Forside Arkiv

Todalen historielag gjentar suksessen med historievandring på Todalsøra. I fjor samla laget mykje folk på vandringa etter Geilvegen ovafor Todaløra og til Hyllnesbukta. Denne gongen startar dei også innmed Inneråa, men går utover til Todalsøra etter allmannvegen og rundar av på dampskipskaia ved Pakkhuset. I år som i fjor er det Anders Halset som er guide, og han avslørte i fjor ein enorm kunnskap om «gamle» Todalsøra, fortel Maren Ansnes som er ledar i historielaget.

Vi har fått e-postmelding frå Martinus Torvik i Eldremiddagen. Han skriv: Eldremiddagen i veka som kjem vert flytta til tysdag, altså til den 31. mai. Vi et først svinesteik i Sanitetshuset for deretter å forflytta oss til Elvestad der kaffen skal nytast. Denne samankomsten blir den siste før sommarferien, så vel møtt til eit triveleg lag.

Trimgruppa og Ski- og friidrettsgruppa arrangerer felles basar også i år. Der har dei satt datoen til førstkommande søndag den 29. mai. Staden er i Ungdomshuset og det heile startar klokka 15. Der vil bli utdeling av fjorårets trimpostar, deltaking på barn i løypa og utdeling av skimerket alt dette for 2010.

Laurdag er det tysk pubkveld på Pakkhuset. Terje Nordvik er vert for tyske gjestar, og inviterer bygdefolket til å ta del i selskapet. Puben opnar kl 21.00

Som vanleg er Vårsøghelga knytta til pinsa, og i år startar programmet torsdag 9. juni og held det gåande til søndag 12. juni. Dei kan by på eit rikt og variert program gjennom desse dagane. Høgdepunktet er sjølvsagt Kleivakvelden som er fredag 10. juni kl 19.00. På programmet denne kvelden står Odd Nordstoga og sjølvsagt får vi høyra Henning Sommero og John Pål Inderberg. Men dei byr også på mykje anna – som utdeling av Kleivaprisen.

I går kveld arrangerte IL Søya ei miniturnering i anledning UEFA’s breddefotballdag. Idrettslaget inviterte dei nerliggande klubbane Todalen IL og Kvass/Ulvungen IL for å markerer dette. Veret var nok ikkje det aller beste, men det forhindra ikkje at ballen rulla på fleire banar samtidig.

I den nyoppretta stillinga som områdeforvalter for Trollheimen og Innerdalen landskapsvernområde har det meldt seg 15 søkere. Stillinga skal ha kontorsted i Rindal og av kjente søkere finner vi rindalingen Frøydis Bolme Hamnes, Per Åke Jakobsson, Todalen, Hege Sæther Moen, Øvre Surnadal og Bjarne Lund, Jerpstad – i dag jordbrukssjef i Rindal, skriv Trollheimsporten.no, der […]

For to veker sia spurte vi om du visste namn på toppane du ser på biletet? No har vi laga ein montasje der namnet er kome på. Den kan du laste ned som PDF-fil ved å klikke her!  Klarte du alle?

Søya/Todalen G10 spela i kveld sin andre seriekamp i kveld. Dei møtte då Bøfjord/Bæverfjord på Banksletta til det som utvikla seg til eit målkalas. Gutane på Søya/Todalen vann til slutt heile 28-0.

Snøkanten kryp oppover, og snart er det klart til å dra til fjells på sko i stanen for ski. Jon Bruset har måndag teke turen opp Knuken, over Legdan og ned igjen gjennom Kvennsetdalen. Som venta trefte han nok på litt snø innafor Knuken, men ikkje meir enn at det var farbart mellom berrflekkane over Legdan og ned til Kvennsetsetrene. Resten av turen gikk ned til Rossåbrua på barmark.

Kjell Øyen fikk fulltreff og «Hole in one» på Surnadal Golfpark søndag 22. mai, og presterte hole-in-one. Det er bare fire spillere som har klart dette siden banen ble åpnet i 2006. Det var på hull 2 at Kjell Øyen slo ut med sitt 8-er jern, og ballen havnet altså i direkte i hullet fra 126 meters hold. Vi gratulerer med den fantastiske prestasjonen, som er alle golfspilleres drøm.

I år er det 50 år siden Halsetraset i 1961. I den forbindelse etterlyser Reidar Østvik bilete frå raset. Om nokon har bilete frå hendinga, ta kontakt.