Forside Arkiv

Vi har mykje kultur å gle oss til i januar også. Kulturhuset kjem i desse dagar med ny kulturkalender for januar, og der er det eit variert program utover månaden. Det første torsdagstreffet i år blir alt førstkomande torsdag på Kammerset, der det er start kl 13.30. Søndag 8. januar kjem Trondheimsolistene på Surnadalstur, og […]

Måndag kom Skog-Kompaniet igang med oppsamling av tømmer for MøreTre. Det kom på avveie mykje tømmer under stormen «Dagmar», og det ligg i fjøresteinane innover frå Ansnessaga og heilt til Kvennsetøran. I første omgang har dei starta i Hyllnesbukta, der det ligg mykje tømmer langt oppover fjøra. Ein ser tydeleg at det har vore skikkeleg stormflo og sterk vind, for noko av tømmeret er hiva langt inn på land, seier Palmer Vikan ved MøreTre.

Surnadal kommune har også i år i sammarbeid med Svorka og Hamos sendt ut ein aktivitetsplanleggar for 2012. Dette er ein årskalender med mykje nyttig informasjon å finne for å komme seg igjennon det nye året med. Både søknadsfristar til barnehage og vidaregåande skule ligg inne, når målaravlesinga til Svorka skal innsendast, dekkskiftefristar og dei offisielle flaggdagane for å nemne noko. Attast i kalenderen ligg det med svarslippar til stømavlesinga for dei som brukar å sende inn dette pr post.

Med strømmangel og uvær på 2. juledag måtte soknerådet utsette juletrefesta til 1. nyttårsdag. Det vart nok litt seint, for da hadde nok mange tilreisande teke på heimveg, og bygdefolket starta førebuingane på kvardagen igjen. Eit trettitals frammøtte fekk imidlertid ei triveleg stund i skulen denne ettermiddagen. Der var det program med historisk tilbakeblikk til 60- og 70 åra. Terje Nordvik fortalte om juletrefestene på den tida, og viste ein lysbileteserie fra gamle dager.

Frå May Elisabeth og Tor Holten har vi fått tilsendt nokre fine rakettbilder. Desse er tekne under oppskytinga på Kvendsetgarden ved midnatt. Det var mange flotte rakettar å sjå i år også, og nokon la kanskje merke til oppskytinga rundt 00.15 frå Bordholmen. Der var det handelsmann Terje Nordvik som smellte i gang L. Hals […]

Vi vil med dette ynskje alle eit godt nytt år, og håpar alle får eit fint 2012. Todalen.no har i alle fall som mål å fortsatt vere ei interessant og oppdatert nettside for Todalen. Her finn du også ei lita oversikt over kva for saker som var dei mest leste i løpet av 2011 her på Todalen.no.

Da er vi ved vegs ende av 2011, og i ettermiddag vart årets aller siste gudstjeneste held i Todalen Kyrkje. Dagens prest var Vidar Rygh, nytilsatt i Ranes og Øye sokn, og han fekk med det det ærefulle oppdraget i å døypa tvillingane Lisa og Jakop Ranes.

Nyttårsgudsteneste i Todalen kyrkje på nyttårsaften kl 16.00. Under julegudstenesta vart det opplyst om anna tidspunkt, men det er kl 16.00 som er rett. Det er soknepresten i Surnadal, Vidar Rygh, som held gudstenesta, og det blir dåpshandling. Ofring til Todalen Sanitetsforening. Soknerådet ønskjer alle velkome til årets siste gudsteneste!

Todalen.no får stadig nye medlemar. 6 juledag hadde dei to styrmedlemane stand i Kaffekroken på ICA Todalen, der dei serverte kaffe og sjokoladekake til folk som stakk innom. I løpet av eit par føremiddagstimar var det eit 50-tal innom og fikk seg isskrape og pennar med «Todalen.no»-reklame på, og det resulterte i eit 10-tal nye medlemar. Det personlege medlemskapet er eit støttemedlemskap, og det er ligg ikkje nokon risk for å få noko tillitsverv i det. Altså er det ei rein støtte til drift av nettstaden Todalen.no!

Det ble alt anna enn juleferie for Palmer Vikan og Ivar Bolme ved MøreTres anlegg på Ansnessaga. Dei har drive med verdisikring og opprydding etter Dagmars herjinger gjennom heile romjula. Konsernsjef Terje Talgø seier til Todalen.no at det nok er gjort skade for fleire millionar etter stormens herjingar ved anlegget på Ansnessaga. Det mest synlege er nok at det meste av taket på materialtørka og ferdigvarelagret er borte, men det er mange skadar på bygningane og mellom 250 og 300 kubikk med tømmer er spredd innover heile stranda til Kvennsetøran.

I dag er det lurt å gjera unna handelen på ICA Todalen før kl 13, for da stengjer butikken for å gjera unna vareteljinga ved årets slutt. Butikken er altså open fra kl 10 til 13. Laurdag (nyttårsaften) er butikken open igjen, og da er opningstida frp kl 9 til 13. Søndag (1. nyttårsdag) er […]

Talgø har forlengst fått si eiga bedriftsside på facebook, der Talgø-konsernets selskap vil leggje ut nyheiter og tips til dei som er interessert i interiør, hus og heim. Her vil du også kunne gjera eit og anna kuppet, så det vil lønne seg å følgje med i det som skjer. Du finn sida på www.facebook.com/talgosiden eller […]