Forside Arkiv

Sjølv om ikkje veret var det beste, var det stor oppslutning om årets siste Kløvertur måndag 6. november. Med Sanitetshuset som startpunkt, vart det fleire forskjellige turar

Berre 4 sjakkentusiastar møtte på sesongens første sjakkarrangement på Kaffekroken søndag kveld. Skuffende oppmøte, seier Anders Talgø og Terje Nordvik som har teke initiativ til å samlast til meir eller mindre uformelt sjakkspel i Kaffekroken på Halsbua.

Grytidleg søndag var lossinga i gang på kaia ved settefiskanlegget. Det var MS Torvind som kom frå Herøysundet med knusagrus til Per Gjeldnes Maskin. Da vi stakk bortom kaia på føremiddagen var lossinga på det næraste ferdig.

Måndag 6. november er det avslutning for Kløverturane i 2017. Da blir det både Kløverrusletur og Kløvertur. Etter turane blir det kaffelag i Sanitetshuset.

Etter invitasjon fra Ann Kristin Nerland Bruset arrangerer Todalen I.L. trimgruppa og Todalen Sanitetsforening samling med instruksjon i trening, avslapping og motivasjon. Ann Kristin er daglig leder i STV, Surnadal Trenings og velværesenter, og har drevet med akkurat slike ting i hele 11 år. Nå kommer hun altså til Todalen for å dele denne kunnskapen med oss og for å hjelpe oss til å kome i gang med enkle øvelser for å holde oss i form og få et harmonisk liv. Det skjer i gymsalen i Todalen skule onsdag 8. november kl 19.00

Søndag feirar mange kyrkjer Allehelgensgudsteneste. Dette er ei messe med preg av både vemod og håp. – Kanskje blir den litt einsidig forstått som berre minnedag for dei vi har mista siste året, seier Torbjørn Brøske, som skal leie gudstenestene i Stangvik, Todalen og Åsskard. – Dagen dei gamle kalla Helgemesse, er jo ei høgtid mynta på heile kyrkjelyden, understrekar han. Brøske gjer for tida teneste ved Sjømannskyrkja på Gran Canaria, men er på heimebane denne helga. – I Todalen kyrkje blir gudstenesta søndag kl 14.00.

Søndag 5. november startar vi på med førjulssjakk på Kaffekroken.  Det blir start kl 18.45, og sjakklubben oppfordrar alle som har lyst til å bli med på eit uformelt sjakk parti, seier Anders Talgø som er talsmann for gruppa.

I dag, søndag 29. oktober inviterer Todalen Idrettslag på middagservering i Todalen ungdomshus. Da er det bacalao som står på menyen, og med klippfisk frå Finnøy og Åse Ville Redalen som kjøkkensjef ligg det an til ein skikkeleg kulinarisk ettermiddag i ungdomshuset. Kl 15 blir det utdeling av krus og premier frå trimgruppa og ski- og friidrettsgruppa.

Måndag 30. oktober går Kløverturen frå Heggøyå, over Romåbrua og innover etter Røyskattvegen. Turen går etter grei skogsveg, og det er ikkje bratt. Her kan ein gå i eige tempo og så langt som det passar den enkelte. Oppmøte ved Halsbua kl. 11.00, derifrå blir det samkjøring innover til Heggøyan. Alle er velkomne til å […]

Start 4H i Todalen arrangerte laurdag haustfest nr 50 og markerte samtidig 50-årsjubileet for klubben under haustfesta i Todalen skule. Sjølv om haustfesta denne gongen konkurrerte med Sirkus SuSu i Idrettshallen samla dei bra med folk til fest og jubileumsfeiring.

Forleden arrangerte Todalen Bondelag sitt årsmøte for 2017. Ola G. Kvendset som har vore leiar i nokre år, gikk heilt ut av styret, og ny leiar vart Ståle Ansnes. Ståle er ikkje ukjent med denne posisjonen, og har tidlegare sitte som leiar i ei årrekkje.

I neste veke startar arbeidet med utbetring av vegen i øvre del av Falla (ved Kufallfossen), der noko av vegbreidda rasa ut i elva i vår. Fredag starta Per Gjeldnes Maskin arbeidet med å gjøre ferdig omkjøringsvegen, som skal gå i ei sløyfe om Tjønnmyra medan vegen i øverste del av Falla er stengt.