Forside Arkiv

Da er Stortingsvalet 2017 i gang, og i Todalen er røystelokalet i biblioteket i skulen. Vallokalet er ope til kl. 20.00 i kveld.

Søndag og måndag er det stortingsval i Noreg. Da er det viktig at du brukar stemmeretten din, for akkurat di stemme kan være avgjerande for resultatet av valet. Vi skal ikkje legge oss borti kva parti du skal stemme på, vi berre oppfordrar deg til å møte og gi di stemme. I Todalen er vallokalet ope frå kl 12:00 til 20:00

L. feira 100-årsjubileum i 2008 og har heile tida vore eit samarbeidsprosjekt mellom dei to idrettslaga.  Dagen starta med sol frå skyfri himmel, og sjølv om det etter kvar skya til, så vart dette ein drømmedag i fjellet.

I dag startar rypejakta – frå i dag og fram til 23. desember er rypene fritt vilt, og det er nok mange som har drege til fjells for å få med seg dei første dagane av jakta. På skihytta er årets haustblot innleia, og den vanlege gjengen har installert ser der. 

I morgontimane i dag har starten gått for Trollheimsmarsjen 2017.  Nytt i år er at starten går frå Leikvoll stadion på Ålvundeid og over til målgang på Bordholmen stadion i Todalen. 3 bussar har gått frå Todalen og til Ålvundeid med folk som skal delta. – Finare forhold enn det er i dag får du neppe.

Måndag 11. september blir det ny Kløverrusletur melder turgruppa i Sanitetsforeninga. Denne dagen er turen lagt til Småbåthamna og Sissigrenda. Her kan ein rusle rundt både med rullator, stavar eller krykkjer.

Laurdag var det fotballdag heile dagen i Ungdomshuset.  Det skjedde i regi av Todalen idrettslag, som ønska å få til meir aktivitet i Ungdomshuset, samtidig som det er  veldig sosialt å sjå fotball i lag.  Da kan du kome og sjå favorittlaget ditt eller andre viktige kampar som du har lyst til å sjå.  Laurdag var det premiere for opplegget med 3 engelske fotballkampar på programmet.

Fredag kveld var ein gjeng frå Todalen elveeigarlag ute på stamlaksfiske, og denne kvelden gjorde dei eit skikkeleg scoop og samla inn heile 19 laksar til avlsarbeidet. Stamlaksfiske foregikk i Øvre- og Nedre hølen nedafor Brusetnesset.

Denne veka har stavganggruppa besøkt Todalen. Med Bordholmen stadion som samlingspunkt vart det tur utafor allfarveg i dag, da ruta var lagt etter stien som går frå Halsabrua og oppover etter elvekanten til stien kjem inn på fylkesvegen igjen ved Trøbakkan og kunne sette kursen mot Bordholmen igjen. 

Prosjektkoret 2017 er meir eller mindre ei fortsetting av Todalskoret, eller kanskje vi heller skal seie felleskoret med Åsskard kyrkjekor.  Det er framleis Bernt Bøe som er dirigent og musikalsk leiar, men har no ei friare tilknyting etter at han vart pensjonist. Onsdag 13. september kl 19.00 inviterer koret til «haustsongkveld» i Todalen ungdomshus. 

Onsdag kveld møttest G 10 Todalen/Søya og Bøfjorden/Bøverfjord til fotballkamp på Bordholmen. Det var stor innsats og gode prestasjonar frå båe laga, dei unge fotballspelarane var ivrige og flinke.

Todalen IL planlegger en Premier League dag i Ungdomshuset førstkommende lørdag 9. september. Dørene åpnes ca kl 13:00, og første kamp starter kl 13:30 mellom Manchester City og Liverpool FC. Deretter følger hovedkampen –  Everton FC mot Tottenham Hotspur kl 16:00, og avsluttes med Stoke City mot Manchester United kl 18:30.