Vi fann 3665 artiklar i dette arkivet.
Vi har no fått informasjon om at både Netcom- og Telenornettet er ute av drift i Todalen og ellers store deler av kommunen for tida. Feilen er nylig meldt til operatøren, og dei har ikkje klart for seg kvar feilen ligg, enda. Derfor kan dei heller ikkje anslå rettetid så langt. Fleire antenner skal være ute av drift i vårt område.
Så langt har Todalen komme godt unna det med stormen Ivar som herjer ute. Eit par trefall på Nordvik på ettermiddag/kveldinga er det einaste som har vore observert så langt. Vegen var sperra like før Sollia boligfelt då ei stor gran velta over vegen. Dette vart rydda umiddelbart. Rett etter 60 sona på Nordvik ligg treet i bildet over.
I ei pressemelding frå Svorka skriv dagleg leiar Hallvard Fjellvær no til redaksjonen at stormen Ivar allerede har gjort seg bemerka på Nordmøre.
På grunn av sterk vind og mykje regne har PT-utvalet beslutta å utsette julegrantenninga ved Matkroken L. Hals til måndag kveld. Vêrmeldinga for måndag ettermiddag er mykje betre, og da blir det julegrantenning med det same programmet kl 17.30.
November har vore i julemessenes teikn her på Nordmøre. Det starta med Rindalsmessa, og sia har det gått slag i slag. Laurdag var det Todalen sin tur, og julestemninga var til å ta og føle på i ungdomshuset. Dei fleste utstillarane var nok frå Todalen, men det var også innslag utabygds frå. Utstillarane hadde litt tå kvart å by på; både mat, strikkavarer, tresløyd og anna pynt.
Eirik Haukenes, som er videojournalist i NRK, var fleire dagar i Todalen for å lage stoff rundt hendingane dei første dagane etter raset i sommar da bygda var isolert frå omverda. Denne veka har han eit par dagar treft att mange av dei han interju den gongen, for å høyre korleis livet har arta seg […]
Førstkommende søndag arrangerer PT-utvalget i Todalen julegrantenning på Matkroken. Her blir det besøk av nisse og servering av gløgg, kaffe og pepperkaker.
Søndag 1. desember arrangerer Todalen Sanitetsforening førjulskaffe i Sanitetshuset. Der blir det denne gongen eit litt annleis arrangement, sidan det er røykvarslarens dag denne dagen, noko Omsorgsberedskapsgruppa i saniteten ønsker å markere. Derfor kjem utrykningsleiarane i Todalen Brannkorps til Sanitetshuset for å demonstrer sløkking av brann kl 14.
Les heile saka
I morgon kjem NRK Møre og Romsdal til Todalen igjen. Det er Eirik Haukås som var utegåande reporter under dei verste dagane etter raset, som no kjem tilbake for å lage ein reportasje om tilstandane no når det har normalisert seg igjen.
118 dagar er no gått sidan raset tok med seg vegen uti stranda 31. juli. Og aller helst skulle det nok ha vore ei lita markering på det i dag, sidan alle spor etter oppryddingsarbeidet i dag vart fjerna. Betongrenoveringsmannskapet reiste i går, medan A Gjerde i dag sette opp rekkverket på nedsida av vegen.
Det vart ein skikkeleg mimredag for dei som møtte opp på Todalen historielags lansering av årsskrift for 2013 og utstilling av gamle flyfoto. Årsskriftet fanga stor interesse, og det vart både blaing og lesing og reinaste «husker du»-stemning for dei 50-tals frammøtte. Vidare utover dagen vart det sett fokus på utstillinga av gamle flyfoto, der det var kome inn eit stort antall og med variasjon i både alder og motiv.
Laurdag ettermiddag var det i allfall ikkje finvêret som lokka folk til Nistua på Nordvik på julemesse. Initiativtakar Torunn Nordvik var sjølvsagt skuffa over at det skulle bli regn og blåst, og berre 3-4 varmegrader når ho arrangerte julemesse. Men folket strøyma på og det var skikkeleg messestemning både i Mastua, stabburet og på utestandane.