Vi fann 468 artiklar i dette arkivet.
Laurdag 10. mai klokka 11:00 inviterer Todalen Sokneråd til konfirmasjonsgudsteneste i Todalen kyrkje. Det er prost Vidar W. Rygh som er liturg under konfirmasjonsgudstenesta, medan Amund Valde er organist.
Programmet for feiringa av nasjonaldagen i Todalen er klart. Programmet tek til med det tradisjonelle biltoget rundt bygda, og blir avslutta med nasjonaldagsgudsteneste i Todalen kyrkje. I staden for tale for dagen, blir det i år historisk bildekavalkade frå Todalen historielag sitt historiske arkiv ved Ingri Bruset og Ragnhild A. Moe. Tema vil sjølvsagt vere nasjonaldagsfeiringa i Todalen opp gjennom åra og nyare tid.
Måndag kveld arrangerte soknerådet dugnad for å rydde opp etter på kyrkjegarden før det skal arrangerast konfirmasjon. Samtidig var det ei gruppe som sørga for ein kjapp runde med rundvask for å få ut vinteren frå kyrkja. Som vanleg var det bra deltaking på dugnaden, og sjølvsagt var det dugnadskaffe til heile gjengen etterpå.
Todalen sokneråd inviterer til dugnad på kyrkjegarden komande måndag 28. april frå kl 18:00 og utover. Da skal vi pynte opp både utvendig og innvendig, fortel Borghild Talgø som er leiar i Todalen sokneråd. Derfor oppfordrar ho til å ta med høveleg utstyr både til hagearbeid og reinhald inne.
Friluftsgudstenesta har lang tradisjon i Todalen – først i mange år på Haugligardane og no i fleire år på Tjønnmyran, slik som i dag. Og tradisjonen er mesta like lang med finvêr på 2. påskedag, sjølv om det kom 4-5 småe regndropar da folk var på tur oppover bakkane til Tjønnmyran. Men dei vart aldri meir enn nokre få. Eit femtital fann vegen til friluftsgudstenesta på Tjønnmyran i dag, og det vart ein triveleg dag, sjølv om sola glimra med sitt fråvær – det var god temperatur og omtrent ikkje vind, og da blir det da bra.
Todalen Sokneråd inviterer til friluftsgudsteneste på Tjønnmyrann 21. april (2. påskedag) klokka 12:00. – Vi håper både på mye folk og godt vær, seier sokneprest Pål Arne Winsnes.
Takk for støtta til årets «fasteaksjon»! Takk også til alle konfirmantane, foreldra og frivillige som gjorde ein stor innsats for årets «fasteaksjon» tysdag 8. april, seier Gro Hauge Venås, på vegne av Kirkens Nødhjelp og årets «fasteaksjon»
Tysdag 8. april frå klokka 17:00 vil årets konfirmantar og representantar frå Todalen Sokneråd besøke alle husstandane i Todalen, for å samle inn pengar til årets utgåve av Kirkens Nødhjelp sin «fasteaksjon».
Sokneprest Pål Arne Winsnes ga uhemma skryt for salmesongen under dagens gudsteneste i Todalen kyrkje. Eit førtitals tilhøyrarar stod for samlesongen saman med ei gruppa frå P17-koret som deltok som forsongarar. Dagens gudsteneste vart TV-overført via YouTube, og dersom du vil sjå gudstenesta kan du berre gå til linken her.
Todalen Sokneråd inviterer søndag 30. mars klokka 11:00 til gudsteneste i Todalen kyrkje. Her blir det mykje song og musikk, og det skal syngast kjende og kjære songar, seier sokneprest Pål Arne Winsnes.
Kirkens Nødhjelp sin årlege «fasteaksjon» står for døra, og med ei verd som er urolegare enn på lenge, med krigar, konfliktar, politiske spenningar og klimaendringar, så er vår hjelp gjennom å bidra til innsamlingsaksjonen viktigare enn nokon gong!
Onsdag kveld inviterte P17-koret til salmekonsert i Todalen kyrkje, med eit rikt program med salmar av alle slag – «songperler året rundt» hadde dei kalla det i prorammet. Denne kvelden var koret forsterka med Turid Røen Kroknes og med Tove Elin Strand på fløyte. Her fikk vi ein fin variasjon av alle slags salmar frå salmeboka og altså framført som korsang.