Vi fann 9082 artiklar i dette arkivet.
Bernt Bøe har slett ikkje ligge på latsida det første året som heiltids pensjonist. – No til jul har han vore redaktør av to julehefte frå Bøfjord Historielag, eller kanskje det er rettare å kalle det eit årsskrift og ei folkeminnesamling. – Det er iallfall på 7. året at Bøfjord Historielag kjem ut med årboka Gamle Nordmør med stoff som omhandlar heile Nordmøre.
Frå Edmund Talseth har vi fått bilde frå Gran Canaria, der han og kona Jenny har feriert dei siste vekene. Søndag var det samling på Norskplassen på øya, der det var friluftsgudsteneste i samarbeid mellom Sjømannskyrkja og Den norske klubben. Der trefte dei fleire todalingar som var ute i same ærend.
Onsdag 19. desember kl 18.00 inviterer P17-koret til julekonsert i Todalen kyrkje. Da blir det tradisjonell julekonsert med Prosjekt 17 – både som blandakor, damekor og som mannskor. P17-koret reklamerer med kjende, kjære, nye og vakre julesongar frå 12 ulike land. Denne kvelden er koret forsterka med organist Tor Strand som vi l traktere både orgel og piano.
Det byrjar å bli mange år sia sist det var frisør i bygda, men no kan du altså få klipt håret innombygdes. Merete Husby har starta opp salong, heime i boligfeltet på Kvennset.
Biblioteket i Todalen blir stengt i kveld (10.12), melder bibliotekaren. Neste måndag (17.12) er biblioteket ope i tidsrommet 18:00 – 20:00, og da er siste opningsdag før jul.
I dag var det lysmesse i Todalen kyrkje, og bruken av lys prega sjølvsagt gudsteneste. Sokneprest Kristin Strand og konfirmantane laga ein stemningsfull innmarsj med levande lys, og med slukka lys i kyrkja. Konfirmantane hadde også ei hjelpande hand med i gudstenesta, og sørga både for tenning av lys og for lesing av inngangsord.
I dag vart vinterens første skispor i lysløypa køyrt opp. Ståle Ansnes sørga for å preparere lysløypa med løypefresen og sporsettaren som laga sjølve skisporet. Løypetraseen vart 2-3 meter brei, med både skispor for klassisk og eit bredt felt for skøyteteknikk for den som ønskjer det.
Nærast som jul i «Hundremeterskogen» – frå venstre Torill Kvande, Oddmund Jørgensen og Hubertine Roebroek. Foto: Jon Olav Ørsal
Todalen I.L fotballgruppa bles i gang fotballtrim i gymsalen på Todalen skule igjen. Det skjer kvar fredagskveld i tidsrommet 18.30 – 20.00, og det er for alle som føler at dei treng litt trim før jul. Første kvelden er fredag 7. desember og vidare kvar fredagskveld fram til jul. Kom og bli med, oppfordrar Knut […]
«Kjøle med folk for ei lita bok, men velkomne er de alle saman», slik opna Lars Steinar Ansnes boksleppet på Stangvik skule onsdag kveld. Her presenterte han i lag med Erling Myrbostad og Torbjørn Polden den nye boka «Under Skarfjellet». Desse tre karane har arbeidd i lag om bokprosjekt i snart ti år. Den første boka om Kvenndalen kom i 2010, den neste om Søyådalen i 2015 og no ei lokalhistorisk bok om nærområdet, altså «nedom ovagjerdsutgarden» på Lykkjeeidet og i Lykkjebygda. Dette er ei bok med breitt emneval, men kvardagsleg.
Tommy Fossum har gjennom heile livet sakna ein samla presentasjon av historia om lakselordane og ladyene på Nordmøre i «Engelsktida» frå midten av 1800-talet til midt på 1900-talet. Til slutt vart irritasjonen så stor at han sette i gang arbeidet med å samle informasjon – bilder, historier og informasjon kven dei var, kvar dei kom frå og kva dei heldt på med her.
I dag var medlemane i Surnadal pensjonistlag samla til julemiddag i festsalen på Nordmøre Folkehøgskule. Dette er ein årleg foreteelse, og eit populært tiltak som samlar nærast full sal. På programmet denne dagen var det ikkje berre julemiddag, men også song og musikk – og triveleg lag. Men høgdepunktet var kanskje utdeling av den årlege «Eldrearbeidarprisen» som kvart år går til nokon som har gjort noko spesielt som omsorg til glede og nytte for eldre. Og årets pris gikk til Terje Nordvik for mykje omsorg og omtanke for eldre – spesielt for bebuarane på sjukeheimen, der han ofte stikker innom på besøk.