Arkiv for april, 2024

Sanitetsforeninga inviterer til Kløvertur måndag 8. april. Start frå Matkroken kl. 11:00. Alle er velkomne til å bli med ut på tur!

Surnadal demensforening og helselag får besøk av lege Kari Løvendahl Mogstad – håper mange møter opp til en lærerik kveld som er åpen for alle.
Surnadal demensforening og helselag driver allsidig helsefremmende aktiviteter i vårt nærmiljø. Målet er å skape trivsel, gode møteplasser og bidra til livskvalitet som det står i vår lokale brosjyre.

AR Sjømat AS frå Kristiansund vil tysdag 9. april, i tidsrommet 11:00 – 16:30, ha ny salsstand utanfor Matkroken Todalen, der dei vil selje forskjellege fiskeprodukt, reker og fisk. 

Første laurdagen i april inviterte Todalen sanitetsforening til Fredrikkekaffe. Sjølv om sola skein og det var godver, var det heile atten kvinner samla rundt borda i Sanitetshuset.

Vi vel oss april, men først kastar vi blikket tilbake på mars og kandidatane for det beste innsendte bilete denne månaden. 

Todalen sanitetsforening inviterer til strikkekaffe laurdag 6. april i tidsrommet 13:00 – 16:00. Alle er velkomne!

Denne helga deltak Talgø MøreTre på «Hyttemessen 2024» på Utstillingsområdet på Hellerudsletta, like utafor Lillestrøm.  Denne veka har messesnekkarar frå Talgø vore travelt opptekne med å rigge til messa, og no er det meste av jobben unnagjort, fortel Bjørn Sæterbø som har sendt oss nokre bilder frå innspurten av førebuingane. 

Tilsettingsrådet i Møre bispedøme har tilsett Pål Arne Winsnes som sokneprest i Indre Nordmøre prosti. Han skal ha sokna i Surnadal som arbeidsfelt. 

Dersom du lurer på kva Veidekke driv med etter vegane i Todalen,  så kan vi røpe at det er inspeksjon av stikkrenner og grøter som pågår.  Ole Peder Holten er utrusta med kamera, og blokk og blyant for å registrere behov for vedlikehald langs fylkesvegane rundt bygda.  

I dag vart det funne eit gåvekort på Todalsøra – på strekninga mellom brua over Ytteråa (ved Ørskog) og Todalsøra.  Gåvekortet har pålydende kr 500 og er utstedt 28. mars.  Er du den rettsmessige eigaren, så kan du ta kontakt med Matkroken Todalen.

Todalen sanitetsforening og Surnadal sanitetsforening inviterer til ope møte om kvinnehelseproblem tysdag 23. april kl. 19:00 i aulaen på Surnadal vidaregåande skule. 

Frå og med i går, 1. april til og med torsdag 31. oktober, er det bandtvang for hund i Surnadal kommune. Den generelle bandtvangen i Norge er frå 1. apil – 20. august, men Surnadal kommune har eiga forskrift om bandtvang, som betyr at Surnadal kommune har lengre bandtvangperiode enn det Hundelova seier. Dette betyr at hunden i denne perioden skal vere i band, forsvarleg inngjert eller vere innestengd. Somme unntak gjeld for jakt- og gjetarhundar, samt toll- og politihundar, når desse er i aktiv teneste, Bandtvangen er regulert i Lov om hundehald (Hundeloven) § 6, og i Surnadal kommune si forskrift om Bandtvang.