Todalen Elveeigarlag Arkiv

Torsdag ettermiddag nappa det skikkeleg på kroken til Ivar Borthen. Han stod med markstonga i Engjavadhølen, litt nedafor hengjebrua da storlaksen hogg på. Da den kom på vekta, slo den ut på rundt 8,5 kg og er dermed årets første storlaks som er komen på land. Det er no fin vassføring i Toåa, og det har utover veka kome fleire laksefiskarar som har etablert seg i elva. Vassføringa dei siste dagane har vore heilt oppe på 23 m3/sek, men etter som regnvêret har dabba av er elva no på sakte retur og i skrivande stund er det 17 m3/sek og riktig fin fiskarelv.

I ettermiddag var årets første laks i Toåa eit faktum, da Frank Hauggrind landa eit flott eksemplar på 4 kg. Det skjedde på Halsetøran, på høgde med Bordholmen stadion, og fangsten vart gjort på sluk. Laksefisket i Toåa starta natt til søndag, og den første laksen lot vente på seg til måndag før han slo til mot sluken til Frank. foto: Helene Ness/Todalshytta

I natt blir laksen «fredlaus» i Toåa. I Toåa og fleire av dei små lakseelvane på Nordmøre er starten litt seinare enn i Surna og Driva, som starta alt 1. juni. Fisketida i Toåa har dei siste åra vore frå og med 15. juni, til om med 15. august. Dette gjeld både laksefisket og aurefisket, fortel ledar i Todalen elveeigarlag Ola Bruset til Todalen.no. Bruset er spent på korleis årets sesong blir etter det bedrøvelege resultatet for fjorårets sesong.

Den siste tida har det gått føre seg utsetting av smolt og yngel i Toåa. I førre veke vart det sett ut 4100 2årig smolt og 729 1-årig smolt ved Steinutgarden. All fisk som blir sett ut er feittfinnekløft. Nytt av året er at det meste av fiske er ”pittag-merka”. Det er ei elektronsik merking som legg grunnlaget for datainnsamling for å dokumentere sporing.

Statistikken for elvefisket etter laks vart frigjeve i fredag. Den viser på landsbasis ein nedgang på 19% i 2013, samanlikna med 2012. Dersom ein samenliknar 2013 med gjennomsnittsfantane sida 2000 er nedgangen på 18% i 2013. Nedgangen er gjeldande for det meste av landet, med unntak av nokre elvar på sørlandet og nokre i Troms. For Toåa er det også stor nedgang, og dersom ein samanliknar laksefisket i 2013 mot 2012 er nedgangen på heile 63,5%. Her må ein imidlertid ta omsyn til at fiskesesongen var nedkorta med 2 veker i starten av sesongen og 2 veker i slutten av sesongen. Fisket i Toåa starta 15. juni og slutta 15. august, mot tidlegare 1. juni til 31. august!

Elvaeigarlaget prøva ein ny runde med stamfiske søndag ettmiddag og kveld. Utstyrt med garn som rakk over heile elva vart det fiska nedover frå Nedre Oddøyhølen og heilt nedom Inneråhølen. Bortsett frå nokr små aurear var stamfisket resultatlaust, seier ledar i Todalen elveeigarlag Ola Bruset. I kveld er vassføringa ved Storfossen målestasjon knappe 1,0 m3/sek, […]

Det er no rekordlåg vassføring i Toåa. Det skaper store problem for Todalen elveeigarlag som no skulle sikra stamlaks til Rossåa Settefisk til ein ny generasjon smolt som skal være klar for utsetting i 2015. Vi sett no vårt håp til at regnvêret som er meldt i neste veke kan gje såpass vassføring at vi kan få laksen opp i elva, slik at vi får fanga inn nødvendig utval i stamlaks for å sikre genene, seier ledar i Todalen elveeigarlag Ola Bruset til Todalen.no

Torsdag 15. august kl 24 er det definitivt slutt på laksefisket i Toåa for i år. Denne sesongen går nok over i historia som ein av dei svakaste sesongane på lenge. Kor mange laks og sjøaure som er resultatet av årets sesong veit vi ikkje enno, men det har vore lite fisk og lita vassforing i elva. Det gir til saman ein dårleg kombinasjon. Etter regnveret det siste døgnet er vassføringa i skrivende stund i overkant stor. Men etter som nedbørmenga no tek av, vil nok vassføringa dei neste dagane bli perfekt for det tradisjonelle aurefisket i august.

Miljødirektoratets regulering av laksefisket i elvane på Nordmøre får ingen store konsekvendsar for fisket i Toåa. Fisketida blir ikkje endrat – det kan fiskes laks og sjøaure i Toåa fram til den ordinære sesongslutt som er 15. august. Frå laurdag 27. juli innføres gjenutsetting av hofisk av laks. Dette blir gjort for å sikre oppgangen av gytefisk i Toåa og fleire av dei andre Nordmørselvane.

Urovekkende lave fangster fører til at Miljødirektoratet gjør en ekstraordinær regulering av fisket etter laks i sjø og vassdrag i fire regioner, blant annet elvene på Nordmøre. Sannsynligvis blir det for lite gytefisk i flere vassdrag i de aktuelle områdene til høsten.

Snøsmeltinga var på det næraste ferdig før laksefisket starta i Toåa. Lite nedbør og dermed lita vassføring i Toåa har nok bremsa laksefisket så langt i sesongen. Det siste døgnet har det regna jamt, og vassføringa er no på veg opp. Vêrmeldinga på yr.no spår meir regn utover veka, og det er no håp om at laksen finn vegen opp i Toåa, seier ledar i Todalen elveeigarlag Ola Bruset.

Campingsesongen er over oss for fullt, men belegget på Todalen Camping ved Bordholmen har nok ikkje nådd toppen enno. Terje Nordvik på Matkroken fortel om grei nok trafikk av turistar, men ikkje noko rekordår. No er det tildels for vått til å campe på graset på øversida av klubbhuset, så fleire har måtta stått på asfalten (på tennisbana).