Forside Arkiv

Den kalde vinteren har vore hard for hjorten. Sjølv om det har vore moderat med snø, så har kalde vinteren gjort at hjorten har bruka mykje energi på å halde varmen og overleve. No er det retteleg vårknipe for hjorten, og den trekkjer inn på innmarka for finne litt mat. Sjølv om det enkelte plassar er berrmark, så bremsar nattekulda vårløysinga og nygrøa let vente på seg.

Som dei fleste kanskje har fått med seg, har arbeidet med å få i stand snøkanonane i Surnadal Alpinanlegg no komme i gang. Rangnhild Ansnes Moe ved Pipelife har i dag sendt oss eit bilde frå det første rørlasset med PE-trykkrøyr frå Pipelife Norge avdeling Stathelle som no er ankomme Surnadal Alpinsenter.

Det meldes frå kulturhusleiar Karstein Telstad, om stor aktivitet på Surnadal Kulturhus utover året. Under er eit tilsendt oppsett med mange bra arrangement verd å merke seg. Dei vil etterkvart også komme i aktivitetskalenderen vår. Her er både konsertar med nasjonale namn, kunstutstillingar og konsertar med lokale aktørar.

Endeleg kan vi vise fram dei nye premiane for månadens bilde i 2013. Denne gongen har vi gått til investering av termosar, med vår eigen logo på så klart! Vi har også no kjøpt litt meir enn dei 12 vi treng for premiering, slik at dei som kanskje sleit ut sin under påskeutfarten ønsker å kjøpe seg ein ny.

På Hageland og Byggmakker i Surnadal er det travle tider. Elektrikere, rørleggere og andre handverkere spring rundt kvarandre for å bli ferdig i tide, samtidig som dei tilsette på Hageland, Flisekompaniet og Byggmakker jobbar med utstillingar og vareplassering. Men det er system i kaoset, og det er lett å sjå at for kvar dag som går blir det mer og mer orden på sakene. Torsdag 18. april skal alt være klart for å slå opp døra og sleppe inn forventningsfulle kundar.

Påska er over og kvardagen er snart ein realitet. Noken av oss har feriert utanfor todalsfjella i år, medan andre har forflytta seg frå solfylte rabbar og kvite toppar litt rundt omkring i kommunen. I den anledning kom underteikna til å gå seg på Sp’s Stortingsrepresentant Jenny Klinge under påskesola i Vindøladalen i påskeveka. Og som kjent blir alle litt i overkant på hels, når ein møtes på «bortebane». Og praten gjekk varmt for seg, for her var nokre av emna kommunesamanslåing og samferdsel i Møre og Romsdal.

Vêrgudane var rause 2. påskedag da Todalen sokneråd og Todalen Idrettslag i fellesskap arrangerte friluftgudsteneste på Haugligardane. Den siste veka har vêrmeldingane bydd på alle variasjonar frå snøvêr med kuldegrader og sol frå blå himmel. Dei heldt sågar arrangøren i ånde heilt ut i morgontimane, men så glimta dei til med både solgøtt og god temperatur. Ein riktig fin dag vart det på Haugligardane, og det viste eit 80-tals publikum å sette pris på. Ein ekstra spiss på dagen sette nok dåpsbarnet, da lille Ella Kristin Lyyli Virtanen Bruset vart båret til dåpen av sine foreldre Anna Bruset og Mattias Virtanen.

Dersom interessa for traktorar er til stades, er alder inga hindring. Det er Ola Polden eit bevis på, for i ein alder av 88 er han bokstaveleg talt ”ein av gutta” på Surnadal Vidaregåandes linje for industriteknologi i vinter. Anders Ansnes Karlsen, som er klassestyrar for klasse VG2, fortel at det er god kjemi mellom elevane og ”seniorrådgjevaren”. Både Ola og elevane gler seg på praksisdagane, når han er på plass og kan ause av sin kunnskap om traktorar. For Ola har jobba eit langt liv på Eiksentret, og har har kompetanse som er gull verdt på gamle traktorar. Det Ola ikkje veit om Ferguson 35, det er det heller ikkje mange andre som veit.

Friluftsgudsteneste på Haugligardane 2. påskedag er tradisjon i Todalen. Todalen sokneråd er arrangør, saman med Trimgruppa i Todalen I.L. Under årets gudsteneste skal det og være dåpshandling. Det er lille Ella Kristin Lyyli Virtanen Bruset som blir båret til dåpen under gudstenesta på Haugligardane. Friluftsgudstenesta starta kl 12.00, og det er takkoffer til kyrkjelydsarbeidet.

Bibliotekets filial i Todalen oppvekstsenter har sin første opningsdag etter påske torsdag 11. april, melder bibliotekar Karen Johanne Talgø.  da er biblioteket ope frå kl 18:00 til kl 20:00.

I natt går vi over til sammartid. Er du i tvil om kva veg klokka skal stilles så er det ein gylden regel at den både vår og haust skal stilles mot sommaren. Om våren stilles den altså fram ein time og om hausten stilles det bakover ein time. Dette fører til at neste døgn […]

Denne påska har det vore fint å drive isfiske på Todalsfjorden. Sjøisen er nok solid enno, og i det fine været er det rart at det ikkje er fleire som har latt seg friste til å ta turen ut på isen for å prøve seg på litt isfiske. Langfredag var det nokre isfiskarar ute på fjorden, som såg ut til å kose seg i det fine vêret.