Forside Arkiv

Jordskokk og jordskokksuppe hører ikkje med i menyen på eige kjøkken, og var nok litt skeptisk heilt til vi fikk ei innføring i mysteriet hos Anita Land i Bondehuset. Anita Land jobbar hos Bioforsk på Tingvoll, og 1. pinsedag hadde ho bruka til å koke jorsdskokksuppe til 100 personar på kjøkkenet i Bondehuset, for salg til publikum frå pinsegudstenesta og Vårsøgkonserten. Er nok litt nysgjerring av natur, og takka ja til ein smaksprøve etter at Anita hadde orientert litt om kva jordskokk er, og korleis det har vore bruka i gamal tid.

Det store spørsmålet er sjølvsagt om den er gått av, og høna delt i to? Ein kjapp fotorunde i morgontimane avslørte at den «heng i ein tynn tråd» enno, men det skal ikkje mykje til før den er er ferdig for i år. Det er tidleg, men om det er rekordtidleg veit ikkje vi. I eit normalår skjer nok dette rundt St. Hans-tida, men det varierer sjølvsagt frå år til år med både snømengde, vêrtilhøve og ikkje minst temperatur.

Tysdag 3.juni arrangerte StikkUT! og Surnadal kommune tur til Svorka og Bjorvollen. Ordføraren var tursjef, og det var i alt om lag 50 ivrige turvandrarar i det nydelege veret. Vi starta ved Svorkbrua i Bøverdalen og gjekk etter fin skogsveg innover mot Svorka og Bjorvollen, godt og vel 3 km.

Eldremiddagen i Todalen avslutta vårsesongen med middag i Sanitetshuset sist fredag. Kokkane, Karen Johanne og Grete, serverte særleg velsmakande lammelår og grønsaker, med karamellpudding til dessert. Tilsaman var det 29 gjestar til bord denne dagen.

Det nye vertskapet på Todalshytta, Helene Ness og Eric Malling, er så smått komne i gang med drifta på Todalshytta. Dei har no vært her ei vekes tid, og har alt hatt besøk av dei første gruppene til servering, og dei første vandrarane har også vore innom hytta. Eric fortel at det har vore interessante og lærerike dagar, med ein høg læringskurve. Laurdag ettermiddag skjer årets første «happeningen» på hytta, da skal dei hjelp av gode venner skal etablere microbyggeri på Todalshytta.

Torsdag 5. juni møttest Stavganggruppa ved brannstasjonen på Syltørane. Saman med Hans Christian Hårstad gjorde Jon Nordvik ein framifrå jobb som vegvisar og guide på heile turen, og vi vart mektig imponerte over å høyra om alt som går føre seg i dette industriområdet.

Etter mange gode treningsøkter i gymsalen i vinter var det sesongavslutning for dametrimmen torsdag kveld med tur opp Romålia. Farten opp lia var god, så det er tydeleg at trimkveldane har gjort godt!

I kveld var det full fres på Banksletta på Kvanne, nær sagt som vanleg, der 6 J10 lag var samla for ei miniturnering. Søya/Todalen, Kvass/Ulvungen, Sunndal og Grøa stilte med kvar sitt lag, medan Surnadal stilte med to. Alle lag spela 5 kampar i strekk på 3 ulike banar både på kunstgras- og grasbanen i fin kveldssol og god «før-torever-varme».

Denne bloggaren er jaggu ute i siste liten for å kunne delta på vår bli-kjent-runde blant utflytta todalingar. I løpet av sommaren tek han med seg kone og to små barn og flyttar heimatt til barndomsbygda. Vi kan ikkje seie anna enn HURRA!

Det er mesta rekordtidleg, men denne veka har dei fleste kome igang med førsteslåtten. Ei kjapp runde rundt bygda viser at det er full trøkk på mannskapet som er engasjert i slåttearbeidet. I fjor var det mange som hadde berre middelmådige avlinger, men i år ser det bra ut, sier Asbjørn Karlsen til Todalen.no.

Trimgruppa arrangerte tysdag kveld fellestur til Romålia og Romådalen. Med Trygve Halle som kjentmann gikk turen opp Romålia etter gammelvegen til Haukarsteinen, med 8 trimmarar i gruppa. På slike kveldar er det svalt og godt i Romålia som ligg i skuggen. Turen gikk vidare innover til Berga, der Romåa vart forsert.

Sommaren er endeleg komme, både på kalenderen og i vêret. Det betyr også at vi skal stemme fram vinnaren av månadens bilete for mai. Her finn du kandidatane vi har plukka ut for månaden.