Vi fann 3545 artiklar i dette arkivet.
Kulturlandskapsprisen 2022 går altså til Gudmund og Cathrine Kårvatn. Det opplyser Statsforvaltaren i Møre og Romsdal i ei pressemelding i dag. Det er Statsforvalteren i Møre og Romsdal som deler ut prisen. – Garden deira, Kårvatn, ligg øvst i Todalen i Surnadal kommune. Garden vert driven imponerande allsidig og godt for folk og fe, seier Statsforvaltaren i pressemeldinga.
Natacha Nordvik på Liatun, undrar på om nokon har sett katten hennar Simba? Simba er ein kastrert hankatt på eitt og eit halvt år, og han er glad i folk. Han har vore borte sidan torsdag sist veke, og Natacha lurer på om nokon har sett han?
Martinus Ørsund, hos Statnett SF, melder at det frå i dag og fram til fredag, vil bli bli detonert eksplosivar i ei høgspentmast langs Auralinja, frå Todalen litt opp i lia mot fjellet. Grunnen til dette er naudsynt arbeid som følge av eit havari. Statnett SF beklagar den korte fristen for varslinga, men havariet gjer det naudsynt å få gjort dette arbeidet med ein gong.
Fredag 2. september, mellom klokka 12:00 – 17:00, inviterer Lia gard til bakeriutsal. Her er det mogleg å få kjøpt både grovbakst og ein godbit til helgakaffen.
Årets utgåve av Søyacupen vart arrangert på Søyabanen i dag. 64 lag med spelarar, både jenter og gutar, i alderen 6 – 12 år, spela totalt 97 kampar. Ramma rundt Søyacupen var som vanleg bra, og når dei i tillegg fekk med seg vêrgudane på laget, så vart det ein vellykka cup med gode fotballminner for både spelarar og publikum.
Tysdag 30. august inviterer Fjellgruppa i Surnadal Pensjonistlag til tur til Ansnessetra i Todalen. Oppmøte på parkeringsplassen nedanfor Øye kyrkje klokka 10:00, for samkøyring til Todalen og Todalsøra. På Todalsøra vil kjentmann Gudmund møte opp og vise kor det kan parkerast.
I morgon, laurdag 27. august, arrangerer I.L. Søya Søyacupen 2022. på Søyabanen. Cupen er for jenter og gutar i alderen 6 – 12 år, og det er i år påmeldt 64 lag, og skal spelast totalt 97 kampar i løpet av dagen. Cupen tek til klokka 9:30 og er ferdig eit godt stykke ut på ettermiddagen.
I går hadde Stavganggruppa i Surnadal Pensjonistlag stavgangtur til Holtasetra i Søyådalen. 27 stavgangarar deltok på turen, og det vart ein skikkeleg finvêrstur med 25 grader.
Laurdag 27. august, frå klokka 17:00, inviterer Bekkerhagen Vel til BH-festivalen 2022. Frå klokka 17:00 vil grillane vere klare for grilling, så da kan du ta med deg grillmat og bli med på årets BH-festival!
I går tok Fjellgruppa i Surnadal Pensjonistlag turen til Amtlihammaren og Bæverfjordsetra. – Turen til det forjettede fjell gikk oppover skikkeleg bratte bakka forbi ein kraftstasjon som sikkert held straumprisene nede for utbyggaren, kan Kristian Ranes i Fjellgruppa fortelje.
Surnadal kommune opplyser at siste frist for å bestille husnummerskilt via kommunen snart går ut. Alle 4884 adresseverdige bygg i kommunen har no fått tildelt husnummer (adressenummer). Huseigar eller festar har ansvaret for å sette opp nummerskilt på eige(ne) bygg eller eigedom. Mange har bestilt våre skilt med svarte tal på kvit refleksbakgrunn, godkjent av Kartverket.
Frå september vil det bli arrangert ICDP-foreldregruppe for foreldre som har elevar på ungdomstrinnet i Surnadal kommune. Da inviterer helsesjukepleiar Heidi E. Fiske og ungdomskontakt Kristin Børset til foreldregruppe, som går over 8 veker på torsdagar. Oppstart blir torsdag 22. eller 29. september, men dette vil bli kunngjort til deltakarane i god tid før oppstart.