Skulstuå i Todalen Arkiv

“Ut på tur med Skjærpeplogen” er ein film Eistein Bæverfjord har laga. Onsdag 9.april kl. 19.00 er det framsyning av filmen i Skulstuå. Filmen har gått sin «seiergang» rundt om kring på Nordmøre, og no får du altså høve til å sjå filmen i Skulstua komande onsdag.

Laurdag 29.mars samlast vi til familiedag i Skulstuå, med ope hus frå kl 12.00 til 15.00. Alle er velkomne til ein triveleg prat er over ein kopp kaffe og gode kaker i Skulstuå.

Måndag 24.mars kl 19.00 ynskjer venner av Skulstuå alle velkomne til konsert i Skulstuå.
Dei er helding og frå igjen besøk av musikaren og entertainaren Odd Arne Halaas frå Eide. Han turnerer rundt i mange land med ulike musikalske samansetningar og sjangre, samtidig som han også turnerer rundt om her i landet.

Skulstuå kan brukast til så mangt, og laurdag var den for eit par-tre timar gjort om til klebutikk. Det var Torill Gjeldnes som hadde invitert Isabel Fureli frå rindalsskogen til såkalla homeparty for barneklekjeda Pomp de Lux. Det hadde vore bra besøk utover dagen, og begge vertinnene var godt nøgd med responsen.

Inviterer til internasjonal kafe og feiring av Lussi Langnatt i Skulstuå fredag den 13.desember kl 18.00. Nedafor har vi lagt ut nokre bilder frå siste familedag i oktober, då ni ulike nasjonalitetar var samla til sosialt samvær. Alle er velkomne!

Ragna og Line Kvendset ønsker alle velkommne til familiedag kommande laurdag i Skulstuå.Her blir det høve til å få ein prat over ein kopp kaffe, og noko godt å bite i. Teiknekroken og uteleik for ungane. Åpent frå 12-15.

Vi var på plass da vallokalet i Todalen skule opna kl 12, for å ta i mot stemmesetlar for stortingsvalget. presis kl 12 slapp den første veljaren inn i stemmelokalet, og sidan gikk det slag i slag. I Skulstuå (Gammelskulen) var dei også klare til å sette i gang soknerådsvalet, og begge vallokala held ope til måndag kveld kl 20.00.

Søndag var det nytt uformelt familietreff i Skulstuåa, der dei feira første søndag i advent med gløgg og mykje gode julekaker. med smått og stort var det eit 20-tals frammøtte, som kosa seg i kvarandres selskap gjennom eit par føremiddagstimar denne kalde desemberdagen. Gradestokken viste nemleg rundt 10 grader, og minimumstemperaturen i natt var heilt nede i -12 grader.

Frå Line Kvendset har vi fått e-post og bilde frå familietreffet som var i Skulstuå sist laurdag. Ho skriv: «Sender nokre bilder frå ein triveleg formiddag i Skulstuå. Vi var 20 personar tilsaman og hadde absolutt eit vellykka arrangement. Det blir nytt familietreff igjen søndag 2. desember kl. 11 Da blir det juleverkstad for dei som vil være med på det, eller du kan berre kom innom på ein kopp gløgg. Vi garanterer god julestemning!» Nedafor finn du bilder frå familietreffet.

Nokre foreldre har teke initiativ til å arrangere ein uformell familiedag i Skulstuå laurdag 10.november kl 11. Her blir anledning å få ein kopp kaffe, saft, noko godt å bite i og ein triveleg prat. Ungane kan gjerne ta med uteklær om dei har lyst til å leike ute. For dei som har lyst til å […]

Det var ikkje ein einaste ledig stol i Skulstuå fredag kveld, da Venner av Skulstua inviterte til underhaldningskveld med song og slåttespel. Stiftinga Skulstuå i Todalen har no formelt overteke «Gammelskulin» og det er laget Venner av Skulstuå som skal drifte eigedomen. Dei har alt starta vedlikehaldsarbeidet av bygget, men dei vil samtidig ta i bruk huset til ymse slags arrangement og som møtelokale.

Formalitetane med overtakinga av Gammelskulen er no i orden og stiftinga «Skulstuå i Todalen» har no formelt overteke eigedomen, fortel Ragna Kvendset. Foreninga «Venner av Skulstuå» skal no ta seg av drift og vedlikehald av huset. Foreninga er alt kome igang med dugnadsarbeidet, og i første omgang er det målararbeid som er gjort, og sørveggen er så godt som ferdigmåla. Vidare er det måling av austre veggen, samt oppussing og måling av vindauga som står på programmet. Muligens blir det også skifte av kledning på vêrveggen i løpet av hausten, seier Ragna Kvendset til Todalen.no