Forfattararkiv for

Dette skriv Svorka i dag på ei pressemelding vi har fått. Denne veka opplevde Svorka å få Facebook-kontoen sin misbrukt i eit svindelforsøk. I samband med ein konkurranse dei har hatt på Facebook-sida si den siste tida, så har fleire av deltakarane i konkurransen opplevd at nokon, som gav seg ut for å vere Svorka, har teke kontakt via kommentarfeltet, og ba om at konkurransedeltakarane klikka på ei lenke og registrerte seg, for å ikkje bli kansellert som vinnar.    

Etter eit styremøte i Nordvik grendalag i vår, vart det vedteke å kjøpe inn ein hjartestartar til Nordvik forsamlingshus. Med dei nærmaste hjartestartarane lokalisert på Kvanne og i Todalen, ville grendalaget få tak i ein hjartestartar som var lokalisert i nærområdet sitt, for på den måten å redusere tidsbruken ved akutt hjartestans, der kvart minutt er heilt avgjerande. Å få ein eigen hjertestarter på Nordvik, var difor eit sterkt ønske frå grendalaget.

Det blir vist mykje kvalitetsfilm på Surnadal kino dei neste par vekene. Her er det berre å «meske» seg med godbitar på kinoen! Det blir vist filmar både på dagtid og ettermiddag/kveld dei komande vekene. Her kan vi også sjå filmen BUNADSGERILJAEN, filmen om kvinnene som kjempa(r) for fødetilbodet, mellom anna i Kristiansund. 

Todalen sanitetsforening og «Inn på tunet»-damene Helga og Solveig inviterer til «songkveld» i eldhuset i Oppistua på Øye måndag 23. oktober klokka 19:00. Så er du glad i å synge, og meiner vi skulle songe meir saman? Da er Oppistua på Øye rette staden å ta turen på måndag!

Fredag 20. oktober, mellom klokka 12:00 – 17:00,  inviterer Lia gard til ope bakeriutsal. Da er trauet mellom anna fylt opp med ferske skulebollar, og sjølvsagt mykje anna godt! 

Stangvik Historielag inviterer til omvising i Ulvund kraftstasjon i Ålvundfjorden onsdag 18. oktober klokka18:00. I tillegg til omvising blir det litt om historia til kraftverket, som i si tid vart bygd av Kristiansund Elektrisitetsverk, og stod ferdig til drift i 1939.

Surnadal kommune melder på sine heimesider at det blir vaksinering med både influensa- og koronavaksine i Familiens hus på Surnadal kommunehus onsdag 25. oktober, torsdag 26. oktober og fredag 27. oktober. 

I går fekk Trimgruppa til Surnadal Pensjonistlag ein bra start på innetrimsesongen på Frivilligssentralen på Skei.

Surnadal kommune lhar lagt ut «Plan for idrett og fysisk aktivitet 2023 – 27» til høyring. Høyringsfristen er sett til 3. november. Planen vil etter plana bli behandla i kommunestyret 23. november.

Søndag 15..oktober frå klokka 12:00 – 16:00 inviterer Venner av Skulstuå i Todalen igjen til kaffeslabberas i Skulstuå. Det blir sal av kaffi og gode kaker. Leikekrok for dei minste og kortspelrom for ungdommane. 

Kammerkoret Ensemble Dalí inviterer søndag 15. oktober klokka 16:00 til Rakhmaninovs storslåtte Vesper i Stangvik kyrkje. Verket hadde urpremiere i 1915 og Dalí framførte verket i 2016, da i samband med koret sitt 10-årsjubileum. Dei gler seg til å bringe Vesper til liv att.

I samband med ny kommunestyreperiode, 2023 – 27, skal det veljast to brukarrepresentantar til Råd for personar med funksjonsnedsetting og nye medlemmar til Eldrerådet.