Todalen Idrettslag Arkiv

Måndag kveld var det sesongslutt for fotballen på Bordholmen. Da sette også Karen Johanne og Svein Talgø bort bakelsjarnet for i år. Dei har heile sesongen vore trufaste i kiosken i klubbhuset, med salg av bakels og kaffe. Og bakelspressa har gått jamt og trutt, for dei har skaffa idrettslaget over tjue tusen i kassa i løpet av sesongen.

I kveld var det siste kamp i seriespelet for G12 laget Søya/Todalen. Dei møtte eit ungt Surnadalslag som dei bokstavleg tala overkjøyrde.

Gutane spela godt i begge omgangane, tildels med direkte ballkontroll både i forsvar og angrep.

I dag var knøttar og miniar samla på Bordholmen for å markere endt fotballsesong. Trenarar og oppmenn hadde bede dei på pizza, brus og sjokoladekake, utan sportslege forpliktelsar. Og i det fine haustveret var det dekt på langbord ute i den anledning.

Då det er litt lite ungar i desse årsklassane, har det vort til at nokre av dei yngste har fått vore med å hjelpe G10 laget på nokre av kampane.

Torsdag 23. september kl 20 startar «Dametrimmen» ny sesong i gymsalen på Todalen Oppvekssenter. Dei ønsker gamle og nye trimmarar velkomne til trim, fortel Turid Hals Sæther til Todalen.no.

I ettermiddag var det 5. divisjonskamp på Bordholmen mellom KvassUlvungen 2/SøyaTodalen og Halsa/Valsøyfjord. Resultatet blei 1-1 etter høyt press av heimelaget i sluttminutta, men sjansane gav ikkje uttelling.

I kveld var det ein spanande fotballkamp på Bordholmen. Vårt eige G10 lag møtte eit av G10 laga på Kvanne.

I eit forykande tempo frå start til slutt vart det scora heile 22 mål på under timen. Og for første gong denne serien, vart seieren til todalingane, med 13-9.

Søndag kl 17 er det storkamp på Bordholmen. Da møter Søya/Todalen G14 laget til Molde 1, og dei treng ein solid heiagjeng og supportarstøtte! Fotballgruppa reklamerer med både bakels og kaffe samt utlån av tråbilar føre og under kampen.   Velkomne!

Dei ivrigaste starta allereie i halv 9-tida, men det var eit jamnt tilsig vidare utover formiddagen. Leiar i trimgruppa Jostein Bruset kunne beretta om god deltagelse, betre enn i fjor. 130 personar frå 1 år og oppover tok søndag turen frå Bordholmen, over Vardane til målgang på Leikvoll. Og det med vergudane på si side vart det så og seie blå himmel etter at skodda til slutt letta.

Torsdag kveld var første omgang med lagseriestemne etter sommarferien. Det var bra oppmøte, og Frode grønmyr har sendt oss bilde fra aktivitetane på Bordholmen denne kvelden. Han vil at fleire skal nytte høvet til å ta idrettsmerket no, da dei skal ha lagseriestemne kvar torsdag fram til 23. september. Han skriv: «Torsdag starta lagseriestemne opp att etter sommarferien. Denne kvelden var det til saman 13 som deltok. Det blir fire gongar til i år, og siste gong blir 23. september. Da blir det utdeling av premie til alle som har vore med.

Dei siste dagane har alle i Todalen, Nordvik og Kvanne fått flygeblad med invitasjon til Trollheimsmarsjen i postkassen. Ein liknande PR-aksjon har foregått på Ålvundeidet og Sunndalsøra. På flygebladet finn ein all informasjon om marsjen og opplegget rundt arrangementet. Det er i år tredje gongen at marsjen blir arrangert, og søndag 29. august frå kl 8.30 til 11 går starten frå Bordholmen i Todalen.

Bli med på Trollheimsmarsjen 2010, oppfordrar arrangementskomiteen frå I.L. Ulvungen og Todalen I.L. Trollheimsmarsjen er nemleg eit samarbeidspprosjekt mellom dei to idrettslaga. Det er i år tredje gongen at marsjen blir arrangert, og søndag 29. august er datoen som du må merke deg. Marsjen startar på Bordholmen og går over Vardan til målgang på Leikvoll på Ålvundeidet.

Søya/Todalen/Kvass/Ulvungen tapte 2-6 i bortekampen mot Sunndal mandag kveld, etter at det stod 0-2 ved pause. Laget hadde mange stor målsjangser i kampen, men fikk ikke uttelling. Men Sunndaler et godt lag, og seieren var velfortjent. Scoringer ved Bjørnar Melkild og Bersven Røkkum. Laget var meget skuffet over det store tapet, men de gjorde en brukbar kamp spillemessig.