Todalen historielag Arkiv

Denne gongen har historielaget funne fram eit gammelt bilde med tre av søstrene Ansnes frå Øya. Bildet er mest sansynleg teke etter at eldstemann Gudmund døyde i 1919, og før yngstebror Gunnar kom til verda i 1921.

Maren Ansnes hadde sagt frå seg attval etter 6 år som leiar i historielaget. John Moe var det nye leiarkandidaten til valkomiteen, og han vart einstemmig valt. Han rykte dermed opp fra sin posisjon som nestleiar i laget. Dordi Jorunn Halle vart ny stremedlem for 2 år, og Sven Olav Svinvik fekk fornya tilliten med 2 år. Med seg i styret har dei Svein Åge Saksen og Wenche Kvendset, som ikkje var på val.

Førstkomande søndag (23.2.) arrangerer Todalen historielag årsmøte i ungdomshuset. Årsmøtet startar kl 14, og etterpå blir det vanleg medlemsmøte. Svein Åge Saksen viser filmen «Todalsfjorden minutt for minutt» med lokalkjente kommentatorar.  Her kan du laste ned plakaten med fullstendig sakliste, og sjølvsqagt er det traktering.

Ragnar Halle har for ei lita stund sidan sendt oss eit blide får 1956, teke på trappa på hovedhuset på Kårvatn. Bildet viser 16 medlemmer i Todalen sanitetsforening og fire ungar som også fekk være med på fotoseansen. Ragnar er ein av dei og står ytst til venstre, i lag med Dordi Jorunn Halle, Maren […]

Todalen.no er så heldig å få lov til å få dele bilder frå Todalen historielag sitt rikhaldige bildearkiv. Erfaringsmessig veit vi at gamle bilder fenger, derfor set vi stor pris på at historielaget vil stå som bidragsytar med jamne mellomrom framover.

Todalen historielag kallar inn til årsmøte for 2014 søndag 23. februar kl 14.00. Det skjer i Todalen ungdomshus, og med vanlege årsmøtesaker. Saklista kjem seinare. Etter årsmøtet blir det vanleg medlemsmøte, der programmet mellom anna er visning av Svein Åge Saksens video «Todalsfjorden – minutt for minutt med lokalkjente kommentatorar».

Det vart ein skikkeleg mimredag for dei som møtte opp på Todalen historielags lansering av årsskrift for 2013 og utstilling av gamle flyfoto. Årsskriftet fanga stor interesse, og det vart både blaing og lesing og reinaste «husker du»-stemning for dei 50-tals frammøtte. Vidare utover dagen vart det sett fokus på utstillinga av gamle flyfoto, der det var kome inn eit stort antall og med variasjon i både alder og motiv.

Vi har tidlegare skrive om utstilling av flyfoto og presentasjon av årsskriftet for 2013. Det skjer laurdag ettermiddag (23.11) i Todalen ungdomshus, med start på programmet kl 14.00. Torsdag kveld var det innsamling av flyfoto, og alt etter en times tid var det kome inn mange gamle flyfoto. Det var foto heilt attende til først på 1900-talet og framover til nyare tid. Det skal bli arti å sjå når dei kjem på veggen i Ungdomshuset.

Neste laurdag har Todalen historielag premiere for sitt nye årsskrift. Det skjer i Todalen ungdomshus på ettermiddagen, og da blir det også utstillinga av gamle flyfoto i Ungdomshuset som eit av underhaldningsinnslaga og samtaleemna denne dagen. Historielaget minner derfor på om at folk må finne fram gamle flyfoto som kan stillast ut denne dagen.

Laurdag 23. november arrangerer Todalen historielag «bokbad», med lansering av det nye årsskrift for 2013. Dette arrangementet var opprinneleg planlagt til påfølgande søndag, men da er nok mange opptekne med cupfinalen på Ullevål, og den er det nok ikkje lurt å kollidere med, seier John Moe i Todalen historielag. Men laurdag 23. november, utpå ettermiddagen, blir det altså arrangement i Todalen ungdomshus. John fortel vidare at eit av programinnslaga denne dagen blir temautstilling av flyfoto. Historielaget oppfordrar derfor alle som har flyfoto som kan stillast ut til å ta kontakt.

I månadsskiftet april/mai er det 60 år sia Tysklandsbrigaden var avvikla, og soldatane kunne dimmitere og reise heim. Tysklandsbrigaden vart oppretta i 1947 og Norge deltok saman med ein brigade i arbeidet med å gjenreise Tyskland og skape det om til eit fredeleg medlem av verdssamfunnet. Tilsaman var 12 brigadar i Tyskland på tjeneste fram til 1953, da dei kunne reise heim.

Søndag ettermiddag hadde Todalen historielag sitt årsmøte i Todalen ungdomshus. Det var seks saker på dagsorden, og alle gikk raskt unna uten debatt. Årsmeldinga gjenspeila at det er stor aktivitet i laget, og rekneskapen viste at aktivitetane hadde gjeve eit greit overskot som sikrar økonomien i laget. Medlemskontingenten i laget blir uendra , med kr 200 for enekltmedlemar og kr 250 for familiemedlemskap. Laget har i dag 166 medlemar, som er mest bygdefolk og utflytta todalingar.