Vi fann 2472 artiklar i dette arkivet.
Torsdag 31. mars avvikla Nordvik Båtforening årsmøtet sitt i Nordvik Grendahus. På sakskartet stod vanlege årsmøtesaker som årsmelding, rekneskap og val. Etter at årsmøtesakene var ferdig. vart dei oppdaterte planene til Nordvik Båtforening for ny småbåthamn på Nordvik presentert. Nordvik Båtforening er godt i gang med planlegging og prosjektering av ny småbåthamn på Nordvik, og snart tek salet av båtplassar til.
Måndag spela Søya treningskamp mot Valsøyfjord på Bordholmen stadion. Både Søya og Valsøyfjord speler i 6. divisjon avdeling 1 – Nordmøre og Romsdal denne sesongen, så det blir også to seriekampar mellom laga i løpet av sesongen. Båe laga serieopnar med bortekampar mot Øksendal og Sunndal 2. Det er nokre år sidan siste seniorkamp på Bordholmen stadion, så dette vart ei fin avslutning på påska, i alle fall for alle som likar og er interessert i fotball.
Måndag 18. mars (2. påskedag) klokka 12:00 inviterer Todalen Sokneråd til friluftsgudsteneste i og ved gapahuken på Tjønnmyra. Soknerådet oppfordrar alle til å ta med seg sitteunderlag, slik at det blir betre å sitte. Liturg er Cathrine Grutle og Bernt Bøe er organist.
Fredag 22. april, mellom kl. 12:00 – 17:00, er det ope bakeriutsal hos Lia gard. Her er det mogleg å få kjøpt både grovbakst, knekkebrød og kaffebrød til helga.
Surnadal kommune, ved kulturavdelinga, informerer om at det no snart er tid for å søke om leige av idrettsrom, kulturmidlar og Kleivafondet. Søknadsfrist er den 30. april for både leige av idrettsrom og dei ulike kulturmiddelordningane.
Styret og driftsstyret anlegg i Todalen Idrettslag inviterer til dugnad i Toåa tursti onsdag 20. april klokka 17:30. Det er behov for å gruse opp deler av turstitraseen, som har fått litt medfart i løpet av vinteren, og det må sagast ned nokre tre langs traseen. Så ta med høveleg utstyr til slikt arbeid og bli med på dugnad!
Måndag 18. april (2. påskedag) klokka 15:00, blir det fotballkamp på Bordholmen stadion. Da spelar Søya sitt seniorlag treningskamp mot Valsøyfjord. Det blir open kiosk med sal av kaffe, brus, bakels med graut og sjokolade.
I dag inviterte «skihyttegjengen» i Todalen Idrettslag til den tradisjonelle Kjerringdilten på Skihytta på sørfjellet, og nærare 80 personar nytta det fine påskevêret til å ta seg ein fjelltur. 35 av desse deltok på den tradisjonelle Kjerringdilten, og det er mange år sidan det har vore så mange deltakarar på rennet. Idealtida var i år sett til 20 minutt og 30 sekund, og Isak Drøpping vart nærast med berre 3 sekund frå idelatida. Han fekk dermed eit napp i vandrepokalen, og får ha den fram til neste års Kjerringdilt. Endre Talgø og Terje Nordvik, som var 4 og 5 sekund unna idealtida, fulgte på dei neste plassane.
Har du mista solbrillene dine i Øyalia i dag? Solbrillene er av typen RIGEL, har forstørring og har svart innfatning. Solbrillene vart funne på Skarvøymyra i Øyalia ved 16-tida i dag. Eigaren kan få dei att ved å ta kontakt med John Moe på telefon: 920 48 856.
Tirsdag kveld inviterte styret i Todalen Elvaeigarlag til årsmøte i Todalen Ungdomshus. Formann Asbjørn Karlsen hadde kalt inn til vanlege årsmøtesaker, og var kveldens ordstyrar. Todalen Elvaeigarlag legg attom seg eit svært innhaldsrikt og aktivt fjorår, noko som er litt spesielt med tanke på pandemi og koronasituasjon. Asbjørn kunne fortelle at det hadde vore 23 styremøter gjennomført i 2021, og det fortel vel sitt om eit travelt år for styret.
I dag var det den store påskeeggjakten på Matkroken Todalen, og det engasjerte mange frå den yngre garde. Somme var på plass allereie ved da butikken opna klokka 9, for å starte jakta på dei ti påskeegga, som var gøymt rundt om inne på butikken. Det eine egget inneheldt eit gåvekort på 500,- kroner, så […]
«På tur i Todalen»-appen har i dag to innsjekkingspunkt som er aktive berre i dag, nemleg Gunnøydilten og Kjerringdilten. Desse innsjekkingane gjeld berre i dag, og det er mogleg å registrere seg berre ein gong.