Forfattararkiv for

Leif Arne Ness (51) frå Bjørnrud i Todalen har gjort lidenskapen sin til levebrød. Han har heile livet vore lidenskapeleg interessert i fotball, og dei siste 5 åra er lidenskapen òg levebrødet hans. Leif Arne er nemleg heiltidstilsett materialforvaltar/lagleiar i Eliteserieklubben Sandefjord Fotball. Spelarkarriæra til Leif Arne var over i 2006, no er det dei to sønene Ulrich 24 år (Eidsvoll Turn 2.divisjon) og Fabian 21 år (Grorud i OBOS-ligaen) som er aktive spelarar. Sjølv om Leif Arne ikkje har budd i Todalen på 25 år, så er han todaling «på sin hals», og tek turen «heim» til Nygården så ofte han kan. Han er og heilt klar på at han skal flytte «heim att» når yrkeskarriera er over. 

I eit presseskriv frå Laget Vårsøg opplyser dei at konserten med Åge Aleksandersen og TrondheimSolistane den 7.november i Stangvik kyrkje blir avslyst. Avlysinga er ein direkte konsekvens av dei gjeldande smittevernsrestriksjonane i samband med Koronasituasjonen. 

Torsdag 15.oktober klokka 19:00 – 20:30 inviterer Kyrkja i Surnadal til Fellesskapskveld i 1.etasjen på Kyrkjelydshuset i Surnadal. Det blir enkel servering og sosialt samvær etter at kveldens program er ferdig. 

Førstkomande laurdag opptrer duoen Franklind (Linda og Frank sPoon Botten) på Øra Kafe på Sunndalsøra. Det heile tek til klokka 21:00 og er ferdig slik at alle som tek turen skal ha god tid til å nå siste ferga på Rykkjem. Linda og Frank kjem frå Surnadal. Linda, er som mange av oss kjenner til, «halv» todaling, då mor hennar har vokse opp på Sandstad. 

Det går så det «susar» på Surnadal kino fortida med fulle hus, opplyser Steinar Hasselø frå kinoen. Dette gjer at dei fredag 9.oktober kl. 13:00 og søndag 11.oktober kl. 14:00 har vald å sette opp ekstraframsyningar av den populære animasjonsfilmen Knutsen og Ludviksen – Det store dyret. 

Som vi tidlegare har omtala her på Todalen.no, så blir det frå og med måndag 12.oktober ein forsiktig gjenopning av Hett og Svett. På fredag 9.oktober mellom klokka 17:00 – 17:30 vil personell frå Todalen Idrettslag vere på Hett og Svett for å dele ut nøkkelkort for den som er interessert. 

Torsdag 8.oktober blir sesongens siste Stavgang arrangert. Oppmøte til vanleg tid på Kvendbø og samkøyring derifrå og innover til gapahuken, der det blir parkering. Så blir det tur frå gapahuken og innover Kvenndalen. Retur til gapahuken der det blir servert graut og bakels. 

Frå veke 42 (frå måndag 12.10) får Hett og Svett ei forsiktig gjenopning. Etter ei nøye vurdering, i samråd med kommuneoverlegen, blir det i første omgang gjenopning på måndagar og torsdagar og då berre for medlemmer i Todalen Idrettslag. Grunnen til at det blir «berre» to dagar er krava til reinhald som følgje av Koronasituasjonen. 

Det brenn akkurat no i gamlestua på Talgø Gård. Brannvesen og politi er på staden og prøver å få kontroll på brannen. «Hovudfokuset akkurat no er å hindre brannen i å spreie seg til hovudhuset, noko det ser ut til at vi skal greie», seier lensmann Olav Halse ved Surnadal lensmannskontor.  

Kameraet som vart mista på Bjøråskaret torsdag er no funne. Ein særs glad Svein Brøske takkar finnaren og Todalen.no for hjelpa. 

Leiar i Todalen Idrettslag si Trim- og Allidrettsgruppe, Mari B. Redalen, fortel oss at det frå i dag (1.oktober) er utplassert nye bøker på Idrettslaget sine trimpostar. Så då er trimåret 2020/21 offisielt i gang. Idrettslaget har no 11 trimpostar etter at Ja-benken kom inn som den 11 trimposten i august i år. Så dette blir det første heile trimåret den trimposten er med. 

I strålande haustvêr innleia Stavgangarane i Surnadal Pensjonistlag oktober med stavganging i Todalen og Toåa tursti. Dei har gjennom sesongen mange forskjellege turmål og ikkje minst varierande lengde på turane sine. Sist veke var dei t.d. i Vindøladalen. Dagens tur er av dei kortare turane til stavgangarane, men det la ingen dempar på stemninga. I tillegg til 32 stavgangarar var og ein klasse med 11 elevar frå 1.året på Helse og Oppvekstlina samt 2 lærarar frå Surnadal Vidaregåande skule med på dagens tur.