Forside Arkiv

Sommarvarmen dei siste dagane har sett skikkeleg fart på blomstringa i Svinviks arboret. No er det verkeleg verdt å ta turen for å sjå og oppleve hagen som meir eller mindre står i full blomstring. Nytt tilbod i arboretet er salg av rhododendron og stauder. Dei satsar no på salg av staudar som marknadsføres under varemerket «Plantearven», der det inngår staudar som ein har funne i norske hagar langt attende i tid og som har ei fin historie å berette, fortel Katarina Wedelsbäck som er fagansvarleg i arboretet.

Eit besøk frå det Kongelege Slott krev sine førebringar. I den anledning ønsker Surnadal kommune så klart å oppfordre alle som har anledning til å komme til folkefesten på Skei neste torsdag, om å gjere det. Dette innebærer naturlegvis litt administrering, som til dømes avstenging av vegen rundt Kulturhuset, minska parkeringmulegheiter og frakting av skuleelevar og dei eldste barnehageborna i heile kommunen.

Tysdag 27. mai bers det til Aure for Surnadal pensjonistforening. Det blir start frå Surnadal kulturhus kl 9.00 med buss til Hendset, der ein går om bord i ferja til Arasvika. På turen blir det besøk i Aure kyrkje, Aure kjøpesenter og kaffe pause der. Etter ein stavgangtur går turen vidare via Kyrksæterøra.

Stangvik historielag inviterer medlemar og andre på tur til Sagelva vasskraftsenter i Brøstdalen i nærleiken av Bjorli. Det skjer torsdag 29. mai, og turen går til Romsdalen med buss frå Rykkjem. Turen går via Sunndalsøra og vidare over Visdalsheia til Åndalsnes og oppover Romsdalen til Brøstdalen.

Indre Nordmøre forsvarsforening informerer om aktivitetar som skjer den næraste tida. 24. mai skal dei ha open dag på krigsminnesamlinga på Åsen. Det skjer i tidsrommet 12.00 – 15.30, og dei byr da på servering av kaffe og bakels, fortel Olav Jostein Holten. Krigsminnesamlinga held til i den gamle skulen på Åsen. INF har ei […]

Etter ei finvershelg med staseleg feiring og skikkeleg sommartemperatur, viser langtidsvarselet at sommaren er i full gang. Vi er lova dagtemperaturar opp mot 20-talet, og det er det nok mange som har venta på. Det er nok mange som har venta med å plante ut sommarblomtrane, med tanke på faren for frostnetter.

Todalen historielag inviterer til kulturvandring søndag 25. mai. Denne gongen er det Jonhagan, Trøinn og nedover langs Toåa på nordsia som står på programmet. Det er start frå Ungdomshuset kl 12. Etterpå er det samling i Ungdomshuset igjen, og her vil det bli lysbilde og historier om plassane som vi har vandra forbi. Her blir det […]

Vêrgudane vart meir og meir samarbeidsvillige utover dagen, og når folketoget starta frå Todalen oppvekstsenter var det både solgløtt og bra lufttemperatur og stemninga var god. Neste stopp var Todalen kyrkje, der sokneprest Bernt Venås helt gudsteneste for ei velfylt kyrkje. Etter gudstenesta var det kranspålegging ved bautaen, der Karin Helen Halle og Martinus Torvik sørgja for å minnast dei som hadde delteke i kampar for fedrelandet i perioden frå 1814 til og med andre verdskrig.

Etter at biltoget var ferdig som første post på programmet, var det klart for ein lang og god frukost på Bordholmen. TILs fotballgruppe hadde invitert sambygdingane til felles frukost, og jammen kan en seie at dei kom! Til saman 174 personar vart traktert med god og solid frukost. Russen som også deltok og var godt synleg i biltoget var invitert på gratis frukost, og det trur vi dei sette pris på.

Presis kl 09.30 svinga biltoget ut på vegen frå Matkroken, og sette kursen mot Brusetmarka og Gammelfabrikken. I spissen for toget var einaste traktoren som deltok, og det har etter kvart vorte tradisjon med traktor i spissen og russen som følgjer på. Tilsaman var det 54 kjørty som deltok i biltoget, som har tradisjonar attende til 50-talet da det etter kvart begynte å kome nokre bilar igjen etter krigen.

Grunnlovsfeiringa i Todalen startar med biltog frå Matkroken/HalsOil kl 9.30, og går oppover til Gammelfabrikken, der det blir ein kort pause før toget fortsett nedover bygda og endar opp på Bordholmen, der det er fellesfrukost for heile bygda, fortel Knut Bergli. Han er ledar for TILs fotballgruppe, som er arrangør av frukostarrangementet. Fredag kveld var frukoststaben i fullt arbeid med førebuingane og tilrigginga på Bordholmen. Og frukostkomiteen presiserer at frukosten blir på Bordholmen, i og med at vêret er i ferd med å lette.

Den tradisjonelle maiblomsten er framleis i handelen. Sigrun Ørsal frå Todalen sanitetsforening satt i kundestraumen på Matkroken for å selge maiblomst; både store til bil og små til å ha på jakkeslaget. Og salget gikk strykande, fortalte ho. Skal du ha maiblost til biltoget eller folketoget så må du raska på før stengetid kl 18:00.