Forfattararkiv for

I kveld kom regjeringa med nye og strengare smitteverntiltak. Som ein direkte konsekvens av dei nye smitteverntiltaka, har styret i Todalen Idrettslag, bestemt å stenge Hett & Svett. Dette er gjort i tråd med dei nye smitteverntiltaka. Styret har også bestemt at Volleyball på tysdagar, i gymsalen ved Todalen skule, blir avlyst i den perioden dei nasjonale smitteverntiltaka gjeld. Dette fordi det er vanskeleg å overhalde «ein-metersregelen». 

Måndag kveld var det klart for vinterens første «Barn i løypa» i lysløypa på Tjønnmyra. Gradestokken viste så vidt nokre blå grader, og forholda for skigåing var gode i godt preparerte løyper. Det er mange år sidan «Barn i løypa» sosongen har kunne starte så tidleg som dette, så er ein like heldig som i fjor, med resten av sesongen, så blir det mange «Banr i løypa» å sjå fram til, både for små og store. 

Idrettslaget Søya er tildelt Nordmøre og Romsdal Fotballkrets sin «Fair play»-pris for 2021. på 10.000 kroner. Søya fekk også denne prisen i 2012, så det er tydeleg at klubben gjer eit godt arbeid. «Fair play»-prisen blir delt ut til ein klubb i kvar av dei 18 fotballkretsane i Norge kvart år. Vi gratulerer Idrettslaget Søya med den gjeve prisen. 

Måndag 13. desember klokka 18:00 – 19:00 inviterer Barne- og ungdomsgruppa i Todalen Idrettslag til «Barn i løypa» i lysløypa på Tjønnmyra. Barne- og ungdomsgruppa oppfordrar til å ta med ski og å vere med å gå på ski den timen «Barn i løypa» foregår. Det blir på grunn av smitteverntiltaka som gjeld, ikkje servert drikke, så dette må kvar enkelt ta med sjølv. 

Med bakgrunn i dei nye smitteverntiltaka, som vart presentert tysdag, og etter samråd med lokale helsemyndigheiter, har Todalen Idrettslag bestemt at Hett & Svett skal halde ope, nesten som normalt, men med nokre viktige smitteverntiltak. Todalen Idrettslag håper at brukarane følgjer desse smitteverntiltaka, slik at ein slepp å iverksette ytterlegare tiltak eller rett og slett må stengast. 

I ei melding frå Kristian Ranes no i kveld, har vi fått beskjed om at annonserte «Bøy og tøy» torsdag 9. desember må avlysast. Dette er ein direkte konsekvens av koronasituasjonen og dei nye smitteverntiltaka i samband med dette. 

I ei pressemelding no seint på føremiddagen, informerer Todalen Sokneråd om at søndagens julekonsert med «Prosjekt 17»-koret må avlysast. Dette er eit direkte resultat av dei nye nye nasjonale smitteverntiltaka, som regjeringa offentleggjorde i går kveld. Både Todalen Soknerådet og «Prosjekt 17»-koret beklagar avlysinga, men understrekar at det er viktig å følgje nasjonale smitteverntiltak. 

I går kveld kom regjeringa med nye nasjonale smitterverntiltak. Styret i Todalen Idrettslag har med bakgrunn i desse tilpassa drifta si til dei nye smitteverntiltaka. Dette inneber at «Revyfesta» 3.juledag (27. desember) blir avlyst, medan «Romjulsmarsjen» går som normalt!

I år har Svorka bestemt at alle tilsette skal få kr. 1.000 for å gje til eit ikkje-kommersielt føretak. Sylvia Stokke, konsernleder salg og marked i Svorka, valde å gje si gåve til Todalen sanitetsforening. Dette fekk medlemmene i Todalen sanitetsforening vite under deira juleavslutning i Todalen sanitetshuset i går kveld. 

I går kveld vart dei nye nasjonale tiltaka for å få bukt med den aukande koronasmitta presentert. Kommuneoverlege Bjørn Buan i Surnadal kommune har, med bakgrunn i desse, sendt oss ei pressemelding. – Tiltaka samsvarar i stor grad med dei råda eg har gitt lokalt dei siste vekene. Det er trusselen bak omikronvarianten av koronaviruset som begrunnar skjerpinga av tiltaka, sier buan.  

Fjord1 melder at kveldens avgang klokka 23:35 (8.12) frå Rykkjem, og avgangen frå Kvanne i morgon tidleg (9.12) klokka 05:15 blir innstilt. Grunnen til dette er kaiarbeid på fergekaia på Kvanne. Alternativ reiserute er via rute 48, Halsa – Kanestraum. 

Under Sunnmøre Fotballkrets sin Fotballgalla i helga fekk Nikolai Søyset Hopland, son av Anne Søyset frå Heimstad i Hallsetgrenda, tildelt Sparebanken Møres spillerstipend. Nikolai har hatt ein enorm opptur gjennom sesongen 2021, der han resten av laget sikra opprykk til Eliteserien. Nikolai har og vore kaptein på G17-landslaget til Norge og er no flytta opp på G18-landslaget.