Todalen Sokneråd Arkiv

I morgon er det som kjendt kommune- og fylkestingvalg. Dette foregår på Todalen skule mellom 12 og 21. Her har vel dei fleste husstandar fått tilsendt både lister og anna informasjon som krevst.

Attåt er det kyrkjevalg; og her er det både sokneråd i Todalen og bispedømmeråd i Møre og romsdal som skal veljast

Søndag 11. september kl 20 er det premiere for jubileumsskriftet for Todalen kyrkje som i år fyller 150 år. Dette er eit samarbeidprosjekt mellom Todalen historielag og Todalen sokneråd, og det er Bernt Bøe som har ført det i pennen. I tilleg har eit utvalg frå Todalen historielag vore med og samla bilder og informasjon til jubileumsskriftet. Søndag kveld vil altså redaksjonkomiteen saman med forfattaren presentere det ferdig resultatet for dei som er interessert, fortel Maren Ansnes som er ledar i Todalen historielag.

Søndag var det gudsteneste i Todalen kyrkje. Det var over 60 tilhørarar, og sokneprest Bernt Venås heldt ei god preken over tema «falske profetar», samtidig som han nytta høvet til å minnast dei som var råka av tragedien den 22. juli. Spesielt var det nok at det var solosong i kyrkja, da Svein Bjørkøy song to folketonar frå galleriet. Han var i Todalen i høve søskenbarntreffet for Moeslekta i Hemne/Todalen, og denne «forsterkninga» løfta nok salmesongen i kyrkja denne dagen.

Søndag 14. august er det høgmesse med sokneprest Bernt Venås i Todalen kyrkje. Den startar kl 11, og det er offer til Todalen misjonsforening. Da vår eigen organist er på ferie er det organisten i Rindal Daniel Bjørlo som vikarierer. Det blir nok ei litt spesiell gudsteneste denne dagen, for Moe-slekta i Hemne (-og Todalen) har søskjenbarntreff i Todalen i helga. Mellom anna kjem tre av Bjørkøybrørne; Harald, Gunnar og Svein. Dette vil nok prege salmesongen i kyrkja denne dagen, og Svein Bjørkøy vil opptre med solosong under høgmessa. Dette er det verdt å få med seg.

Det var mange som måndag ettermiddag og kveld nytta høvet til å stikke innom kyrkja for å tenne lys til minne om omkomne og skadde frå den grufulle handlinga i regjeringskvartalet i Oslo og på AUF-leiren på Utøya. Soknerådet hadde opna dørene i kyrkja for dei som ville tenne lys eller ha nokon å snakke […]

Mange som har passert Todalen Kyrkje i den seinare tida, har mest truleg lagt merke til at det har vorte nye utelys ved kyrkjegardsmuren. Dei gamle har vorte erstatta av nye i ein litt anna fargenyanse enn dei som var der før. Før ein vart vant til dei, minna det mesta om skinet frå eit bål i seine sommarkveldar. Men med det sure veret som har vore i de siste vekene så vart det reint så stemningfsfullt med preg av haust…

Tone Søyset Døving var overvelda over at Todalen kyrkje i kveld var fullsatt, med bortimot 180 frammøtte som hadde teke turen for å oververa konserten med henne og Trygve Brøske. Det vart ei reise med Tone som artist gjennom 30 år, med den spede start som 6 åring i nettopp Todalen Kyrkje og fram til notidas opptredenar av ymse slag. Ho har ved tidlegare høve hatt mange opptredenar i nettopp Todalen Kyrkje, men i kveld med sin aller første solokonsert.

Tone Søyset Døving og Trygve Brøske er todalsaktuell til helga. Søndag 10. juli kl 19.30 held dei konsert i Todalen kykje. Konserten er ein del av jubileet til  Todalskyrkja som i år feirar 150-årsjubileum gjennom heile året. Sist søndag kveld hadde vi Tone på tråden frå Hakadal, der ho bor, og ho kunne fortelje at ho gler seg til […]

Søndag var det høgmesse med sokneprest Bernt Venås  i Todalen kyrkje. Etter gudstenesta var det dåpshandling, der lille Fredrik fikk sitt namn. Her er familien Myrvang/Sogge  avbilda sammen med sokneprest Bernt Venås under dåpshanlinga. Vi i Todalen.no gratulerer!

Allsongkvelden – Tonar under kyrkjetårn samla mange tilhørarar i Todalen kyrkje pinsaftan. Etter at pinsehøgtida var ringt inn starta allsongkvelden med innmarsj med Todalskoret og Åsskard kyrkjekor med Grautmarsjen. Dirigent og kromtapp for heile arrangementet, Bernt Bøe, ønska velkomen og leia allongkvelden på ein framifrå måte og krydra programmet med gode historier. Det var nok mange gode songarar tilstades i kyrkja denne kvelden, for aldri har nok allsongen ljoma så fint i kyrkja som denne kvelden.

Vi minner om allsongkvelden i Todalen kyrkje i kveld kl 18.00. I spissen for eit variert program står Knut Iversen, Todalskoret og Åsskard Kyrkjekor. Kor og musikkensemble vil  også urframføre «Folketonemesse» – laga av organist Bernt G. Bøe. Dette verket er laga over folketonar fra Todalen i høve kyrkjejubileet. Allsongkvelden er ein del av både […]

Med “Tonar under kyrkjetårn” på pinseaftan (laurdag 11. juni) markerer 150-årsjubilanten Todalen kyrkje dei unike songtradisjonane i bygda. Forsamling, solistar, kor og instrument framfører songperler frå kyrkje, heim og skule. Solist Knut Iversen, Todalskoret, Åsskard Kyrkjekor og ei musikkgruppe går saman med forsamlinga i eit program der allsongen sikkert vil “stå i taket” på ekte todalsvis. I gruppa spelar Runa Tunheim fele, Peder Hønsvik trekkspel, Gro Løfaldli bass og organist Bernt G. Bøe tasteinstrument.