Vi fann 9080 artiklar i dette arkivet.
Søndag fikk desse tre ein skikkeleg prøvetur på løypa for Kårvatn SkyRun som blir arrangert for første gong den 24. august. Det har lenge vore planlagt å kjøre ein test på løypa, men vi måtte vente til no på grunn av varmebølga dei siste par vekene, seier Gudmund Kårvatn, som er primus motor for arrangementet Kårvatn SkyRun. Arrangementet er eit samarbeid mellom Kårvatn Fjellutstyr og Todalen Idrettslag, fortel Kårvatn.
Dagens luftetur vart en fottur til Nauståfossen. På turen trefte vi på denne familieidyllen på vegkanten, der det var tid for en liten matbit. Mor Angus sørga for at junior fikk ein liten mjølkeskvett å kose seg med, og dette var nok ferskvare i ordets rette forstand.
Fredag 16. og Lørdag 17. august står norsk vandrefestival for tur med årets festivalarrangement. I år skal dei ha base i Svinvika, men fredagskvelden arrangeres kveldens konsert i tunet hos Slettneset Steinovnsbakeri. Her får vi først høre Tea Megaard før Anders Jektvik slepper til.
Sigrid Elise Talgø inviterte til «salong-salg» på Tovbu i Øyagrenda. Mange kom for å sjå, mange fann både riktig fine og nyttige saker her! Nesten ingen gjekk tomhendte heim att!
Det er Solveig Glærum som kjem med denne oppfordringa. Ho seier at det er alt for ofte at ho kjører gjennom tunellen at ho treffer syklistar og gåande som ikkje har lys fram og bak på sykkelen – og ikkje skikkeleg refleks.
Straks før du kjem til Svinviktunellen på Todalssia, har det i «nattens mulm og mørke» ramla ut ein stein som ligg like ved vegkanten. Den ligg rett nok utafor vegbanen, men kan likevel være skummel.
Einy Rendal Elgsæther og Svein Volle feira bryllaup i vinter. Laurdag inviterte dei til heidundrande musikalsk etter-lag som open gratiskonsert i Stangvik-kyrkja. Svein og hans sunnmørske slektningar stod for det meste av programmet. Og for ein musikkfamilie! Orgel, klarinett, fløyter, horn, solosong, familiekor – og endatil ein 7-årig fiolinist gledde og imponerte den store forsamlinga. Frå vennekretsen deltok pianist (og komponist) Svein Gjære, munnspelaren Ola Bræin og pianist Hedda Hansen Berg.
I Innerdalen har det i natt og i dag vore sett i gang leiteaksjon etter ein mann i slutten av 60-åra. Mannen dro ut på tur onsdag, og har overnatta på Bårdsgården i Storlidalen natt til torsdag. I kveld vart mannen funnen i god behald av turgåarar, skriv adressa.no
Laurdag 27. juli blir det sommarkonsert i Stangvik kyrkje. – Det er Einy Rendal Elgsæther og Svein Volle som inviterer til konsert med slekt og vener som aktørar for eit variert program med m.a. Mozarts klarinettkonsert i a-moll ved Roar Alnes Aarum på klarinett og Margaret Standal Volle Haugland på orgel.
Svinviks arboret minner om at det går mot sesongslutt denne helga. Komande søndag (28/7), er siste ordinære opningsdag denne sesongen, og opningstida både fredag, laurdag og søndag er frå kl.11 til kl.16. Ta gjerne ein tur innom i godvêret, oppfordrar Maja Frønes, som også minner om at neste sjanse til å besøke arboretet blir under Norsk Vandrefestival, 16- […]
Natt til onsdag var det ikkje langt unna at vi hadde tropenatt i Todalen, men sjølv om denne sjansen glapp i natt så blir det fleire. For varmen vil vedvare til over helga, og først tysdag og onsdag i neste veke vil vindretninga dreie på nordvest og gi litt nedbør og kaldere vêr. I dag har vi sett trettitalet på gradstokken og det vil vi nok få sjå dei neste dagane og.
Med gode vêrmeldingar for resten av veka nyttar Todalen Mjølk høvet til å starte 2.-slåtten for fullt. Med godt over 2000 dekar med gras på rot, er det tross alt nokre dagars arbeid å få gjort om alt graset til siloballar. Vi tok ein liten prat med Odd Harald Talgø som i kveldinga var i gang med slåtten i Husbytrøinn, der rundt 70 mål skulle slåast.