Todalen Idrettslag Arkiv

Det er Elinor Bolme – leiar i Todalen Idrettslag – som oppfordrar til å bli med ut i frisk luft.  – Vi trefte Elinor saman med elghunden Sako i Toåa tursti søndag ettermiddag. Elinor reklamerer med kjempefine forhold for trim både i Toåa tursti og i lysløypa på Tjønnmyran. 

I dag vart det siste toppisdekket på skeiseisen på det nye nærmiljøanlegget til Todalen Idrettslag på Bordholmen stadion lagt, og Finn Ranes i dugnadsgjengen for skeiseis kan melde om fine forhold for å gå på skeiser, så da er det berre å ta fram skeisene og ta i bruk det nye nærmiljøanlegget. 

Året 2025 er friluftslivets år, og målet er å inspirere alle til å vere meir ute i naturen, oppdage og ta vare på nærnaturen, invitere andre til å bli med ut på tur og prøve ut nye friluftsaktivitetar.

På årets siste dag, inviterte Todalen Idrettslag i samarbeid med Todalen bøgdalag til familiefyrverkeri på Bordholmen stadion, slik at dei yngste kunne få vere med på fyrverkeri utan å måtte vere oppe til midnatt. 

Da kan leiar i Todalen Idrettslag, Elinor Bolme og driftsleiar i Toåa tursti, Ivar Bolme melde at turstien er nybrøytt og klar for fottur! – Her er det fine forhold for ein fottur, og det er heller ikkje noko problem å ta med seg barnevogn på turen, seier Elinor. 

Todalen IL fekk skikkeleg respons på den tradisjonelle Romjulsmarsjen som var arrangert 3. juledag.  Rundt 170 deltakarar mønstra på arrangementet og tok turen rundt bygda i dag.  Trimgruppa lokka med serveing av gløgg og saft på meldestasjonen på Bruset og jammen vart det trøkk der ja, med rundt 170 og reknar vi med 9 hundar og ein hest som også var med så tangerer vi rekorden som vart sett for nokre år sia. 

Trimgruppa har i travle føremiddagstimer førebudd romjulsmarsjen med servering av gløgg og saft på meldestasjonen på Bruset.  Vi tok runden rundt bygda for å sjekke føret, og kan melde at det stort sett er bart og godt føre rundt heile bygda.  Nokre få flekkar med litt is, med det kan god brukast vanleg joggesko eller fjellsko på turen rundt bygda.  Har du piggsko og stavar så er du iallfall heilt trygg. 

Tysdag 31. desember (nyttårsaftan) klokka 18:00 inviterer Todalen Idrettslag, i samarbeid med Todalen bøgdalag til familiefyrverkeri på Bordholmen stadion. 

I dag er det siste trekning for TILs julekalender for 2024 – dermed er det finale for ein stor suksess som har gått over 24 dagar i regi av Todalen Idrettslas trimgruppe.  Tilsaman har det vore selt julekalendrar for over 40.000, som gjev eit solid overskot til trimgruppas drift i 2025.  T.I.L.’s julekalenderkomite rettar ein stor takk både til dei som har bidrege med nærare 100 kortreiste gevinstar og til dei som har kjøpt over 400 julekalendrar. 

På julekalenderlotteriets nest siste dag er det og 5 gevinstar som skal bli forena med nye eigarar.  Første gevinst ut i dag er ein flott ullgenser som var trekt ut til Unni Talgø, som bur i Tafjord. 

Dei 86 trimmarane som hadde registrert seg i Trimgruppa i Todalen Idrettslag sin turappen «På tur i Todalen» hadde frå 1. oktober 2023 til og med 30. september 2024 totalt 5836 innsjekkingar på dei 27 turmåla. Toåa tursti tronar også i år på topp, med Løfta og Tjønnmyra på dei to neste plassane. 6 personar har i løpet av trimåret besøkt alle dei 27 turmåla. Dei seks er Jørgen Mæhle, Bjørn Kvendset, Jorid Haugen Ansnes, Mari Brusethaug Redalen, Kristian H. Gjeldnes og Marit Haugen.

Da snøen hadde lagt seg om fredagskvelden 20.desember, og lysten på skitur var større enn lysten til å fullføre julevasken, sjekket jeg løyper.net med kryssede fingre. Og der lyste det imot meg fra skjermen:» preparert akkurat nå». Opplyst, nypreparert skiløype 8 minutter unna huset, -1 grader og stjerneklar himmel. At det går an å være så heldig.