer til Kløvertur måndag 17. februar. Oppmøte ved Hals/Matkroken og start derifrå kl.11:00. Turen blir etter allmannvegen, enten utover Stranda eller oppover bygda.
Måndag 10. februar var sett som dato for Kløverturoppstart. Yr melde om ekstremver, «Elsa» – med høg flo, regn og vind. Men 6 trimmarar trossa veret og stilte framfor Halsbua kl. 11, og tur vart det!
Todalen sanitetsforening inviterer til ein ny sesong med Kløverturar. Det blir oppstart i morgon, måndag 10. februar. Turen blir etter Toåa tursti, altså ein mjuk start etter ein lang juleferie. Oppmøte ved Matkroken/Halsbua, og start derifrå kl. 11.00.
Sjølv om det var fint ver og sol ute, var det godt oppmøte på årets andre strikkekaffe. «Triveleg å treffast,» vart det sagt rundt borda.
Todalen sanitetsforening inviterer til strikkekaffe i Sanitetshuset laurdag 8. februar i tidsrommet kl. 13.00 – 16.00.
Sanitetsforeninga heldt årsmøte i Todalen sanitetshus tysdag 4. februar; eit 20-tals medlemmer var møtt fram til eit aktivt og godt årsmøte. Årsmelding og rekneskap syner at det er stor aktivitet i foreininga.
Todalen sanitetsforening minner om at dei held årsmøte i Sanitetshuset tysdag 4. februar kl. 18.30.
Surnadal heimbygdlag melder at laget skal ha årsmøte 26. februar kl. 19.00.
Dei skriv:
Gode medlemmar og interesserte!
Det er tid for årsmøte i Heimbygdlaget igjen – og vi ønsker oss godt frammøte på Thon Hotel Surnadal 26/2!