Ukategorisert Arkiv

Tradisjonsrike Jul på Nordmøre er inne i sin 87. årgang, og no er 2022-utgåva av juleheftet i handelen. Årets utgåve har meir enn tjue skribentar på lista. Her vil lesarane møte både gamle og nye skribentar.

Surnadal kunstforening inviterer laurdag 26. november klokka 13:00 til opninga av kunst- og fotoutstillinga «Haustlys» i Galleri Finstuå på Surnadal kulturhus. Tema for utstillinga er kortreist, gjenbruk og redesign. Det er fem utstillarar på utstillinga. Utstillinga «Haustlys» er open i perioden 26. november – 10. desember. 

Torsdag 24. november klokka 11:00 – 12:00, inviterer Surnadal Pensjonistlag til trim i Trudvang. Surnadal Pensjonistlag har fått med seg fysioterapeut Oda til å leie treninga, og å vise fram gode øvingar, som gjer godt for kroppen!

I dag, og ei stund framover, vil det bli gjennomført seismiske undersøkingar av sjøbotnen, for alternativet med undersjøisk tunnel Åsbøen til Ålvundfossen, som no har kome opp som eit alternativ til bru frå Svinvika og tunnel Rakaneset til Ålvundfossen. Det er vegavdelinga i Møre og Romsdal fylkeskommune som har engasjert Sweco for å gjennomføre dei seismiske undersøkingane.

Fredag 25. november, mellom klokka 12:00 – 17:00, inviterer Lia gard til bakeriutsal. Her er det mogleg å få kjøpt både grovbakst og ein godbit til helga. 

Søndag 20. november klokka 15:00 inviterer Todalen historielag til «bokslepp» i Todalen ungdomshus. Her vil historielaget sitt rykande ferske årsskrift for 2022, bli presentert. Det blir også utstilling av måleri måla av Olav Halse, yngre bror av Leif Halse, og sjølvsagt kaffe og bakels!  

Todalen sanitetsforening har, som vi tidlegare har skrive om, søkt om, og fått tildelt totalt 600 000 kroner frå Damstiftelsen til prosjektet «Inn på tunet». Dette er eit tilbod om helgaopphald for pårørande og personar med demens og kognitiv svikt. Todalen sanitetsforening samarbeider med Jostua på Bele og Oppistua på Øye om tilbodet 

Det spørsmålet stiller Surnadal kommune. Bakgrunnen er at kommunen no tek imot personar som er tvinga på flukt frå krig og uro i heimlandet sitt rundt om i verda, men spesielt frå Ukraina.

Vangsgutane for 2022 er forlengst komne på plass i butikkane.   Årets hefte har 36 sider med artige forteljinger med lokalt tilsnitt – handlinga i Vangsgutane har framleis si handling i Todalen og som vanleg finn Steinar, Kåre og Larris på nokre sprell.  I år hanlar den nye delen om romfartseventyret på Vangen. I den nye delen er det Kjartan Helleve som fortel og Ivan Andreassen som teiknar.  

Styret i Surnadal Arbeiderparti inviterer alle medlemmer til medlemsmøte tysdag 22. november i kommunestyresalen på kommunehuset klokka 19:00 – 21:00.

I ei pressemelding frå Svorka no i kveld, blir vi informert om at det natt til tysdag 15. november, altså natt til i morgon, vil Telia-boxen, via fibernettet, bli oppgradert til Android 11. Dersom Telia-boxen din er kopla til straum og internett, vil den motta oppdateringa automatisk. Er den uten straum og internett, vil den motta oppdateringa først når den blir kopla til.

Torsdag 17. november klokka 11:00 – 12:00, inviterer Surnadal Pensjonistlag til trim i Trudvang. Surnadal Pensjonistlag har fått med seg fysioterapeut Oda til å leie treninga, og å vise fram gode øvingar, som gjer godt for kroppen!