Vi fann 3615 artiklar i dette arkivet.
I nabokomunen Rindal diskuteres det heftig fylkestilhørighet, medan Sunadal jobbar med kommunesamanslåing og dei mange alternativa som no ligg klar. Nettstaden kart.gulesider.no derimot, har no gjort eit forsøk på å flytte Todalsøra inn mot Surnadal sentrum. Ved søk på Todalsøra er pila fint plassert på Eidet, men kan naturleg nok berolige både surnadalingar og todalingar om ein zoomar langt nok ut så ligg plassen også rett.
Mange kom nok borti asfaltarbeidet som pågjekk frå krysset på Haugen og inn til Todalen i dag. Ikkje så mykje asfalt vart tildelt på denne strekninga, men betre enn det var forbi brua på «Hauahyllå» vart det nok. «Knekken» på brua har dei siste åra vorte meir og meir framtredande. Derfor vart vegen fresa ned rundt og over brua for at dette no skulle bli best muleg.
Som dei fleste sikker har fått med seg har fleire av dei lokale politiske partia teikna medlemsskap her hos todalen.no. Dei har som fleire funne ut at dette mediet når ut til mange i nærmiljøet, også utover det Todalen famnar. I anledning valget på måndag er det derfor fleire som sender oss lesarinnlegg på lik linje med Trollheimsporten, Driva og Tk, som vi naturleg vis også da publiserer.
I går var det ordføraren i Surnadal som engasjerte seg i flyktningekatastrofa i Hellas. I dag treffer vi to driftige damer i full sving i AMFI Surnadal for samme sak. Katrine Sæter og Ida Bochon har saman med Rita Botterli og Synnøve Pilskog oppretta gruppa «Dråpen i havet- Surnadal og omegn», basert på den ofisielle Facebookgruppa «Dråpen i havet» som bidrar til å bedre levevilkåra til dei mange tusen flyktningane i Sør-Europa som no er på flukt.
Bakgrunnen for engasjementet er at dei ønska å kunne bidra til dei som verkeleg har behov i ein vanskeleg situasjon fortel Katrine Sæter
I dag signerte ordførar Lilly Gunn Nyheim avtalen mellom Surnadal kommune og Nasjonalforeningen for folkehelsen som har som mål å gjera Surnadal til ein enda betre og tryggare stad å bo for dei som lever med demens, og deira pårørande. Surnadal er den andre kommunen i Møre og Romsdal som inngår denne avtalen.
Ordførar Lilly Gunn Nyheim har som mange andre teke innover seg dei mange skjebnane og uverkelege hendingane i dei siste vekers medieoppslag om den store flyktningestrumen frå Syria. Ho ønsker å bidra i krisa og gir derfor ei heil dagslønn til flyktningane via Redd Barna.
For august kan vi gratulere Ingri Bruset som vinnar av månadens bilete med «Fjord og fjell» med rundt 40 stemmer. Biletet hadde eit tydeleg forsprang på bileta rett bak, Dobbelportrett og Slåttonn under regnbogen, med rundt 30 stemmer kvar.
Strengen er eit av dei tolv Stikk UT-måla i Surnadal kommune. Sjølv om Strengen er berre 890 meter over havet, så er det ein fantastisk flott og variert utsikt frå toppen. Her ser ein ut mot havet, flystripa på Kvernberget, fjordar, dalar, bygder, vatn, Kvennaferjå og ikkje minst fjell i alle retningar. Det er mange […]
Den siste (og for 2015 sin del, første?) sommarmånaden er ferdig, og vi skal finne ut hvilken fotograf som blir kåra til vinnar av månadens bilete for august.
Spreiing av framande skadelege planteartar utgjer ein stor trussel mot naturmangfaldet, t.d. kan naturleg stadeigne artar bli utkonkurrert og utrydda. I Norge utgjer dette ein økologisk risiko som har gjort at miljøforvaltninga for tida har temaet høgt oppe på dagsorden. Surnadal kommune har i 2015 fått kr. 30 000 frå fylkesmannen i Møre og Romsdal til kartlegging av kjempespringfrø, parkslirekne og rynkerose.
I ettermiddag var det kanskje fleire i Todalen som la merke til den store motor yatchen som kom inn fjorden og sette anker utanfor Heggerneset. Kva oppdrag yatchen Karima har her i vårt farvann er uviss, men ein heilt ok livbåt vart senka og kom inn i småbåthavna for å sjå seg om. Turen gjekk også over fjorden mot Toalsøra for ein inspeksjon mens todalen.no var i småbåthamna. Båten seglar under Bermuda sitt flagg, og har heimehavn i Hamilton, og er i følge Marine Traffic på veg til Brofjorden i Sverige frå Kristiansund Havn.
Surnadal Røde Kors og Surnadal kommune inviterer til overnatting ute på Ranessetra laurdag 5. til søndag 6. september i forbindelse med Norsk Friluftsliv sitt arrangement #nattinaturen. Dette er eit lågterskeltilbud, og store og små er velkommen til ei natt ute i naturen. Desverre er ikkje vêrmeldingane dei aller beste for helga, men initiativtakarane Margit Møllenhus, Janne Husby og Gretha Varvik i Surnadal Røde Kors lovar at arrangementet går uansett.